இராமேஸ்வரம், ஆக. 27–
‘‘இஸ்லாமியர்களை ஆதரிக்கும் ஒரே இயக்கம் தி.மு.க. என்றும் உண்மை தெரியாமல் த.வெ.க.
சட்டமன்ற உறுப்பினர் பொய் மூட்டைகளை அவிழ்த்து வருவதா?’’ என்றும் இராமேஸ்வரம் நகர்மன்றத் தலைவரும் நகரச் செயலாளருமான கே.இ.நாசர்கான் கண்டனம் தெரிவித்துள்ளார்.
இது குறித்து அவர் விடுத்துள்ள அறிக்கை வருமாறு:–
இஸ்லாமிய மக்களுடன் பேரறிஞர் அண்ணா அவர்கள் காலத்தில் இருந்து கண்ணியமிக்க காயிதேமில்லத் சாகிப் அவர்கள் ஏற்படுத்தி வைத்த உறவு. அதனை தொடர்ந்து தலைவர் கலைஞர் அவர்கள் அந்த உறவை பாதுகாத்து வந்தார்.
1, இஸ்லாமிய மக்களுக்கு உள் ஒதுக்கீடு 3.5, சதவீதம்,2. வக்பு வாரியம் ஏற்படுத்தி அதனை சிறப்பாக வழி நடத்தினார்,3.மீலாது விழாவிற்கு அரசு விடுமுறை வழங்கினார்,4, ஹஜ் பயணிகள் எண்ணிக்கை உயர்த்தி,சென்னையில் தங்கி செல்வதற்கும் பல்வேறு நலத்திட்டங்கள் வழங்கினார்,5.உருது அகடாமி அமைத்து கொடுத்து, அவர்களுக்கு உதவிச் செய்தார்,6. பள்ளிவாசலில் பணி புரியும் உலமாக்களுக்கு மாதம் தோறும் உதவித்தொகை வழங்கினார்,7. ரம்ஜான் பண்டிகை காலங்களில் நோம்பு கஞ்சி காச்சுவதற்கு விலையில்லா அரிசி சிவில் சப்ளை மூலமாக வழங்கினார்.8. கண்ணியமிக்க காயிதேமில்லத் சாகிப் அவர்கள் நினைவிடத்தில் மணிமண்டபம் அமைத்து கொடுத்தார்.9. சிறுபான்மை இன மக்களின் வாழ்வாதாரம் கருத்தில் கொண்டு சிறுபான்மை நலவாரியம் அமைத்து கடன் உதவிகள் வழங்கச்செய்தார்.10.மதவாத சக்திகள், தமிழ்நாட்டில் கடுகளவும் இடம் கொடுக்காமல் இஸ்லாமிய மக்களுக்கு அரனாக இருந்து வந்தார்.
11. இந்தியாவே மதக்கலவரத்தில் சூறையாடி, சிறுபான்மை மக்கள் தன்னுடைய பொருளாதாரத்தை இழந்த போது, தமிழ்நாட்டில் மட்டும் அதற்கு இட
மளிக்காமல் சகோதர பாசத்துடன் நிலைநாட்டி அமைதி பூங்காவாக உருவாக்கி காட்டியவர்,12.SIR, CAA, போன்ற கொடிய சட்டங்கள் மூலமாக இஸ்லாமிய மக்கள் மீது பழிதீர்க்க ஒன்றிய அரசு சட்டம் கொண்டு வந்த போது அதை எதிர்த்து கண்டன குரல் கொடுத்து, தமிழ்நாட்டில் அமல்படுத்த மாட்டோம். என உரத்த குரலில் அறிவித்தார். தளபதி அவர்கள்.
13. திருப்பரங்குன்றம் மத நல்லிணக்கம் கொண்ட தமிழ்நாட்டில், உயர்நீதிமன்ற உத்தரவை எதிர்த்து, உச்சநீதிமன்றத்தில் முறையீடு செய்து அமைதி ஏற்பட வழிவகை செய்தவர். அன்றைய முதல்வர் தளபதியார். 14. இஸ்லாமிய மக்கள் யார் பக்கம் என்பதை கடந்த கால தேர்தல் நிருபித்து உள்ளது. எந்தெந்த தொகுதிகளில் இஸ்லாமிய மக்கள் பெருமளவில் வசிக்கிறார்களோ அந்த தொகுதிகளை தி.மு.க. கைப்பற்றி வெற்றி வாகை சூடியது. அதற்கு காரணம் இஸ்லாமிய மக்கள் தி.மு.க. பக்கம் தான் நாங்கள் என்பதை உறுதி செய்தார்கள். கழகத்தலைவர் தளபதியார் அவர்களுக்கு கரம் கொடுத்தார்கள்.
15.இன்று இஸ்லாமிய மக்கள் தலைவர் கலைஞர் மீதும், தளபதியார் மீதும், தி.மு.க. மீதும் அசைக்க முடியாத பாசத்துடன் நேசத்துடன் இருப்பதற்கு காரணம் காலங்காலமான உறவே. இப்படிப்பட்ட நிலையில் தற்போது முன்னாள் முதல்வர், கழகத்
தலைவர் தளபதியார் அவர்களும், இளம்தலைவர், எதிர்க்கட்சிதலைவர் உதயநிதிஸ்டாலின் அவர்களும், இஸ்லாமிய மக்களுடன்இணைந்து கடந்த கால நட்புடன் உறவை பாது காத்து அரனாக இருந்து பல்வேறு நலத்திட்டங்களை செயல் வடிவம் தந்து கொண்டு இருக்கிறார்கள்.
இப்படி இருக்க உண்மைக்கு மாறாக சட்டமன்றத்தில் தற்குறியாக எந்த விவரமும் இல்லாமால் தான்தோன்றித்தனமாக பொய் மூட்டைகளை அவிழ்த்து விடும் தற்குறி த.வெ.க. சட்டமன்ற உறுப்பினர் முஸ்தபாவை வன்மையாக கண்டிக்கிறோம்.