சென்னை, ஆக.27–

சட்­டப்­பே­ர­வை­யில், வந்­த­வாசி தொகுதி கழக உறுப்­பி­னர் ச.அம்­பேத்­குமார் பேசி­ய­போது எழுந்த விவா­தத்­தில் குறுக்­கிட்­டுப் பேசிய கழ­கக் கொற­டா­வும், முன்­னாள் அமைச்­ச­ரு­மான எ.வ.வேலு, “திரு­வண்­ணா­மலை மாவட்­டத்­தின் வளர்ச்­சிக்கு த.வெ.க. அரசு முட்­டுக்­கட்டை போடக்­கூ­டாது” என்று குறிப்­பிட்­டார்.

அவர் பேசி­ய­தா­வது:–

2008-–ஆம் ஆண்­டில் எங்­க­ளு­டைய திரு­வண்­ணா­மலை மாவட்­டத்­தில், ஓர் ஆணி தயா­ரிக்­கும் தொழிற்­சாலை கூட இல்­லாத நிலை இருந்­தது. ஏனெ­னில், நாங்­கள் வட ஆற்­காடு வேலூர் மாவட்­டத்­தில் இருந்து பிரிந்து வந்­த­வர்­கள். வாணி­யம்­பாடி தோல் தொழிற் சாலை உள்­ளிட்ட அனைத்து தொழிற்­சா­லை­க­ளும் வேலூர் பகு­தி­யி­லேயே அமைந்­து­விட்­ட­தால், எங்­க­ளி­டம் எது­வுமே இல்­லாத சூழல் நில­வி­யது. அப்­ப­டிப்­பட்ட சூழ்­நி­லை­யில்­தான், 2008-இல்நான் உணவு மற்­றும் கூட்­டு­ற­வுத்­துறை அமைச்­ச­ராக இருந்­த­போது, அண்­ணன் கலை­ஞர் அவர்­கள் முத­ல­மைச்­ச­ராக இருந்­தார். அப்­போது எங்­க­ளுக்கு ‘சிப்­காட்’ வேண்­டும் என்று நாங்­கள் கோரிக்கை வைத்­தோம்.

அந்த அடிப்­ப­டை­யில்­தான், ராணிப்­பேட்­டைக்­குச் செல்­ல­வி­ருந்த 10,000 பேருக்கு வேலை­வாய்ப்பு அளிக்­கும் கால­ணித் தொழிற்­சாலை திட்­டத்தை 2008-ஆம்ஆண்­டில் திரு­வண்­ணா­ ம­லைக்­குக் கொண்­டு­வந்து தொடங்­கி­னார்­கள். அதற்­குப் பின்­னர் அம்­மை­யார் அவர்­க­ளின் ஆட்­சி­யில், “இரண்­டா­வது விரி­வாக்­கம்” என்ற பெய­ரில் விரி­வாக்­கப் பணி­க­ளைச் செய்­தார்­கள்.

அதன்­பின் எடப்­பா­டி­யார் முத­ல­மைச்­ச­ராக இருந்­த­போது, அவ­ரது ஆட்­சி­யில் “மூன்­றா­வது விரி­வாக்­கம்” என்று அவர்­தான் முதன்­மு­த­லா­கத் தொடக்கி வைத்­தார். ஏறத்­தாழ 9 ஊர்­க­ளில் நிலம் கைய­கப்­ப­டுத்த அர­சாணை வெளி­யிட்டு விளம்­ப­ரப்­ப­டுத்­தி­ய­வர் அவர்­தான்.

அந்த 9 ஊர்­க­ளான அத்தி, இள­நீர்­குன்­றம், தேக்­கத்­தூர், நெடுங்­கல், வீரப்­பக்­கம், மேல்மா, வட­அளப்­பி­றந்­தான், குறும்­பூர், நர்­மாப் பள்­ளம் ஆகிய இடங்­களை அர­சாணை வெளி­யிட்­ட­வர் அவர். நில எடுப்பு அதி­கா­ரியை நிய­மித்­த­தும், 8 வட்­டாட்­சி­யர்­களை நிய­மித்­த­தும் அவர்­தான்.

