#Title

ஓசூருமில்லை, பரந்தூரையும் இழந்தால் நம் தொழில் வளர்ச்சி எங்கே போகும்?

இந்தச் சூழ்நிலையில், பரந்தூரிலேயே விமான நிலையத்தை அமைப்பதுதான் மிகச் சரியான முடிவாக இருக்கும். ஆனால், இதை நீங்கள் அரசியல் காரணங்களுக்காக இன்றைக்கு மாற்றுகிறீர்கள் என்ற எண்ணம் ஏற்படுகிறது.

ஒரு திட்டம் நாட்டிற்கு வரும்போது, அதில் அரசியல் செய்யக்கூடாது. அரசியல் காரணங்களுக்காக ஏதேனும் திட்டங்கள் நிறுத்தப்படு கின்றன என்றால், அது நம்முடைய பொருளாதாரத்தையே பாதிக்கும். ஏற்கனவே அதிமுக ஆட்சியில், துறைமுகத்திலிருந்து மதுரவாயல் வரையிலான திட்டம் அரசியல் காரணங்களுக்காக நிறுத்தப் பட்டது. மீண்டும் நம்முடைய கழக ஆட்சியில்தான் அந்தத் திட்டம் தொடங்கப்பட்டது. இதுபோன்று பல்வேறு சூழ்நிலைகளில் அரசியல் காரணங்களுக்காக திட்டங்களை நிறுத்தினால், அது ஒட்டுமொத்த நாட்டினுடைய பொருளாதாரத்தையும் பாதிக்கும்.

எனவேதான் நான் கேட்டுக்கொள்ள விரும்புவது என்னவென்றால், அரசு அரசியல் நோக்கங்களைக் கடந்து சிந்திக்க வேண்டும். திராவிட முன்னேற்றக் கழக ஆட்சியில் கொண்டுவரப்பட்ட இந்தத் திட்டத்தில், இன்றைக்கு நிலம் கையகப்படுத்தும் பணிகள்கூட ஏறத்தாழ 90 சதவீதம் முடிந்துவிட்ட நிலையில், தேர்தல் அறிக்கையில் சொல்லிவிட்டோம், விக்கிரவாண்டியில் சொல்லிவிட்டோம் என்ற காரணங்களை மட்டும் முன்வைத்து இந்தத் திட்டத்தை நிராகரிப்பது, அப்பகுதியின் பொருளாதார வளர்ச்சியை மிகப்பெரிய அளவில் பாதிக்கும்.

ஆந்திராவை நோக்கிச் செல்லும்

தொழிற்சாலைகள்!

ஸ்ரீபெரும்புதூர் மட்டுமல்ல; நம்முடைய பகுதிகளைச் சுற்றிப் பார்த்தீர்கள் என்றால், பல்வேறு தொழிற்சாலைகள் ஆந்திராவை நோக்கிச் செல்லக்கூடிய சூழ்நிலைகளும் உருவாகியிருக்கின்றன. ஆந்திர அரசும் ஏற்கனவே அங்கேஒரு விமான நிலையம் அமைப்பதற்கான முயற்சிகளை மேற்கொண்டு வருகிறது. ஏற்கனவே ஓசூர் விமான நிலையத்தையும் நாம் இழந்திருக்கிறோம். பெங்களூருவில் இப்போது இரண்டாவது விமான நிலையத்திற்கானமுயற்சிகள் முன்னெடுக்கப்பட்டு வருகின்றன. ஆந்திராவின் குப்பம் பகுதியிலும் விமான நிலையம் வருவதற்கான நடவடிக்கைகள் நடைபெற்று வருகின்றன.

சுற்றியுள்ள மாநிலங்கள் எல்லாம் விமான நிலையங்கள் உருவாகிக் கொண்டிருக்கின்ற நிலையில், ஓசூரில் நமக்கு அனுமதி மறுக்கப்பட்டதால் அந்த வாய்ப்பையும் நாம் இழக்கிறோம். இப்போது மீண்டும் பரந்தூரையும் இழந்துவிட்டால், தமிழ்நாட்டினுடைய தொழில் வளர்ச்சி எங்கே போகும்? நம்முடைய பொருளாதார இலக்கு எங்கே போகும்?

அரசு அறிவித்திருக்கக்கூடிய 1.5 டிரில்லியன் அமெரிக்க டாலர் பொருளாதார இலக்கை இந்த அரசு எப்படி நிறைவேற்றப் போகிறது? அதற்கான ரோட்மேப் என்ன?

ஆகவே, தமிழ்நாட்டின் வளர்ச்சிக்கும், தொழில் முன்னேற்றத்திற்கும் அடித்தளமாக அமையக்கூடிய இதுபோன்ற முக்கியமான திட்டங்களை அரசியல் காரணங்களுக்காகத் தடுத்து நிறுத்தும் போக்கைக் கைவிட வேண்டும். இல்லையென்றால், தமிழ்நாட்டின்வளர்ச்சிக்கும் அதன் முன்னேற்றத்திற்கும் இந்த அரசு துணை நிற்கவில்லை என்பதையே இது வெளிப்படுத்தும்

இவ்வாறு தங்கம் தென்னரசு எம்.எல்.ஏ. குறிப்பிட்டார்.