“
ஒ
ரே நாடு – ஒரே தேர்தல்” ஒன்றிய பா.ஜ.க அரசின் முழக்கம் “இந்துத்துவாக் கோட்பாட்டின்” “இந்து ராஷ்டிரத்திற்கான” ஒத்திகையாகவே தெரிகிறது!
ஒன்றிய பா.ஜ.க அரசின் திட்டமான “ஒரே நாடு – ஒரே தேர்தல்” (One Nation One Election) (ONOE) திட்டத்தின் தொடக்கமாக இந்திய அரசியல் சட்டத்தில் (Indian Constitution) உரிய சட்டதிருத்தத்தை கொண்டு வருவதன் மூலம் இந்தச் திட்டத்தை நிறைவேற்றி அமல்படுத்துகின்ற முயற்சியில் வெற்றி பெறும் என்பதால் இந்த வரைவு மசோதா (Bill) நாடாளுமன்றத்தின் மூலம் விரிவான
விவாதத்திற்கும் பரிசீலனைக்கும் நாடாளுமன்ற கூட்டுக்குழுவிற்கு (Joint Parliamentary Committee)
அனுப்பப்பட்டுள்ளது.
அந்த கூட்டுக்குழுவின் தலைவராக பி.பி.சௌத்திரி அவர்கள் நியமிக்கப்பட்டு சமூக அமைப்புகளின் அறிஞர் களையும், சட்ட வல்லுநர்களையும், அரசியல் கட்சிகளின் பிரதிநிதிகளையும் கலந்தாலோசித்து இந்த வரைவு மசோதா குறித்து விவாதித்து வருகிறார். இந்த நாடாளுமன்ற கூட்டுக்குழுவில் கருத்து தெரிவித்துள்ள முன்னாள் ஒன்றிய அமைச்சரும் வழக்கறிஞருமான ப.சிதம்பரம் அவர்கள்
கடுமையாக இந்த வரைவு மசோதாவை எதிர்த்து வாதங்களை முன்வைத்திருக்கிறார்.
ஆனால் அதற்குமுன்னரே திராவிட முன்னேற்றக்
கழகத்தின் தலைவர் முத்துவேல் கருணாநிதி ஸ்டாலின் அவர்கள் இந்த வரைவு மசோதா அறிமுகப்படுத்தப்பட்ட நிலையிலேயே தொடக்கக்காலத்திலிருந்தே எதிர்த்து வந்ததோடு மட்டுமில்லாமல், அதற்கான காரண காரியங்களையும் விரிவாக விளக்கியுள்ளார். அதோடுகூட, “ஒரே நாடு – ஒரே தேர்தல்” என்ற சட்டம் நிறைவேற்றப்படு மேயானால், இந்திய ஒன்றியத்தின் ஒற்றுமை (National Integration) சீர்குலைக்கப்பட்டு, காலப்போக்கில் வேற்றுமையில் ஒற்றுமை (Unity in Diversity) என்பது சிதறுண்டுப் போவதற்கான வாய்ப்புகளும் விரும்பத்தகாத அரசியல் கொந்தளிப்புகளும், சூழ்நிலைகளும், குழப்பங்க ளும் நிச்சயமாக உருவாகும் என்பதை ஆழ்ந்த தொலை நோக்குச் சிந்தனையுடன் தீர்க்க தரிசனமாக தெரிவித்துள்ளார்.
இந்த வரைவு மசோதாவிற்கு நாடு முழுவதும் உள்ள முற்போக்கு சிந்தனைக்குழு (ThinkTank) பல்வேறு முனைகளில் எதிர்ப்பு தெரிவித்திருந்த போதிலும், நாடாளுமன்ற கூட்டுக்குழு தலைவர் பி.பி.சௌத்ரி அவர்களின் கருத்தும் முனைப்பும் எப்படியாவது இந்திய அரசியல் சட்டத்தில் அதற்கான திருத்தத்தை கொண்டு வந்தே தீருவது, அதன் மூலம் “ஒரே நாடு ஒரே தேர்தல்” என்ற ஒன்றிய அரசினுடைய
கனவுத்திட்டத்தை நிறைவேற்றும் நோக்கில்தான் அவரது நடவடிக்கைகள் உள்ளது என்று அனுமானிக்கத்தக்க முறையில் அவர் தனது கருத்துக்களை வெளிப்படையாகத் தெரிவித்து வருகிறார் என்ற செய்தி 25.08.2026 “இந்து” ஆங்கில நாளேட்டில் வெளிவந்துள்ளது.
