சென்னை, ஆக. 27–

சட்­டப்­பே­ர­வை­யில் ஆவின் பால் குறித்த கவன ஈர்ப்­பில் முன்­னாள் அமைச்­சர் எ.வ.வேலு பேசு­கை­யில், பால் உற்­பத்­தி­யா­ளர்­க­ளுக்கு ஒரு லிட்­ட­ருக்கு 45 ரூபாய் கொடுத்­தால் தான் தனி­யா­ருக்கு பால் போகா­மல் தடுக்க முடி­யும் என்று குறிப்­பிட்­டார்.

சட்­டப்­பே­ர­வை­யில் ஆவின் பால் குறித்த கவன ஈர்ப்­பில் முன்­னாள் அமைச்­சர் எ.வ.வேலு பேசி­ய­தா­வது:–

பேர­வைத் தலை­வர் அவர்­களே, பால் உற்­பத்­தி­யா­ளர்­கள் எல்­லாம் தனி­யா­ருக்கு போய் பால் ஊற்­று­கின்ற சூழ்­நிலை ஏற்­பட்டு இருக்­கின்­றது. ஆவி­னுக்கு பால் ஊற்­றி­னால் தான் பய­னா­ளி­கள் தமிழ்­நாட்­டில் யாரெல் லாம் பாலை பயன்­ப­டுத்­து­கி­றார்­களோஅவர்­க­ளுக்கு சவு­க­ரி­ய­மாக இருக்கும். குறைந்த விலை­யில் அவர்­கள் பயன்­ப­டுத்த முடி­யும்.

ஆவி­னுக்கு பால் கொடுப்­பது

கேள்­விக்­குறி!

இன்­றைக்கு தனி­யா­ரில் பார்த்தோ மேயா­னால் கேரளா அரசு, மில்மா என்­ப­வர்­கள் 45.27 ரூபாய்க்கு ஒரு லிட்­டர் பால் வாங்­கு­கி­றார்­கள். அக் ஷனா, ஆரோக்­கியா என்­ப­வர்­கள் ஏறத்­தாழ 42 ரூபாய்க்கு வாங்கு கிறார்­கள். இப்­படி தனி­யார் பால் உற்­பத்­தி­யா­ளர்­கள் வாங்­கு­கின்ற கார­ணத்­தி­னால் ஆவி­னுக்கு பால் கொடுப்­பது என்­பது ஒரு கேள்­விக்­குறி யாக ஆகிக் கொண்­டி­ருக்­கி­றது.

ஒரு வார காலத்­திற்கு முன்­னாள் முத­ல­மைச்­சர் அவர்­கள் இங்கே பால் விலை ஏற்­றும் குறித்து இங்கே குறிப் பிட்­டார். அதில் சொசைட்டி மூல­மாக ஒரு ரூபாய் அவர்­கள் கொடுக்க வேண்­டும். அர­சாங்­கம் 2 ரூபாய் ஆதார விலை தரு­கி­றது. பல சொசைட்­டி­க­ளைப் பார்க்­கின்ற போது, சொசைட்­டி­களை நடத்த முடி­யாத சூழ்­நிலை இருக்­கின்­ற­போது அவர் களால் ஒரு ரூபாய் கொடுக்­கின்ற நிலையே இல்லை என்­கிற நிலையே ஒரு பக்­கம்.

இன்­னொன்று இன்­றைக்கு பால் உற்­பத்­தி­யா­ளர்­கள் பற்றி சொல்ல வேண்­டு­மே­யா­னால் தீவன விலை, மாடு­க­ளுக்கு வேண்­டிய உணவு இவை­களை எல்­லாம் பார்க்­கின்ற போது விலை அதி­க­மாக இருக்­கின்ற கார­ணத்­தி­னால் கட்­டுப்­ப­டி­யாக வில்லை. அவர்­க­ளு­டைய எதிர்­பார்ப்பு என்­பது 45 ரூபாய் கொடுத்­தால் பர­வா­யில்லை. எப்­ப­டி­யா­வது, அது­தான் கட்­டுப்­ப­டி­யா­கும் என்ற நிலை இருக்­கி­றது.

அத­னால் தமிழ்­நாடு முழு­வ­தும் எனக்­குத் தெரிந்து, கிட்­டத்­தட்ட பார்த்­தீர்­கள் என்­றால் உங்­க­ளுக்கு தெரி­யும் ஒரு பத்­துக்­கும் மேற்­பட்டு இருக்­கிற பால் உற்­பத்­தி­யா­ளர் சங் கங்­களே அங்­கங்கே போராட்­டங்­கள் என்ற அடிப்­ப­டை­யில் செய்­வதுமட்­டு­மல்ல, 24–ஆம் தேதி­யில் இருந்துநாங்­கள் ஆவி­னுக்கு பாலை ஊற்ற மாட்­டோம் என்ற நிலை­யால் ஆங்காங்கு போராட்­டம் நடை­பெறுகிறது.

தாய்­மார்­கள் போராட்­டம்!

தொலைக்­காட்­சி­யிலே பார்க்­கின்ற போது தாய்­மார்­கள் எல்­லாம் பாலை கொண்டு வந்து கொட்­டி­விட்டு தங்­கள் அதி­ருப்­தியை வெளிப்­ப­டுத்­திக் கொண்­டி­ருக்­கி­றார்­கள்.

எனவே அரசு பொறுத்­த­வரை குறைந்­த­பட்­சம் ரூபாய் 45 ரூபாயி லிருந்து 46 ரூபாய் வரை ஒரு லிட்­ட­ருக்கு எதிர்­பார்க்­கி­றார்­கள். எனவே இந்த அரசு உடனே ஆவி­னுக்கு பால் வரு­வ­தற்கு ஏற்­பாடு செய்ய வேண்­டும். ஏனென்­றால் கடந்த ஜன­வரி 25ஆம் தேதி­யும்,இப்­போ­துள்ள நிலை­யை­யும் ஒட்­பிட்­டுப் பார்த்­தால் ஆவி­னுக்கு பால் ஊற்று வதே குறைந்­து­ விட்­டது. அதற்குகார­ணம் அவர்­க­ளுக்கு கட்­டுப்­படி யான விலை தர­வில்லை என்­கிற குற்­றச்­சாட்டு இருக்­கி­றது. எனவே கூடு­த­லாக இந்த அர­சாங்­கம் பால் உற்­பத்­தி­யா­ளர்­க­ளுக்கு 45 ரூபாய் கொடுத்­தால்­தான் ஆவி­னுக்கு பால் வரும். தனி­யா­ருக்கு பால் போகா­மல் நிறுத்த முடி­யும். எனவே, நான் அர­சின் கவ­னத்­திற்கு இதை கொண்டு வரு­கி­றேன்.

இவ்­வாறு முன்­னாள் அமைச்­சர் எ.வ.வேலு பேசி­னார்.