இந்த நிலை­யில் ஆட்சி மாற்­றம் ஏற்­பட்­டது. 2021-இல் நாங்­கள் ஆட்­சிக்கு வந்­த­வு­ட­னேயே, அந்த மூன்­றா­வது விரி­வாக்­கப் பணி­களை நாங்­க­ளும் தொடர்ந்து செய்ய வேண்­டும் என்ற அடிப்­ப­டை­யில் நில எடுப்­புப் பணி­க­ளுக்­குச் சென்­றோம். அப்­ப­டிச் செல்­லும்­போது, அந்த 9 ஊர்­க­ளில் நர்­மாப்­பள்­ளம், குறும்­பூர் ஆகிய இரண்டு ஊர்­களில் மட்­டும்­தான் பிரச்­சனை ஏற்­பட்­டது.மற்ற ஊர்­க­ளில் உள்ள நிலங்­கள் அனைத்­தும் களர் நிலங்­கள்; பயன்­பாட்­டிற்கு உகந்­தவை அல்ல.

அப்­போது அந்த இரண்டு ஊர்­க­ளைச் சேர்ந்த விவ­சா­யி­கள் “நாங்­கள் நிலம் கொடுக்க மாட்­டோம்” என்று கூறி, மேல்மா கூட்டு ரோடு பகு­தி­யில் சுமார் 50 பேர் உண்­ணா­வி­ர­தம் இருந்­தார்­கள்.

இளைஞர்கள் உண்ணாவிரதப் போராட்டம்!

பொது­மக்­க­ளா­கிய அந்­தப் பகு­தி­யைச் சேர்ந்­த­வர்­கள் 50-60 பேர் உண்­ணா­வி­ர­தம் இருந்த நிலை­யில், அந்­தப் பகு­தி­யைச் சார்ந்த 5,000 பட்­ட­தா­ரி­க­ளும் பொறி­யி­யல் படித்த இளை­ஞர்­க­ளும் “எங்­க­ளுக்கு வேலை­வாய்ப்பு வேண்­டும்; எனவே இந்த நிலத்தை நீங்­கள் கைய­கப்­ப­டுத்­தி­தான் ஆக வேண்­டும்” என்று கோரிக்கை வைத்­தார்­கள்.

இளை­ஞர்­கள் எல்­லாம் “சட்­ட­மன்ற உறுப்­பி­ன­ரா­க­வும், அமைச்­ச­ரா­க­வும் இருக்­கி­றீர்­கள்; எங்­க­ளைப் போன்ற இளை­ஞர்­க­ளுக்கு வேலை­வாய்ப்பு கிடைக்­கக் கூடாதா?” என்று கேட்­கி­றார்­கள். அவர்­கள் வேலை­வாய்ப்பு வேண்டி உண்­ணா­வி­ர­தம் இருக்­கும் சூழல் ஏற்­பட்­டது. இந்த நிலை­யில், இந்­தப் பிரச்­ச­னையை தூண்­டி­விட்­டது யார் என்று பார்த்­த­போது, ஓசூ­ரைச் சேர்ந்த அருள் ஆறு­மு­கம் என்­ப­வர் எனத் தெரி­ய­வந்­தது. அவர் எங்­கள் மாவட்­டத்­தைச் சேர்ந்­த­வ­ரும் அல்ல; எங்­கள் பகுதி விவ­சா­யி­யும் அல்ல. அவர் ஓசூ­ருக்கு அரு­கில் உள்ள சிங்­கா­ரப்­பேட்­டையை மைய­மா­கக் கொண்­ட­வர். அவர் எங்­கள் ஊர் விவ­சா­யி­க­ளைத் தூண்­டி­விட்­டுப் பிரச்­ச­னையை ஏற்­ப­டுத்­தி­னார்.