அந்தச் செய்தியின் உள்ளடக்கம் என்பது நாடாளுமன்ற கூட்டுக்குழுவின் தலைவர் சௌத்ரி அவர்கள் தன்னுடைய குழுவிற்குமுன் வருகைதந்து கருத்து தெரிவித்த அரசியல் கட்சிகளைச் சார்ந்த பிரதிநிதிகள் பலரும் வேறுபட்ட விளக்கங்களையும், முரண்பட்ட கருத்துக்களையும் முன்வைத்து தெரிவித்திருந்தாலும், நாட்டினுடைய நலன்கருதி நாடாளுமன்ற கூட்டுக்குழு தன்னிச்சையான முடிவுகளை மேற்கொள்ளும் என்றும் மேலும் நாடாளுமன்றம், வரைவு மசோதாவிலுள்ள குறைபாடுகளை தவிர்த்துவிட்டு, ஒரே காலத்தில் நாடாளுமன்றத்திற்கும் – மாநில சட்டமன்றங் களின் தேர்தல்களை நடத்திட வழிவகை காணுமாறு
கட்டாயப்படுத்தியுள்ளது (Mandated) என தெரிவித்துள்ளார்.
(Mr.Chaudhary said there may be different opinions of political parties, but the committee has to work together in the interest of the country. Mr.Choudhary said the parliament mandated the committee to fix the shortcomings, if any, and make sure that the simultaneous polls are held successfully).
(Ref : The Hindu dated on 25.08.2026 page no.12 – Reported by Press Trust of India)
நாடாளுமன்ற கூட்டுக்குழுத் தலைவரின் இந்த விளக்கம் மூலம் அறியப்படுவது எதுவெனில், கட்டாயமாகவும் அல்லது உறுதியாகவும் ஒரே காலக்கட்டத்தில் நாடாளுமன்றத்திற்கும், மாநில சட்டமன்றங்களுக்கும் தேர்தல் நடை
பெறும் என்ற செய்தியாகும். இத்தகைய ஒரு தலைப்பட்சமான முடிவால் எதிர்காலத்தில் இந்தியா ஒன்றியத்தில்
உருவாகும் விரும்பத்தகாத எதிர்விளைவு களைப்பற்றி ஒன்றிய பா.ஜ.க அரசு கிஞ்சிற்றும் சிந்தித்ததாகவும்,
கவலைப்பட்டதாகவும் தெரியவில்லை. ஒன்றிய அரசின் இந்த நடவடிக்கை என்பது இந்திய அரசியல் சட்டத்தின் அடிப்படைக் கட்டமைப்புகளைச் சீர்குலைத்து (Basic Structure of the Constitution) தங்களுடைய “இந்துத்துவாக் கோட்பாட்டையும்”, “இந்துராஷ்டிர” கனவையும் நனவாக்கி நிறைவேற்றிக் கொள்ளும் ஏகாதிபத்திய முயற்சியாகத்தான் கருதமுடியும்.
டாக்டர்.அம்பேத்காரால் உருவாக்கப்பட்ட இந்திய
அரசியல் சட்டத்தின்மீது தொடர்ந்து தாக்குதல் நடத்திக் கொண்டிருக்கும் ஒன்றிய பா.ஜ.க அரசு தற்பொழுது இந்திய அரசியல் சட்டம் உருவாக்கியிருக்கும் தேர்தல் முறைகளில் தங்களின் திரைமறைவு திட்டங்களில் ஒன்றான “ஒரே நாடு – ஒரே தேர்தல்” என்பதை நிறைவேற்றுவதற்கு ஏதுவாக
பல்வேறு அதிதீவிர முயற்சியில் ஈடுபட்டு வருகிறது.
