திருப்பூர், ஆக. 27–
தி.மு.கழக ஆட்சியில் செயல்படுத்தப்பட்ட விரிவாக்கத்திற்கு விடிவு காலம் பிறக்குமா? 7 கி.மீட்டரில் முடங்கி கிடக்கும் தாராபுரம் நகரம், நீர்த்துப்போன ஊராட்சிகள் இணைப்பு! மக்கள் வேதனையுடன் த.வெ.க. ஆட்சியின் மீது குற்றம்சாட்டியுள்ளனர்.
திருப்பூர் மாவட்டம், தாராபுரம் நகராட்சி ஆங்கிலேயர் ஆட்சிக் காலத்திலேயே நகராட்சியாக நிர்வாகிக்கப்பட்டு 30 வார்டுகளுடன் 7 கிலோ மீட்டர் சுற்றளவில் இயங்கி வருகிறது. இந்நிலையில் பெருகி வரும் மக்கள் தொகைக்கு ஏற்ப நகரை வளர்ச்சி அடைய செய்ய வேண்டும். தொழில் துறையில் முன்னேற்றமடைய செய்ய வேண்டும் என்பதை இலக்காககொண்டு கழகத் தலைவர், என்னாளும் எங்கள் முதலமைச்சர் முத்துவேல் கருணாநிதி ஸ்டாலின் அவர்களின் தலைமையில் நடைபெற்ற கடந்த கால திராவிட மாடல் ஆட்சியில் பல்வேறு நாடுகளில் இருந்து தொழில் முனைவோர்க ளை தன் வசம் ஈர்த்து தாராபுரம் பகுதிகளிலும் தொழில் துவங்குவதற்கு தொழில் முனைவோர்க ளுக்கு பல்வேறு சலுகைகளை வழங்கி ஊக்குவித்தது. இதனை இலக்காக கொண்டு தாராபுரம் நகராட்சிக்கு அருகே உள்ள கவுண்டச்சி புதூர் மற்றும் நஞ்சியம்பாளையம் ஊராட்சிகளை நகராட்சியுடன் இணைத்து எல்லை விரிவாக்கம் செய்வதற்கு கடந்த திராவிட மாடல் ஆட்சியில் அன்றைய முதலமைச்சர் முத்துவேல் கருணாநிதி ஸ்டாலின் அவர்களின் ஆணைக்கிணங்க கடந்த 2024 டிசம்பர் 31ம் தேதி அரசாணை வெளியிடப்பட்டது. அதன்படி, கவுண்டச்சி புதூர் மற்றும் நஞ்சியம்பாளையம் ஊராட்சிகளை நகராட்சியுடன் இணைப்பதற்கு பொதுமக்களின் கோரிக்கையை ஏற்று நகராட்சியுடன் ஊராட்சிகளை இணைப்பதற்கு மாவட்ட ஆட்சித் தலைவர் கடந்த ஆண்டு டிசம்பர் 20ம் தேதி ஒப்புதல் கருத்துரு வழங்கினார். அதன்பின்
அன்றைய தமிழ்நாடு முதலமைச்சர் முத்துவேல் கருணாநிதி ஸ்டாலின் அவர்களின் ஆணைக்கிணங்க அரசாணை வெளியிடப்பட்டது. இதன் அடிப்படையில் தாராபுரம் நகராட்சியானது 110 ஆண்டுகள் கடந்து பழமையான நகராட்சியாகவும் இதில் மக்கள் தொகை 1 லட்சத்திற்கும் அதிகமான எண்ணிக்கை உயர்ந்து கொண்டே உள்ளது. ஆனால், கடந்த 110 ஆண்டுகளாக 7 கிலோமீட்டர் சுற்றளவு மட்டுமே உள்ள நகராட்சியின் பரப்பளவில் ஒரு அங்குலம் அளவு கூட விரிவு மற்றும் அபிவிருத்தி அடையவில்லை.
