சென்னை, ஆக. 28 –
“கவன ஈர்ப்புத் தீர்மானம் கொண்டு வருவதற்கு முன்பே அமைச்சர்கள்விளக்கம் சொல்ல அனுமதிக்கலாமா?”என்று சட்டப் பேரவையில் எதிர்க்கட்சித் தலைவர் உதயநிதி ஸ்டாலின் அவர்கள் கேள்வி எழுப்பினார்.
இதுகுறித்து சட்டப் பேரவையில் நேற்று எதிர்க்கட்சித் தலைவர் உதயநிதி ஸ்டாலின் அவர்கள் பேசியதாவது:–
கேள்வி நேரம் நடக்கும்போது, அந்தத் துறையின் செயலாளர்கள் இந்த அவைக்கு வரவேண்டும். அவர்கள் அதை குறிப்பு எடுத்துக்கொள்ள வேண்டும். அதையும் நீங்கள் வலியுறுத்த வேண்டும். அதேபோல, கவன ஈர்ப்பு தீர்மானத்தைக் கொடுத்துள்ளோம். அனைத்துக் கட்சித் தலைவர்களும் கொடுத்துள்ளார்கள். ஆனால், நாங்கள் கவன ஈர்ப்பு தீர்மானத்தைக் கொண்டு வருவதற்கு முன்பாகவே, ஒரு அமைச்சர் அவர்கள் இதற்கு விளக்கம் சொல்ல வேண்டும் என்று சொல்கிறார்.அதையும் நீங்கள் அனுமதிக்கிறீர்கள்.
முதலமைச்சரும் இல்லை தலைமைச் செயலாளரும் இல்லை!
உடனே கரூர் சம்பவத்துடன் ஒப்பிடுகிறீர்கள். எனவே, அது சரியாக இருக்குமா என்று தெரியவில்லை. ஏனென்றால், கரூர் சம்பவம் நடக்கும்போது, இங்கு அவையில் முதலமைச்சர் அவர்களே இருந்து பதில் சொன்னார்கள். இப்போது முதலமைச்சர்அவர்களும் இல்லை, தலைமைச்செயலாளர் அவர்களும் இல்லை.
எனவே, இதையெல்லாம் நீங்கள் கவனத்தில்கொண்டு துறை பிரச்சினை வரும்போது, அந்தந்தத் துறையின் அதிகாரிகள் இங்கு இருக்க வேண்டும் என்று நீங்கள் அறிவுறுத்த வேண்டும் என்று
கேட்டுக் கொள்கிறேன்.
இவ்வாறு சட்டப் பேரவையில், எதிர்க்கட்சித் தலைவர் உதயநிதி ஸ்டாலின் கூறினார்.