சொல்லலாம். அந்த அளவிற்குநாங்கள் ஒட்டோடும் உறவோடும் இருக்கக்கூடியவர்கள். அந்த அடிப் படையில் தான் இன்றுவரைஇருந்து கொண்டிருக்கிறோம்.
அமிர்தம் அவர்களைப் பற்றி நாம் சொல்ல வேண்டும் என்று சொன்னால், தலைவர் கலைஞருடைய சகோதரியினுடைய மகன்; அதாவது என்னுடைய அத்தை மகன் அமிர்தம் அவர்கள். அதேபோல கலைஞருடைய இன்னொரு சகோதரியினுடையமகன்கள்தான் முரசொலி மாறன்மற்றும் முரசொலி செல்வம். இந்த மூன்று பேரும்தான், அது நானாக இருந்தாலும் சரி,அழகிரி அவர்களாக இருந்தாலும் சரி, மு.க.முத்து அவர்களாக இருந்தாலும் சரி, தம்பி தமிழரசு அவர்களாக இருந்தாலும் சரி, செல்வியாக இருந்தாலும் சரி, எங்களை எல்லாம் அவர்கள்தான் வளர்த்தெடுத்தவர்கள். பெற்றவர்கள் தலைவர் கலைஞராக இருந்தாலும், தாயார் தயாளு அம்மாளாக இருந்தாலும், எங்களை வளர்த்தவர்கள் இந்த மூன்று பேரும்தான்.
இந்த மூன்று பேரும்தான் நாங்கள் என்ன படிக்கிறோம்,எந்தக் கல்லூரிக்குச் செல்கிறோம், எந்தப் பள்ளிக்குச் செல்கிறோம், என்ன தொழில் செய்ய வேண்டும் என்றெல்லாம் எங்களுக்குஅறிவுரைகளையும் ஆலோசனை களையும் வழங்கியவர்கள்.
முரசொலி மாறன் அவர்களைப்பொறுத்தவரையில், பட்டும்படாமல் இருப்பார். முரசொலிசெல்வம்அவர்களைப் பொறுத்த வரையில்,மிகவும் சாந்தமாக, எதைப் பற்றியும் கவலைப்படாமல்,எங்களுக்கு ஏதாவது பிரச்சினை ஏற்பட்டால் அதை உடனடியாக நிவர்த்தி செய்துவிடுவார். அவ்வளவு சாதகமாக எங்களுக்கெல்லாம் இருப்பார்.
என்னை அடித்து வளர்த்தவர்,
அண்ணன் அமிர்தம் அவர்கள்!
ஆனால் அமிர்தம் அண்ணனி டத்தில் அப்படி இருக்க முடியாது; அண்ணன் அமிர்தம் அவர்கள் ரொம்பக் கண்டிப்பானவர். இன்னும் சொல்ல வேண்டும் என்றுசொன்னால், என்னைக் கன்னத்திலே அடித்திருக்கிறார்! நான் பலமுறை அதை எடுத்துச் சொல்லி யிருக்கிறேன். அந்த அளவுக்குக்கண்டிப்பானவர்; அடித்து வளர்த் தவர் அமிர்தம் அவர்கள். அப்படிப்பட்டவருடைய பேத்திக்கு நடை பெறக்கூடிய மணவிழாவில்கலந்துகொள்ளும் நேரத்தில் நான் உள்ளபடியே மகிழ்ச்சி அடைகிறேன்.
இங்கே சகோதரர் ஆ.இராசாஅவர்கள், இன்றைக்கு நாடு எப்படிஇருக்கிறது என்பதைப் பற்றிச் சுட்டிக் காட்டியிருக்கிறார். நான் அதிகமாக அந்தப் பிரச்சினைக்குப் போகவிரும்பவில்லை;அரசியலாக்கவிரும்பவில்லை. இது ஒரு குடும்பவிழாவாக இருக்கிற காரணத்தால் நான் அதிகம் அரசியலுக்குச் செல்லவில்லை.
டாக்டர்கள் குடும்பத்துத்
திருமணம் இது!
ஆனால் ஒன்றை எண்ணிப்பாருங்கள்! இன்றைக்கு அமிர்தம்அவர்களுடைய மகளாக இருந்தாலும், மாப்பிள்ளையாக இருந்தாலும் இரண்டு பேரும் டாக்டர்கள். இன்றைக்குப் பேத்தி இலக்கியாவுக்குத் திருமணம்; அவரும் டாக்டர். அவர் மணமகனாகக் கரம் பிடித்திருக்கக்கூடியகிரிதரா,அவரும் டாக்டர்! ஆகவே, ஒரு டாக்டர் குடும்பத்தில் நடைபெறக்கூடிய திருமணம் இது. டாக்டர்கள்சேர்ந்து ஒன்றாக இருக்கக்கூடிய குடும்பத்தில் நடைபெறக்கூடிய திருமணமாக இந்தத் திருமணம் நடந்து கொண்டிருக்கிறது.
