#Title

தே.மு.தி.க. நிறுவனர் கேப்டன் விஜயகாந்த் புகழ் நீடு வாழ்க! 74–வது பிறந்தநாளையொட்டி – கழகத் தலைவர் மு.க.ஸ்டாலின் வாழ்த்து!

சென்னை, ஆக. 26 –

தே.மு.தி.க. நிறுவனர் கேப்டன்விஜயகாந்த் அவர்களின் புகழ் நீடு வாழ்க என்று அவரது பிறந்த நாளையொட்டி கழகத் தலைவர் மு.க.ஸ்டாலின் அவர்கள் வாழ்த்து தெரிவித்துள்ளார்.

தே.மு.தி.க. நிறுவனர் கேப்டன் விஜயகாந்த் அவர்கள் சிறிது காலம் உடல் நலம் குன்றி இருந்தபோது, அப்போது முதல்வராக இருந்த கழகத் தலைவர் மு.க. ஸ்டாலின் அவர்கள், கேப்டன் அவர்களின் இல்லம் சென்று அவரது உடல் நலம் குறித்து கேட்டறிந்தார் (அப்போது எடுக்கப்பட்ட புகைப்படம்தான்இங்கே வெளியிடப்பட்டுள்ளது).

மேலும் கேப்டன் விஜயகாந்த் அவர்கள் 28.12.2023 அன்று மறைந்த பொழுது, சென்னை ராஜாஜி ஹாலில் பொதுமக்களின் அஞ்சலிக்காக வைக்கப்பட்டு, தே.மு.தி.க.தலைமை அலுவலகத்தில் அவரது உடல் ‘திராவிட மாடல்’ ஆட்சியில் அரசு மரியாதை யுடன் அடக்கம் செய்யப்பட்டது என்பது நினைவு கூரத்தக்கது.

இந்நிலையில் கேப்டன் விஜயகாந்த் அவர்களின் 74–வது பிறந்தநாளை யொட்டி, கழகத் தலைவர் மு.க.ஸ்டாலின் அவர்கள் சமூக வலைதளத்தில் விடுத்துள்ள வாழ்த்துச் செய்தி வருமாறு:–

ஏழை மக்களின் மேல் கொண்ட அளவற்ற அன்பால் அவர்களின் நெஞ்சத்தில் நீங்காத நினைவாய் வாழும் எனது அருமை நண்பரும் தே.மு.தி.க. நிறுவனருமான கேப்டன் விஜயகாந்த் அவர் களின் பிறந்தநாள் இன்று!

அவரின் கனவுகளை நனவாக்க உழைக்கும் தே.மு.தி.க. தோழர்களுக்கும் அவர்களைவழிநடத்தும் அன்புச் சகோதரிதிருமதி @PremalathaDMDKஅவர்களுக்கும் எனது வாழ்த்து களைத் தெரிவித்துக்கொள்கிறேன்.

கேப்டன் அவர்களின் புகழ் நீடுவாழ்க!

இவ்வாறு கழகத் தலைவர் மு.க.ஸ்டாலின் அவர்கள் வாழ்த்து தெரிவித்துள்ளார்.