சென்னை, ஆக. 26 –

தேர்­தல் வழக்கை நிரா­க­ரிக்க கோரி மனுத்­தாக்­கல் செய்ய அவ­கா­சம் கோரிய முத­ல­மைச்­சர் விஜய், அமைச்­சர் ஆதவ் அர்­ஜுனா தரப்­புக்கு சென்னை உயர்­நீ­தி­மன்­றம் எச்­ச­ரிக்கை விடுத்­துள்­ளது.

தமி­ழக முதல்­வர் விஜய், பெரம்­பூர் தொகு­தி­யில் வெற்றி பெற்­ற­தாக அறி­விக்­கப்­பட்­டதை எதிர்த்து, திமுக வேட்­பா­ளர் ஆர்.டி.சேகர் மற்­றும் வாக்­கா­ளர்­கள் தினேஷ், லட்­சுமி நர­சிம்­மன் ஆகி­யோர் சென்னை உயர்­நீ­தி­மன்­றத்­தில் தேர்­தல் வழக்­கு­கள் தாக்­கல் செய்­தி­ருந்­த­னர்.

இதே­போல் திருச்சி கிழக்கு தொகு­தி­யில், விஜய் வெற்றி பெற்­றதை எதிர்த்து தி.மு.க. வேட்­பா­ளர் இனிகோ இரு­த­ய­ராஜ் தேர்­தல் வழக்கு தாக்­கல் செய்­தி­ருந்­தார். இந்த வழக்­கு­கள் நீதி­பதி வி. லட்­சு­மி­நா­ரா­ய­ணன் முன் நேற்று விசா­ர­ணைக்கு வந்­தது.

அப்­போது, தேர்­தல் வழக்­கு­களை நிரா­க­ரிக்­கக் கோரி மனுத்­தாக்­கல் செய்ய இருப்­ப­தா­க­வும், அதற்கு இரண்டு வாரங்­கள் அவ­கா­சம் வழங்க வேண்­டும் என, முதல்­வர் விஜய் தரப்­பில் அவ­கா­சம் கேட்­கப்­பட்­டது.

இதே­போல, ஆதவ் அர்­ஜுனா தரப்­பி­லும் தேர்­தல் வழக்கை நிரா­க­ரிக்­கக் கோரி மனுத்­தாக்­கல் செய்ய இருப்­ப­தா­க­வும், அதற்கு அவ­கா­சம் வழங்க வேண்­டும் என­வும் கோரப்­பட்­டது.

இரண்டு வார கால அவ­கா­சம் வழங்க மறுத்த நீதி­பதி, ஆகஸ்ட் 27 ஆம் தேதி வரை அவ­கா­சம் வழங்­கி­னார்.

அதற்­குள் நிரா­க­ரிப்பு மனு தாக்­கல் செய்­யா­விட்­டால் 50 ஆயி­ரம் ரூபாய் அப­ரா­தம் விதிக்­கப்­ப­டும் என முதல்­வர் விஜய், அமைச்­சர் ஆதவ் அர்­ஜூனா ஆகி­யோ­ருக்கு நீதி­பதி எச்­ச­ரிக்கை விடுத்­தார்.