திருவள்ளூர், ஆக.25 –
திருவள்ளூர் மாவட்ட பத்திரிகையாளர் சங்கம் சார்பில் முன்னாள் ராணுவப் படை வீரர்களுக்கான கொடிநாள் நிதிக்கான காசோலை, மாவட்ட ஆட்சியர் ச.கவிதாவிடம்சங்க நிர்வாகிகள் வழங்கினர்.
முன்னதாக, மாவட்ட பத்திரிகையாளர் சங்க நிர்வாகிகள் ஆட்சியர் ச.கவிதாவை நேரில் சந்தித்து பல்வேறு கோரிக்கைகள் அடங்கிய மனுவை அளித்தனர். அதில், திருவள்ளூர் ஆட்சியர் அலுவலக வளாகத்தில் உள்ள செய்தியாளர்கள் அறையில் பழுதடைந்துள்ள சுத்திகரிக்கப்பட்ட குடிநீர் இயந்திரத்தை மாற்றி புதிய இயந்திரம் அமைக்கவும், மேஜைமற்றும் இருக்கைகளை மாற்றி அடிப்படை வசதிகளை மேம்படுத்தவும் கோரிக்கை விடுத்தனர்.
இதனைத் தொடர்ந்து, முன்னாள் ராணுவப் படை வீரர்களுக்கு உதவும் வகையில் கொடிநாள் நிதிக்கான காசோலையை சங்க நிர்வாகிகள்ஆட்சியரிடம் வழங்கினர்.
கொடிநாள் நிதி வழங்கிய பத்திரிகையாளர் சங்க நிர்வாகிகளைஆட்சியர்ச.கவிதா பாராட்டினார்.
நிகழ்ச்சியில் சங்கத்தலைவர் எம்.அருள் பிரேம் தாஸ், பொதுச் செயலாளர் என்.உதயகுமார், பொருளாளர் வெங்கடேஸ்வர்லு, ஒருங்கிணைப்பாளர் முரசொலி ஆர்.அண்ணாதுரை, நிர்வாகிகள் சீனிவாசன், சுதாகர், எழில், எம்.ஏ.கரு ணாநிதி, பாண்டியன், யுவராஜ், இளங்கோவன், விநாயகமூர்த்தி, ரமேஷ், லோகநாதன், நரேஷ், சந்திரசேகர், நவீன் உள்ளிட்டோர் கலந்து கொண்டனர்.்