இரண்டு நாட்­க­ளாக இதைப் பற்­றிப் பேசும்­போது, பொதுப்­ப­ணித்­துறை அமைச்­சர் அவர்­க­ளுக்கு முழு விவ­ர­மும் சரி­யா­கத் தெரி­யாத கார­ணத்­தால், அவர் ஒரு செய்­தி­யைத் தொடர்ந்து சொல்­லிக் கொண்­டி­ருக்­கி­றார். அத­னால் தான் நான் நேர­டி­யா­கப் பதில் கூறு­கி­றேன்.

ஏனெ­னில், இதற்கு ஒரு விடி­வு­கா­லம் வர வேண்­டும். நீங்­கள் பேசும்­போது நான் அமை­தி­யாக அமர்ந்து கேட்­கி­றேன்; எந்த விதி­யின் கீழ் பேசு­வது என்று தெரி­யா­மல் அமர்ந்­தி­ருக்­கி­றேன். ஆனால், செய்தி வெளி­யா­கி­விட்­ட­தால் நான் பேச வேண்­டிய கட்­டா­யம் ஏற்­பட்­டுள்­ளது. அப்­போது என்ன சூழ்­நிலை என்­றால், அமைச்­ச­ராக இருக்­கும் நீங்­களோ அல்­லது நானோ யாரை­யும் “கைது செய்” என்று கூற நமக்கு அதி­கா­ரம் கிடை­யாது. அந்­தப் பகு­தி­யைச் சேர்ந்த காவல்­துறை உயர் அதி­கா­ரி­கள், மாவட்ட ஆட்­சித் தலை­வர் மற்­றும் அன்­றைக்­குப் பெருந்­தொ­ழில் துறைச் செய­லா­ள­ராக இருந்த அருண் ராய் ஆகி­யோர்­தான் சேர்ந்து, “நில எடுப்­புக்கு எதி­ராக 50 பேரை வைத்­துக்­கொண்டு தூண்­டி­வி­டு­கி­றார்” என்ற அடிப்­ப­டை­யில், உள­வுத்­துறை அளித்த தக­வ­லின்­படி அர­சாங்­கத்­திற்கு வந்த செய்­தியை வைத்து அவ­ரைக் கைது செய்து சிறை­யில் அடைத்­தார்­கள்.

அப்­போது நான் ஊரி­லேயே இல்லை; தென் பகு­தி­யில் சுற்­றுப்­ப­ய­ணத்­தில் இருந்­தேன். ஊருக்கு வந்து பத்­தி­ரி­கை­யைப் பார்த்­த­போ­து­தான், “விவ­சாயி குண்­டர் சட்­டத்­தில் கைது” என்ற செய்­தி­யைக் கண்­டேன். உடனே முத­ல­மைச்­ச­ரின் கவ­னத்­திற்­குக் கொண்டு சென்­றேன். “விவ­சாயி என்ன தவறு செய்­தி­ருந்­தா­லும் சிறை­யில் அடைத்­தது தவ­றா­னது” என்று கூறி­ய­வு­டன், முத­ல­மைச்­சர்அவர்­களே நேரில் அழைத்து, அவர்­களை விடு­தலை செய்ய உத்­த­ர­விட்­டார். அவர்­கள் நீதி­மன்­றத்­திற்­குச் சென்று பிணை பெற­வில்லை; அர­சாங்­கமே முன்­வந்து விடு­தலை செய்­தது. இது­தான் வர­லாறு!

உண்மையைத்தான் பேசுகிறேன்!

எங்­கள் மாவட்­டத்­திற்­குப் பொறுப்பு அமைச்­ச­ராக வந்­தி­ருக்­கி­றீர்­கள்; மாவட்ட வளர்ச்­சிக்கு உத­வு­வீர்­கள் என்று நம்­பு­கிறோம். நடந்த உண்­மை­யைத்­தான் நான் பேசு­கி­றேன்.

எங்­கள் கேள்வி என்­ன­வென்­றால், இந்த இரண்டு ஊர்­க­ளைத் தவிர மீதி ஊர்­க­ளில் உள்ள விவ­சா­யி­கள் நிலம் கொடுக்க முன்­வந்­தார் கள். “மூன்­றா­வது விரி­வாக்­கம்” எடப்­பாடி பழ­னி­சாமி அவர்­கள் காலத்­தில் தொடங்­கப்­பட்டு, நில எடுப்பு அதி­கா­ரி­கள் நிய­மிக்­கப்­பட்­ட­ னர்.