“ஒரே நாடு – ஒரே தேர்தல்” என்ற ஒன்றிய அரசின் இந்த திட்டத்திற்கு ஆதரவாக சொல்லப்படுவது நாடாளு மன்றத்திற்கும், சட்டமன்றங்களுக்கும் தனித்தனியாக வெவ்வேறு காலகட்டங்களில் பொதுத்தேர்தல் நடத்துவதால் ஒன்றிய அரசிற்கும், மாநில அரசுகளுக்கும் செலவினங்கள் அதிகமாக உயர்ந்துகொண்டே போவதோடு ஒன்றிய மாநில
அரசுகளின் வேறுபல அத்தியாவசிய பணிகளும் தள்ளிப்போகின்றன என்ற வாதமாகும். ஆனால் பெரும்பான்மை மக்களின் ஆதரவோடு உருவாக்கப்படும் ஆட்சிமுறைதான் ஜனநாயக ஆட்சிமுறையாகும். இந்த மக்களாட்சி முறைப்பற்றி அரசியல் அறிஞர்களின் பார்வை என்பது தற்பொழுது நடைமுறையில் உள்ள வெவ்வேறு ஆட்சிமுறைகளில் குறைந்த குறைபாடுகள் கொண்ட ஆட்சிமுறை ஜனநாயக ஆட்சிமுறை என்பதாகும்.
எனவேதான், இந்திய குடிமக்களாகிய நாம் ஜனநாயக குடியரசு ஆட்சிமுறையை பின்பற்றி வருகிறோம். இந்த மக்களாட்சி முறையில் செலவினங்களைப்பற்றி கவலைப் படாமல், நாம் மக்கள் பிரதிநிதிகளைத் தேர்ந்தெடுப்பதற்கு முக்கிய காரணம் நடைமுறையில் இருக்கின்ற ஆட்சிமுறைகளில் இதுதான் சிறந்த ஆட்சிமுறை என்ற தீர்க்கமான முடிவுடன்தான் செலவினங்களைப்பற்றி கவலைப்படாமல், ஜனநாயக ஆட்சிமுறையை நாம் ஏற்றுக்கொண்டுள்ளோம். (Democracy itself is a Costly Affair)
அதுமட்டுமல்ல, இந்திய ஒன்றியம் என்பது ஒரு துணைக்கண்டம் என்பதாகத்தான் நிலவியல் ஆய்வாளர்கள்
மற்றும் பூகோல ஆய்வாளர்கள் ஆகியவர்களின் தீர்க்கமான முடிவாகும். எனவே, உயரிய பண்புகள், கலாச்சார தன்மை கொண்ட வேறுபட்ட மக்கள் வாழும் பல்வேறு பகுதிகளை ஒன்றிணைத்து ஒரே குடையின்கீழ் ஆட்சிசெய்யும்
ஆளுமைக்கு பொருத்தமான ஆட்சிமுறை ஜனநாயக குடியரசு ஆட்சிமுறைதான் என்பதை இந்திய அரசியல் சட்ட
நிர்ணய சபை விவாதித்து முடிவெடுத்து நம்முடைய
அரசியல் சட்டத்தை உருவாக்கினார்கள் என்பதே இந்திய அரசியல் சட்டத்தின் வரலாறாகும்.
எனவே, இந்திய ஜனநாயக ஆட்சிமுறையை ஏதேனும் ஒரு வகையில் சேதப்படுத்தப்பட்டு, “ஒரே நாடு – ஒரே
தேர்தல்” என்பது பல்வேறு கலாச்சாரங்களை உள்ளடக்கிய நடைமுறைக்கு வருமேயானால், பல்வேறு மொழி பேசுகின்ற, பன்முகத்தன்மை கொண்ட இந்திய துணைக்
கண்டத்தில் “வேற்றுமையில் ஒற்றுமை” என்பது நடை
முறைப்படுத்தவியலாத நாடோடி தத்துவம் ஆகி விடுமோ? என்ற அச்சம் இந்திய ஒன்றிய மக்கள் அனைவரின்
உள்ளங்களில் உருவாகியுள்ளது.