தூத்துக்குடி, ஆக.27-
தவெக தலைவர் விஜய்யை நாளைய பிரதமர் என அழைத்து தூத்துக்குடியில் பரபரப்பு போஸ்டர் கள் ஒட்டப்பட்டுள்ளன. அமித்ஷா உத்தரவுப்படி கூட்டணியிலிருந்து தங்கள் கட்சியை கழற்றி விட தவெக தலைமை திட்டமிட்டு ள்ளதா? என காங்கிரசார் கொந்தளிக்கின்றனர்.
வரும் நாடாளுமன்ற தேர்தலில் இந்தியா கூட்டணி வேட்பாளராக ராகுலை முன்னிறுத்த அகில இந்திய காங்கிரஸ் முடிவு செய்துள்ளது. தமிழக காங்கிரசும் அதையே கூறி வருகிறது. ஆனால் இந்தியா கூட்டணியில் உள்ள சில கட்சிகள், கூட்டணி வெற்றி பெற்ற பின்னர், பிரதமரை முடிவு செய்யலாம் என்று கூறி வருகின்றன.
இந்நிலையில் தமிழ்நாட்டில் திமுக கூட்டணியிலிருந்து வெளியேறிய காங்கிரஸ், த.வெ.க. அணியில் இடம்பெற்றது மட்டுமல்லாமல், அமைச்சரவையிலும் அங்கம் வகித்துள்ளது. மேலும் பிரவீன் சக்கரவர்த்திக்கு மாநிலங்களவை இடத்தையும் பெற்றது. இதுதவிர வரும் நாடாளுமன்றத் தேர்தலில் இந்தியா கூட்டணியில் தவெகவையும் சேர்க்க காங்கிரஸ் முயற்சித்து வருகிறது. ஆனால் இதுகுறித்து விஜய் தரப்பில் எந்த விதமான கருத்தும் இதுவரை தெரிவிக்கவில்லை. இதற்கிடையே சமீபகாலமாக தமிழ்நாடு சட்டமன்றத்திலும், பொது வெளியிலும் அடுத்த பிரதமர் விஜய் என த.வெ.க.வினர் கூறி வருகின்றனர்.
இந்நிலையில் தூத்துக்குடி மாநகர் முழுவதும் விஜய்யை நாளைய பிரதமர் என அழைத்து பரபரப்பு போஸ்டர்கள் ஒட்டப்பட்டுள்ளன. அதில், “நாள்தோறும் மக்கள் நலத் திட்டங்கள், சொன்னதை செய்யும் தளபதி, ஆண்டுக்கு 3 விலையில்லா சிலிண்டர்கள், அரசு பேருந்துகளில் மாவட்ட அளவில் மகளிர் கட்டணமில்லா வெற்றி பயண திட்டம், நல்லாட்சி நாயகர், இன்றைய முதல்வர், நாளைய பிரதமர். ஜோசப் விஜய்க்கு நன்றி நன்றி!! நன்றி!!! என குறிப்பிட்டு தூத்துக்குடி மத்திய மாவட்ட தவெக சுதாகர்” பெயர், படத்துடன் ஒட்டப்பட்டிருந்தது. சுதாகர் அதிமுகவில் அண்ணா தொழிற்சங்க மாவட்ட தலைவராக பொறுப்பு வகித்து, பின்னர் அக்கட் சியிலிருந்து விலகி தவெக வில் சேர்ந்தவர் என்பது குறிப்பிடத்தக்கது.
காங்கிரசை கூட்டணியின் உள்நோக்கத்திலிருந்து வெளியேற்றும் விஜய்யை பிரதமர் என அழைத்து தவெகவினர் போஸ்டர் ஒட்டுகின்றனர். இதற்கு மறைமுகமாக விஜய்யின் ஆசி இருக்குமோ? என்று காங்கிரசார் சந்தேகிக்கின்றனர். அதாவது சமீபத்தில் சென்னையில் தென் மண்டல முதல்வர்கள் மாநாடு ஒன்றிய உள்துறை அமைச்சர் அமித்ஷா தலைமையில் நடந்தது. அப்போது முதல்வர் விஜய்யிடம், அகில இந்திய அளவில் செல்வாக்கிழந்த காங்கிரசை ஏன் நீங்கள் தோளில் சுமக்கிறீர்கள்? அதை கழற்றி விடுங்கள் என்று கூறியதாக தெரிகிறது. திமுகவின் முதுகில் குத்தி விட்டு விலகிய காங்கிரசை எக்காலத்திலும் இனி கூட்டணியில் சேர்க்க மாட்டோம் என்று அக்கட்சியின் முன்னணி நிர்வாகிகள் கூறிவரும் நிலையில், தவெகவும் கைவிட்டால் காங்கி ரஸ் நட்டாற்றில் நிற்கும் என்பது அமித்ஷாவின் கணக்கு. இதற்காகவே அவர், விஜய்யிடம் காங்கிரசை கழற்றி விடுமாறு கோரிக்கைவைத்துள்ளதாகவும், அதன் வெளிப்பாடாகவே, 2029ல் ராகுல்தான் இந்தியா கூட்டணியின் பிரதமர் வேட்பாளர் என்று காங்கிரசார் கூறி வரும் நிலையில் அக்கட்சியை வெறுப்பேற்ற விஜய்யை பிரதமர் வேட்பாளர் என்று தவெகவினர் கூறி வருவதாக காங்கிரஸ் தொண்டர்கள் கொந்தளிக்கின்றனர். இதனால் இப்பிரச்சினை விஸ்வரூபம் எடுக்கும் நிலையில் விஜய்யின் அமைச்சரவையில் காங்கிரஸ் நீடிக்குமா? என்ற சந்தேகம் காங்கிரஸ் கட்சியினரிடையே எழுந்துள்ளது.
மறைந்த பூங்காநகர் முன்னாள் பொருளாளர் சி.கே. வேணுவின் மகனும், எழும்பூர் வடக்கு பகுதி 77அ வட்டம் சுந்தரபுரத்தை சேர்ந்த கழகத் தோழருமான சி.கே.வி. மணிவண்ணனின் திருவுருவப்படத்தை எழும்பூர் வடக்கு பகுதி கழக செயலாளர் சொ. வேலு எம்.சி., 77அ வட்ட கழக செயலாளர் வி. அபாய் ஆகியோர் திறந்து வைத்து மலர்தூவி மரியாதை செய்தனர். இந்நிகழ்வில் எல்.ஐ.சி. டி.கர்ணா, இ.பி.ரமேஷ்குமார் எம்.சந்துரு, எஸ்.தனிஸ்லாஸ், ஆர்.அம்மு, ஏ.உஷா, என்.சசி, டி.விஜயராஜ், ஆர்.பிரவின் குமார், பிரபு குமார், அலெக்ஸ், பி.வெங்கட், எல்.ராஜா, ஏ.பாண்டியன், ஜி.பெருமாள், என்.குமார் எஸ்.தாமோதரன் உள்ளிட்ட கழக நிர்வாகிகள் பங்கேற்றனர்.