1916ம் ஆண்டு ஏப்ரல் 13ம் தேதி 20 ஆயிரம் பேரை மக்கள் தொகையாக கொண்டு 7 கிலோமீட்டர் பரப்பளவில் நிர்வாகம் நடத்த துவங்கிய தாராபுரம் நகராட்சி, 1984ம் ஆண் டில் 42 ஆயிரம் பேர் மக்கள் தொகையுடன் முதல் நிலை நகராட்சியாக அறிவிக்கப்பட்டது. இதன் பின் 2023ம் ஆண்டு அதே 7 கிலோ மீட்டர் சுற்றளவுடன் | லட்சம் பேருக்கு அதிகமான மக்கள் தொகையை கொண்ட அதே நகராட்சி தேர்வு நிலை நகராட்சியாக தரம் உயர்த்தப்பட்டது. 1916 தொடங்கி 1984 வரை 7 கிலோ மீட்டர் சுற்றளவு தான் 2023ல் ஒரு லட்சம் பேராக மக்கள் தொகையில் உயர்ந்தும் இன்னும் அதை 7 கிலோமீட்டர் சுற்றனவில் தான் நகரின் பரப்பளவு நிலை கொண்டுள்ளது. நகராட்சியை சுற்றிலும் உள்ள கவுண்டச்சி புதூர் ஊராட்சி பகுதியில் மட்டும் வீட்டு மனைகளுக்கான 1500 லே வுட்டுகள் அமைக்கப்பட்டு டிடிசிபி அப்ரூவல் அனுமதி வழங்கப்பட்டது. ஆனால், இந்த இடம் முழுவதும் ஊராட்சியின் கட்டுப்பாட்டிலேயே இருந்து வருகிறது. இதேபோல், நஞ்சியம்பாளையம் ஊராட்சியிலும் நகராட்சி பகுதியில் இருந்த அனைத்து அரசு அலுவலகங்களும் புதிதாக கட்டப்பட்டு அப்பகுதியில் பல்வேறு லே அவுட்டுகள் பிரிக்கப்பட்டு வீட்டு மனைகளாக விரிவாக்கம் செய்யப்பட்டுள்ளன. இதனால், பழமையான தாராபுரம் நகராட்சி மக்கள் தொகையில் மட்டும் புரட்சியை ஏற்படுத்தி, வளர்ச்சியில் வீழ்ச்சியை சந்தித்து வருகிறது.
இதுதவிர, கவுண்டச்சிபுதூர் ஊராட்சி மற்றும் நஞ்சியம்பாளையம் ஊராட்சி பகுதியில் குடியிருக்கும் 10,000க்கும் அதிகமான பொதுமக்கள் தற்போது அங்கு குடிபெயர்ந்தி ருக்கும் 2,000க்கும் மேற்பட்ட பொதுமக்களும் உபயோகித்து வீசி எரியும் அனைத்து குப்பைகளும், கழிவுகளும், தாராபுரம் நகராட்சி பகுதியிலேயே சாலையோரங்களில் மலை போல குவித்து வைக்கப்பட்டு விடு கின்றன. இதனால் மதுரை, பழனி போன்ற ஆன்மீக தலங்களுக்கு செல்லும் பக்தர்களும், கேரள மாநிலத்தில் இருந்து திருச்சி வரை பொள்ளாச்சி சாலை வழியாக வந்து செல்லும் சுற்றுலாபயணிகளும் குப்பை கழிவுகளின் துர்நாற்றத்தால் முகம் சுளித்தவாறு கடந்து செல்கின்றனர்.
