சென்னை, ஆக.28–
தமிழ்நாட்டில் உள்ள ஆசிரியர்களுக்குடெட் தேர்வில் விலக்கு கிடைத்திட வும், சலுகைகள் பெறுவதற்கும், நாடாளுமன்றத்தில் புதிய சட்டம் கொண்டுவர திமுக உறுதுணையாக இருக்கும். தமிழ்நாடு சட்டமன்றத்தில் ஆசிரியர் தகுதி தேர்வு தொடர்பான தனி தீர்மானத்தில் பேசிய சட்டமன்ற கொறடா எ.வ.வேலு குறிப்பிட்டார்.
சட்டமன்றத்தில் ஆசிரியர் தகுதி தேர்வு தொடர்பாக ஒன்றிய அரசை வலியுறுத்தி நிறைவேற்றப்பட்ட தனி தீர்மானத்தின் மீது திராவிட முன்னேற்றக் கழகத்தின் சார்பில் சட்டமன்ற கொறடா எ.வ.வேலு பேசியதாவது:–
கடந்த திராவிட மாடல் ஆட்சியின் போதே, அப்போதைய முதல்வர் மு.க. ஸ்டாலின் அவர்களிடம் டெட் தேர்வு தொடர்பான ஆசிரியர்களின் கோரிக்கைகள் கவனத்திற்கு கொண்டுவரப்பட்டது,
தற்பொழுது உள்ள ஆசிரியர்கள் எல்லாம் 20 ஆண்டுகளுக்கு முன்பு படித்து முடித்து பணிக்கு வந்தவர்கள், தற்போதைய டெட் தேர்வு என்பது புதிய பாடத்திட்டத்தின் அடிப்படையில் நடைபெறுவதால், தற்பொழுது உள்ள ஆசிரியர்கள் அதை எழுதி தேர்ச்சி பெறுவது மிகவும் கடினம் என்ற காரணத்தால் அப்போது சட்டமன்றத்தில் டெட் தேர்வு தேவையில்லை என்று தீர்மானம் நிறைவேற்றி அதை ஒன்றிய அரசு அனுப்பி வைத்தோம், மேலும் இது தொடர்பாக உச்ச நீதிமன்றத்தில்அரசின் சார்பில் வழக்கு தொடரப்பட்டது, அதில் சில ஆசிரியர்களும் தங்களை இணைத்துக் கொண்டனர், ஆனால் வழக்கின் இறுதியில் சீராய்வு மனுவிலும் மற்றும் பிரதான வழக்கிலும் அளிக்கப்பட்ட தீர்ப்பில் டெட் தேர்வு அவசியம் என தீர்ப்பு வழங்கப்பட்டது,
இதையடுத்து சட்டமன்ற தேர்தல் வந்துவிட்ட காரணத்தால் தேர்தலுக்குப் பிறகு சட்டமன்றத்தில் தீர்மானம் நிறைவேற்றி, அதன் அடிப்படையில் நாடாளுமன்றத்திலும் நமது நாடாளுமன்ற உறுப்பினர்கள் துணை கொண்டு புதிய சட்டத்தை கொண்டு வர திமுக தலைவர் ஸ்டாலின் அவர்கள் எண்ணியிருந்தார், , இப்பொழுது இங்கு கொண்டுவரப்பட்ட தனித்தீர்மானத்திலும், பணி பாதுகாப்பு மற்றும் பதவி உயர்வு உள்ளிட்டவை தொடர்ந்து ஆசிரியருக்கு தடையின்றி கிடைக்க வேண்டும் என்று வலியுறுத்தியுள்ளது, இந்த தனி தீர்மானத்தை திமுகழகத்தின் சார்பில் முழு மனதுடன் ஆதரிக்கிறோம், மேலும் வருங்காலத்தில் நாடாளுமன்றத்தில் திராவிட முன்னேற்றக் கழகத்தின் சார்பில் புதிய சட்டம் கொண்டு வருவதற்கும் ஆசிரியர்களுக்கு சலுகைகளை பெற்றுத் தருவதற்கும் திமுக என்றென்றும் உறுதுணையாக இருக்கும் என்பதை இந்த அவையில் தெரிவித்துக் கொள்கிறேன்.
இவ்வாறு எ.வ.வேலு பேசினார்.