மதுரை, ஆக. 26–
மீனாட்சி அம்மன் கோயில் கும்பாபிஷேக விழா ஏற்பாடுகளில் அமைச்சர் நிர்மல்குமார் சட்டத்தை மீறி செயல்படுகிறார், என்று தி.மு.க. கவுன்சிலர்கள் குழுத் தலைவர் ஜெயராம் குற்றம் சாட்டினார்.
மதுரை மாநகராட்சிக் கூட்டத்தில் அவர் பேசியதாவது:
மீனாட்சி அம்மன் கோயில் கும்பாபிஷேக விழா ஆலோசனைக் கூட்டத்துக்கு அறங்காவலர்களை அழைப்பதில்லை. கும்பாபிஷேக விழா அழைப்பிதழ்களில் பெயர்கள் அச்சிடவில்லை. மீனாட்சி அம்மன் கும்பாபிஷேக விழா ஆலோசனைக் கூட்டங்களில் அமைச்சர்களின் தலையீடுகள் அதிகரித்துள்ளன.
அறங்காவலர்கள் புறக்கணிப்பு பற்றி நாளிதழ்களில் செய்திகள் வந்துள்ளன. மீனாட்சி அம்மன் கோயிலுக்கு முன்னாள் அமைச்சர் பழனிவேல் தியாகராஜனின் தந்தை பழனிவேல்ராஜன், தாத்தா பிடி.ராஜன் போன்ற அவர்களது குடும்பத்தினர் காலம், காலமாக சேவை செய்து வருகிறார்கள். தற்போது
அறங்காவலர் குழுத்
தலைவராக பழனிவேல் தியாகராஜனின் தாயார் ருக்மணி உள்ளார். அவரையும், அறங்காவலர் உறுப்பினர்களையும் கோயில் நிர்வாகம் மதிப்பதில்லை. மின்துறை அமைச்சர் நிர்மல்குமார் சட்டத்தை மீறி மீனாட்சி அம்மன் கோயில் விஷயங்களில் தலையிடுகிறார்.
அமைச்சர் நிர்மல்குமார், அவரது கட்சி எம்.எல்.ஏ.க்கள் இடையே ஒற்றுமையில்லை. அவருக்கும், த.வெ.க.எம்.எல்.ஏ.-க்களுக்கும், மதுரைக்கு தேவையான நிதி, திட்டங்களைப் பெற்றுத்தரும் திறன் இல்லை.
மீனாட்சியம்மன் கோயில் விழாக்கள் அனைத்திலும் மாநகராட்சியின் பணி முக்கியத்துவம்
வாய்ந்தது. விழா சிறப்பாக நடைபெற உதவும் மாநகராட்சிகவுன்சிலர்களை மீனாட்சி அம்மன் கோயில் விழாக்களில் அறநிலையத் துறை அதிகாரிகள் மதிப்பதே இல்லை. திருக்
கல்யாணத்துக்கு ஒருபாஸ் வழங்கிவிட்டு, கணவனையோ, மனைவியையோ அழைத்து வரக்கூடாது என்றார்கள்.
மீனாட்சி அம்மன் கோயில் கும்பாபிஷேக விழாவில் கவுன் சிலர்களுக்கு உரிய மதிப்பும், மரியாதையும் மாநகராட்சி பெற்றுத் தர வேண்டும் என்றார்.