சென்னை, ஆக. 25 –
கழகத் தலைவர் மு.க.ஸ்டாலின் அவர்கள், நேற்று காலை, சென்னை திருவான்மியூரில், இயக்குநர் அமிர்தம் அவர்களின் பேத்தி
திருமண விழாவைத் தலைமையேற்று நடத்தி வைத்து, மணமக்களை வாழ்த்தி உரையாற்றுகையில், ‘‘இலட்சக்கணக்கான மக்கள் செய்த தவறு, கோடிக்கணக்கான மக்களை இன்றைக்குத் துன்புறுத்திக் கொண்டிருக்கிறது! இந்த நிலை மாற வேண்டும்!’’ என்றும், ‘‘வீடுகள் தோறும் பட்டதாரிகளை உருவாக்கியது திராவிட இயக்கம்!’’ என்றும் குறிப்பிட்டார்.
கழகத் தலைவர் மு.க.ஸ்டாலின் அவர்கள் நேற்று (24–08–2026) காலை,
சென்னையில், இயக்குநர் அமிர்தம் அவர்கள் இல்லத் திருமண விழாவில் ஆற்றிய உரை வருமாறு:–
உங்கள் அனைவருக்கும் என்னுடைய அன்பான வணக்கம்!
நம்முடைய பெருமதிப்பிற்குரிய,
‘அண்ணன்’ என்று அழைப்பது உண்டு; ஆனால் முறைப்படி பார்த்தால் நான் அவரை ‘அத்தான்’ என்றுதான் அழைக்க வேண்டும். ஆனால் நான் மட்டுமல்ல, என்னுடைய அண்ணன், தம்பி யாராக இருந்தாலும்,
முரசொலி மாறன் அவர்களாக இருந்தாலும், முரசொலி செல்வம் அவர்களாக இருந்தாலும், நம்முடைய இயக்குநர் அமிர்தம் அவர்களாக இருந்தாலும், அவர்களை
எல்லாம் நாங்கள் “அண்ணன், அண்ணன்” என்று அழைத்துப் பழக்கப்பட்டவர்கள்.
அப்படிப்பட்ட உரிமையோடு, உறவோடு இருக்கக்கூடியவர்கள் அவர்கள்.
இன்று அண்ணன் அமிர்தம், அக்கா
திருமதி வசந்தா ஆகியோருடைய பேத்தியும் டாக்டர் சதீஷ்குமார் – டாக்டர் கலைச்செல்வி ஆகியோரின் மகளுமான மணமகள் டாக்டர் இலக்கியாவிற்கும்; (நினைவில் வாழக்கூடிய) கோபாலன் – நஞ்சம்மா ஆகி
யோரின் பேரனும், கும்மி – திருமதி
ரூபா ஆகியோரின் மகனுமான மணமகன் டாக்டர் கிரிதராவிற்கும் மணவிழா நிகழ்ச்சி
நிறைவேறியிருக்கிறது.
இந்த மணவிழா நிகழ்ச்சிக்குத் தலைமைப் பொறுப்பை ஏற்று, மணவிழாவை நடத்தி வைத்து, அதே நேரத்தில் மணமக்களை வாழ்த்தக்கூடிய ஒரு சிறப்பான
வாய்ப்பைப் பெற்றமைக்கு நான் மகிழ்ச்சி அடைகிறேன்; பெருமைப்படுகிறேன்.
ஒட்டோடும் உறவோடும் வாழும்,
“கோபாலபுரத்துக் குடும்பம்”
கலைஞருடைய குடும்பம் என்பது உங்களுக்கெல்லாம் நன்றாகத் தெரியும். இது கலைஞருடைய குடும்பம் மட்டுமல்ல, ஒரு ‘கோபாலபுரத்தினுடைய குடும்பம்’ என்றே