எங்­கள் மாவட்­டத்­தைச் சாராத ஒரு நப­ரோடு புகைப்­ப­டம் எடுத்­துக்­கொண்­டதை அந்­தப் பகு­தி­யைச் சேர்ந்­த­வர்­கள் சுட்­டிக்­காட்­டு­கி­றார்­கள். “மூன்­றா­வது விரி­வாக்­கத்திற்கு நிலம் எடுக்­கப்­போ­கி­றீர்­களா? இளை­ஞர்­க­ளுக்குவேலை­வாய்ப்பு தரப்­போ­கி­றீர்­களா? இந்த ஆட்­சி­யின் நோக்­கம்­தான் என்ன? சிப்­காட் வள­ரப்­போ­கி­றதா, இல்­லையா?” என்­று­தான் கேள்வி கேட்­டாரே தவிர, உங்­கள் மீது குற்­றச்­சாட்டு கூற­வில்லை.

எனவே, தய­வு­செய்து எங்­கள் மாவட்ட வளர்ச்­சிக்கு உறு­து­ணை­யாக இருங்­கள். சிப்­காட் வந்­தால்­தான் எங்­கள் பகுதி இளை­ஞர்­களுக்கு வேலை­வாய்ப்பு கிடைக் கும்.

2008-ஆம் ஆண்­டில் நான் போராடி அந்­தச் சிப்­காட் திட்­டத்தை வாங்கி வந்­த­போது, தற்­போ­தைய பொதுப்­ப­ணித்­துறை அமைச்­சர் அவர்­கள் கல்­லூரி வாழ்க்­கை­யில் இருந்­தி­ருப்­பார் என்று நினைக் கி­றேன் (அவ­ரது வயதை ஒப்­பிட்­டுச் சொல்­கி­றேன்).

அப்­ப­டிப்­பட்ட சூழ்­நி­லை­யில், நாங்­கள் உணர்ச்­சி­வ­சப்­பட்­டுப் பேசு­வதோ அல்­லது கோரிக்கை வைப்­பதோ எதற்­காக என்­றால், எங்­கள் மாவட்­டம் விவ­சா­யத்­தைத் தவிர வேறொன்­றை­யுமே பார்க்­காத ஒரு பூமி. இங்கே உள்ள லட்­சக்­க­ணக்­கான இளை­ஞர்­க­ளுக்கு வேலை­வாய்ப்பு கிடைக்க வேண்­டும் என்­றால் அதற்­குச் சிப்­காட் தான் ஒரே கார­ணம்.

அத­னால்­தான், எடப்­பா­டி­யார் ஆட்­சி­யில் தொடங்­கப்­பட்ட அந்த மூன்­றா­வது விரி­வாக்­கம் வந்­தால் எங்­கள் மாவட்டஇளை­ஞர்­க­ளுக்கு வேலை­வாய்ப்பு கிடைக்­கும் என்ற அடிப்­ப­டை­யில்இந்­தக் கோரிக்­கையை வைக்­கி­றேன்.

இது உங்­கள்மீதான குற்­றச்­சாட்டு அல்ல, கோரிக்கை மட்­டுமே. இதற்கு பொதுப்­ப­ணித்­துறை அமைச்­சர் சகோ­த­ரர் அவர்­கள் எங்­க­ளுக்கு உறு­து­ணை­யாக இருக்க வேண்­டுமே தவிர, இதற்கு எதி­ராக இருப்­ப­வர்­க­ளோடு நீங்­கள் புகைப்­ப­டம் எடுத்­துக்­கொள்­வ­தையோ அல்­லது அவர்­க­ளுக்கு ஆத­ர­வா­கப் பேசு­வ­தையோ எங்­கள் மாவட்­டத்­தில் யாரும் விரும்­ப­வில்லை.

இவ்­வாறு எ.வ.வேலு அவர்­கள் குறிப்­பிட்­டார்.