தேனி, ஆக.28–
தேனி மாவட்டத்தில் உள்ள அரசு மற்றும் அரசு உதவி பெறும் பள்ளிகளில் மாணவர்களுக்கு காலை உணவு மற்றும் சத்துணவு மதிய உணவு திட்டம் முறையாக செயல்படுத்தப்படுகிறதா என்பதை மாவட்ட நிர்வாகம் நேரில் ஆய்வு செய்ய வேண்டும் என பெற்றோர்கள் மற்றும் சமூக ஆர்வலர்கள் கோரிக்கை விடுத்துள்ளனர்.
தமிழகத்தில் கழகத் தலைவர் மு.க. ஸ்டாலின் அவர்கள் தொடங்கி வைத்த காலை உணவு திட்டம் எம்.ஜி.ஆர் அவர்களால் தொடங்கப்பட்ட சத்துணவு திட்டம், அரசு பள்ளி மாணவர்களுக்கு பெரும் வரப்பிரசாதமாக உள்ளது. தேனி மாவட்டத்தில் மட்டும் 800-க்கும் மேற்பட்ட அரசு மற்றும் அரசு உதவி பெறும் பள்ளிகள், அங்கன்வாடி மையங்களில் தினமும் ஆயிரக்கணக்கான மாணவர்கள் மதிய உணவு பெற்று வருகின்றனர்.
இந்த திட்டத்தை நம்பியே பல ஏழை, எளிய குடும்பங்கள் தங்கள்
குழந்தைகளை பள்ளிக்கு அனுப்பி வருகின்றனர்.
இந்நிலையில் த.வெ.க. ஆட்சியில் கடந்த சில மாதங்களாக சில பள்ளிகளில் மதிய உணவு வழங்குவதில் பல்வேறு குளறுபடி
கள் நடப்பதாக புகார் எழுந்துள்ளது.
சாதம், சாம்பார், கூட்டு ஆகியவற்றின் தரம் மிகவும் குறைவாக உள்ளதாகவும், காய்கறிகள் பழையதாகவும் இருப்பதாக பெற்றோர்கள் குற்றம் சாட்டுகின்றனர்.மெனு பட்டியல் பின்பற்றப்படவில்லை: அரசு அறிவித்துள்ளபடி திங்கள் முதல் வெள்ளி வரை கலவை சாதம், காய்கறி கூட்டு வழங்கப்பட வேண்டும். ஆனால் பல பள்ளிகளில் தினமும் ஒரே மாதிரியான உணவு வழங்கப்படு வதாக கூறப்படுகிறது.
முட்டை, பழம் வழங்குவதில் முறைகேடு: ஆனால் சில பள்ளிகளில் சில இடங்களில் மாணவர்களின் வருகைக்கு ஏற்ப முட்டை வழங்கப்படாமல் கணக்கு மட்டும் காட்டப்படுவதாகவும் புகார் உள்ளது
பள்ளிகளில் சமையல்கூடம், குடிநீர் வசதி, உணவுபொருட்கள் இருப்பு, சமையலர்களின் வருகை மாணவர்களின் ஆரோக்கியம் மற்றும் எதிர்காலத்தை கருத் தில் கொண்டு மாவட்ட நிர்வாகம் உடனடியாக நடவடிக்கை எடுக்குமா என பெற்றோர்கள் ஆவலுடன் எதிர்பார்த்து காத்திருக்கின்றனர்.