நமது உயர்வுக்கெல்லாம் காரணம்
திராவிட இயக்கம்!
ஒன்றை நீங்கள் நினைத்துப் பார்க்க வேண்டும். அரை நூற்றாண்டுக்கு முன்னால் பார்த்தால், அத்தி பூத்தாற்போலத்தான் ஒரு டாக்டரோ அல்லது பட்டதாரியோஇருப்பார்கள். ஆனால் இன்றைக்கு ஊருக்கு ஊர், கிராமத்திற்கு கிராமம்,வீட்டிற்கு வீடுபட்டதாரிகளும் மருத்துவர்களும் இருக்கிறார்கள்என்று சொன்னால், அதற்குக்காரணம் ‘திராவிட இயக்கம்’ என்பதையாரும் மறந்துவிடக் கூடாது!
அப்படிப்பட்ட திராவிட இயக்கத்தின் வழித்தோன்றலாக, திரா விட முன்னேற்றக் கழகப் பரம்பரைக் குடும்பத்தில் நடைபெறும்திருமணமாக இந்தத் திருமணம் நடந்து கொண்டிருக்கிறது.ஆனால்இந்த நிலை வருவதற்கு யார் காரணமாக இருந்தார்கள் என்பதை இன்றைக்கு இருக்கக்கூடிய இளைஞர்கள் புரிந்து கொள்ள வேண்டும்; தெரிந்து கொள்ளவேண்டும். அவர்களுக்குப் புரியவில்லை, தெரியவில்லை. அதனால்தான்இராசா சொன்னதுபோன்று, ஒருமாற்றம் தமிழ்நாட்டில் ஏற்பட்டு,அது ஏமாற்றமாக மாறியிருக்கிறது. இலட்சக்கணக்கான மக்கள் செய்த தவறு, கோடிக்கணக்கான மக்களைஇன்றைக்குத் துன்புறுத்திக் கொண்டிருக்கிறது. இந்த நிலை மாற வேண்டும்.
எனவே, இந்த நிலைமாறு வதற்கு இந்த மணவிழாவில் கலந்து கொண்டிருக்கக்கூடிய நீங்கள் வரக்கூடிய காலகட்டங்களில் சிறப்பான வகையிலே சிந்தித்துப் பார்த்துச் செயல்பட வேண்டும் என்று உங்களைஅன்போடு கேட்டுக்கொள்கிறேன்.
இன்றைக்கு இலக்கியாவாக இருந்தாலும் சரி, டாக்டர் கிரிதரா வாக இருந்தாலும் சரி, நான் அதிகமாக அறிவுரை சொல்ல வேண்டிய அவசியம் இல்லை.
குழந்தைகளுக்கு அழகான
தமிழ்ப் பெயர்களைச் சூட்டுங்கள்!
உங்களுக்கு நான் வைக்கக்கூடிய ஒரே வேண்டுகோள்: நீங்கள் பெற்றெடுக்கக்கூடிய குழந்தைகளுக்கு அழகானதமிழ்ப் பெயர்களைச் சூட்டுங்கள்!எப்படி தலைவர் கலைஞர் தன்னுடைய குடும்பத்தில் எல்லாக் குழந்தை களுக்கும், எல்லாப் பேத்திகளுக்கும் தமிழ்ப் பெயரைச் சூட்டியிருக் கிறார்களோ, அதேபோன்று நம்முடைய அமிர்தம் அவர்கள் இல்லத்தில் நடைபெறக்கூடிய இந்த மண விழாவில் மணமக்களை நான் அன்போடு கேட்டுக்கொள்வது, குழந்தைகளுக்கு அழகானதமிழ்ப் பெயர்களைச் சூட்டுங்கள், சூட்டுங்கள் என்று அன்போடுகேட்டு, புரட்சிக்கவிஞர் பாரதிதாசன்எடுத்துச் சொல்லியிருக்கக்கூடிய “வீட்டிற்கு விளக்குகளாக, நாட்டிற்குத் தொண்டர்களாக” மணமக்கள் வாழ்க, வாழ்க, வாழ்கஎன வாழ்த்தி விடைபெறுகிறேன்.
இவ்வாறு கழகத் தலைவர் மு.க.ஸ்டாலின் அவர்கள் உரையாற்றினார்.