சென்னை, ஆக.28–
பல்லாவரம் சட்டமன்றத்தொகுதி குரோம்பேட்டையில் இருந்து தனியார் ஆன்மிக சுற்றுலா ட்ராவல்ஸ் மூலம் ஆன்மீகச் சுற்றுலா சென்ற 49 பேரில் ஏழு பேர் குரோம்பேட்டை பகுதியைச் சேர்ந்தவர்கள் அவர்களின் நிலைமை என்னவென்று தெரியவில்லை என தொலைக்காட்சியில் செய்தி பரவியதை தொடர்ந்து தகவல் அறிந்து மாவட்ட கழகத் துணைச் செயலாளர் பல்லாவரம் சட்டமன்றத் தொகுதியின் முன்னாள் உறுப்பினர் இ. கருணாநிதி முன்னாள் நகர மன்ற உறுப்பினராக இருந்த குரோம்பேட்டை ஜமீன் ராயப்பேட்டை சேர்ந்த குமார் அவர்களின் குடும்பத்தைச் சேர்ந்த அவரது மனைவி அமுதா மகன் கிஷோர் உறவினர்கள் ராஜலட்சுமி ஆதி லக்ஷ்மி வேளவேந்தர் மஞ்சுளா விக்கிரமன் சுற்றுலா நிறுவனத்தின் உரிமையாளர் சத்யன் நாராயணன் உட்பட ஏழு பேர் அந்த சுற்றுலா நிறுவனத்தின் மூலம் நேபாளம் சென்றிருந்ததாகவும் அவர்களின் நிலைமை என்னவென்று தெரியாத இருப்பதாகவும் அவர்கள் தெரிவித்தார்கள்.
அதைத் தொடர்ந்து குமார் அவர்கள் இல்லத்திற்கு நேரில் சென்று அவர்கள் குடும்பத்தினரை சந்தித்து தங்கள் மகன் கடைசியாக எப்பொழுதுதொடர்பு கொண்டார் என்பதை கேட்டு அறிந்து அவர் நேபாள விமான நிலையத்தில் வந்திருப்பதாக வெள்ளப்பெருக்கு ஏற்பட்ட அன்று காலை தொலைபேசி மூலம் எனக்கு தொடர்பு கொண்டார் அதற்குப் பிறகு அவரிடம் இருந்து எந்த தொடர்பும் இல்லை என தெரிவித்தார் அதைத்தொடர்ந்து இ. கருணாநிதி அவர்கள் சென்னை விமான நிலைய அதிகாரிகளை தொடர்பு கொண்டு நேபாள விமான நிலையத்தில் இந்த முகவரியை கொண்டவர்கள் இந்தப் புகைப்படத்தில் உள்ளவர்கள்யாராவது இருக்கிறார்களா என கேட்டு தகவல் தெரிவிக்குமாறு கேட்டுக் கொண்டார்.
அதை தொடர்ந்து விமான நிலைய அதிகாரிகளுக்கு அவர்களைக் குறித்த தகவல்களை அனுப்பினார் அதிகாரிகள் மேல் அதிகாரிகளை தொடர்பு கொண்டு கேட்டு தங்களுக்கு தெரிவிப்பதாக கூறினார்கள்.
மேலும் எந்தவித உதவிகள் தேவைப்பட்டாலும் தன்னை தொடர்பு கொள்ளுமாறு அவர்களிடம் கூறி மிக விரைவில் அவர்கள் நல்ல நிலைமையில் தங்கள் இல்லங்களுக்கு வருவார்கள் என்று ஆறுதல் கூறினார் அப்பொழுது மாவட்ட கழக பிரதிநிதி க. ரமேஷ் மாவட்ட இளைஞரணி துணை அமைப்பாளர்கோ. ஜானகிராமன் மாமன்ற உறுப்பினர் ஆண்டாள் கண்ணன் பகுதி துணைச் செயலாளர் கே. பூபதி பகுதி தொண்டரணி அமைப்பாளர் ஜெயபால் மற்றும் கழக நிர்வாகிகள் உடன் இருந்தனர்.
நேபாள பெருவெள்ளத்தில் சிக்கிய பல்லாவரம் குரோம்பேட்டையைச் சார்ந்த முன்னாள் நகர்மன்ற உறுப்பினர் குமார் அவர்களின் குடும்பத்தைச் சேர்ந்த ஏழு பேர் நிலைமை குறித்து அவர்களின் இல்லத்திற்கு மாவட்டக் கழகத் துணைச் செயலாளர் பல்லாவரம் தொகுதியின் முன்னாள் சட்டமன்ற உறுப்பினர் இ. கருணாநிதி நேரில் சென்று அவரை சந்தித்து பேசினார். மாவட்டக் கழக பிரதிநிதி க. ரமேஷ், மாவட்ட இளைஞரணி துணை அமைப்பாளர் கோ. ஜானகிராமன், மாமன்ற உறுப்பினர் ஆண்டாள், என். கண்ணன், பகுதி கழகத் துணைச் செயலாளர் கே. பூபதி, பகுதி தொண்டரணி அமைப்பாளர் ஜெயபால் வட்டக் கழக நிர்வாகிகள் ஆகியோர் உடன் இருந்தனர்.