ஊராட்சி பகுதியில் உள்ள பெரும்பான்மையோர் தாராபுரம் நகராட்சி பகுதிக்கு வந்து நகராட்சியின் குடிநீர் இணைப்புகளில் இருந்து குடிநீரை எடுத்துச் செல்கின்றனர். அமராவதி அணையில் இருந்தும் தண்ணீர் திறந்து விடப்படாததால் அமராவதி ஆறு முழுவதும்
வறட்சியான பாலைவனம் போல காட்சியளிக்க துவங்கிவிட்டது. இதனால், அமராவதியை நம்பி உள்ள 147 கிராமங்களும் இதன் தொடர்ச்சியாக உள்ள 25 கூட்டு குடிநீர் திட்டங்க ளும் செயல்படாமல் கடுமையான தண்ணீர் பஞ்சம் நிலவி வருகிறது. மேலும், இன்றைய சூழ்நிலையில் வரை அதனை நிர்வாகம் செய்ய ஆணையாளர் நகராட்சியை பொருத்த முதல் கடைநிலை பணியாளர்கள் வரை யாருமே நியமிக்கப் படாததால் 22 காலியிடங்களுடன் நகராட்சி நிர்வாகம் செயல் படமுடியாமல் ஸ்தம்பித்து நின்று உள்ளது.
இதனால், நகரில் உள்ள ஒரு லட்சம் பேரில் அன்றாட தேவைகள் கேள்விக் குறியாகி வருகின்றன. ஒன்றிய, மாநில அரசுகளால் கொண்டு வருகிற திட்டங்களை செயல்படுத்தவும் நகராட்சியில் போதிய இட வசதி இல்லாததால் புதிய திட்டங்களை மேற்கொள்வதில் சிரமம் ஏற்படுகிறது.
தாராபுரம் நகராட்சி பொருளாதார வளர்ச்சி இன்றி செயல்பட்டு வருவதால் அதன் பொருளாதாரத்தை வளர்ச்சி அடைய செய்யும் வகையில் மேற்படி 2 ஊராட்சிகளின் நகராட்சியை ஒட்டி உள்ள பகுதிகளையாவது நகராட்சியுடன் இணைக்க வேண்டும். மாறிவரும் கால சூழ்நிலைக்கு ஏற்ப நகரை விரிவாக்கம் செய்ய வேண்டும். இதில், அதிகமான தொழில் வளங்களை புகுத்த வேண்டும் அரசியல் கட்சிகள் இடையே வாக்கு சதவீதம் பாதிக்கப்படும் என்ற எண்ணத்தை கைவிட்டு நகரின் வளர்ச்சியை மட்டுமே குறி க்கோளாகக் கொண்டு இனி வரும் அரசியல் கட்சியின் சட்டமன்ற உறுப்பினர் நகரின் வளர்ச்சிக்கு இளைஞர்களின் வேலைவாய்ப்புக்கு, தொகுதி மக்களின் அடிப்படை தேவைகளை நிறைவேற்றி தருவதற்கு முன்னுரிமை வழங்க வேண்டும்.
புதிதாக பொறுப்பு ஏற்றுள்ள தமிழ்நாடு அரசு பொதுமக்கள் பல வருடங்களாக விடுத்து வரும் கோரிக்கைகளை நிறை வேற்றும் வகையில் தாராபுரம் நகராட்சியுடன் அருகே 2 ஊராட்சிகளின் சில பகுதிகளையும் இணைக்க வேண்டும்.
கடந்த ஆட்சியின் போது அன்றைய தமிழ் நாடு அரசின் நகரமயமாக்கல் திட்டத்தின் கீழ் அரசாணையை திருப்பூர் மாவட்ட ஆட்சியர் பின் பற்றி மேற்குறிப்பிட்ட ஊராட்சி பகுதிகளை தாராபுரம் நகராட்சியுடன் இணைத்திட கடந்த ஆட்சியில் பிறப்பித்த அரசாணை செயல்படுத்த இன்றைய தமிழ்நாடு முதலமைச்சர் உறுதி செய்ய வேண்டும். இதற்கான வெளிப்படையான அறிவிப்பை வெளியிட வேண்டும் என தாராபுரம் தொகுதி மக்கள் எதிர்பார்க்கின்றனர்.