இ ருக்­கி­றதை விட்­டு­விட்டு பறக்­கு­ற­துக்கு ஆசைப்­பட்­ட­வர்­க­ளுக்­குக் கிடைத்த தண்­டனை போல உடன் இருந்த தி.மு.க.வை விட்­டு­விட்டு காவிக் கூட்­டம் பெற்ற பிள்ளை எனத் தெரிந்­தும், த.வெ.க.வுக்கு ஆசைப்­பட்ட காங்­கி­ர­சுக்கு அவ­மா­னம் கூடு­கி­றது.

அர­சனை நம்பி புரு­ஷனை இழந்­த­தைப் போல, த.வெ.க.வை நம்பி தி.மு.க.வை இழந்து காங்­கி­ரஸ் தவிக்­கி­றது.

த.வெ.க.வினர் அடுத்த பிர­த­மர் “விஜய்” என முழங்­கி­ய­தைப் பார்த்து கலங்கி நிற்­கி­றது காங்­கி­ரஸ்.

சட்­ட­மன்­றத்­தி­லேயே, காங்­கி­ர­சார் முன்­னி­லை­ யி­லேயே ஆதவ் அர்­ஜுனா பேசு­கை­யில் “தென் மாநி­லங்­க­ளி­லி­ருந்து பிர­த­மர் ஒரு­வரை தேர்வு செய்ய வேண்­டும்” என முதல்­வர் விஜயை மன­தில் வைத்­துப் பேசி­னார்.

அமைச்­சர் ஜெக­தீஸ்­வரி “இன்­றைய முதல்­வர் விஜய், அடுத்த தேர்­த­லில் பிர­த­ம­ரா­வார். அதில் எந்­தக் கருத்து மாறு­பா­டும் கிடை­யாது. ஒவ்­வொரு வினா­டி­யும் நாம் அனை­வ­ரும் அதை நோக்­கிப் பய­ணிப்­போம்” என்­கி­றார்.

அமைச்­சர் ஸ்ரீநாத் பேசு­கை­யில், “முதல்­வர் விஜய் எங்கே போனா­லும் போகஸ் இருக்­கும். டெல்லி போனா­லும் எங்­கும் விஜ­யா­கத்­தான் இருக்­கும்” என்­கி­றார்.

சேது­பதி எம்.எல்.ஏ. பேசு­கை­யில், “வரும் 2029 லோக்­சபா தேர்­த­லில் முதல்­வர் விஜயை பிர­த­ம­ராக்க மக்­கள் தயா­ராகி விட்­ட­னர்” என்­கி­றார்.

வெறும் கையில் முழம்­போட ஆசைப்­பட்­ட­வன் போல, ஒரே ஒரு உறுப்­பி­னர்­கூட இல்­லாத த.வெ.க. வினர் பிர­த­மர் பத­விக்கு ஆசைப்­ப­டு­கின்­ற­னர்.

அது ஆசை அல்ல. நாங்­கள் ராகு­லுக்கு பிர­த­மர் ஆக ஆத­ரவு தர­வில்லை என பா.ஜ.க.வுக்கு காட்­டு­கின்ற கண்­சாடை ஆகும்.

இவற்றை எல்­லாம் கேட்டு காங்­கி­ரஸ் கொதித்து எழுந்­தி­ருக்க வேண்­டாமா? ஆனால் காங்­கி­ரஸ் மாமன் அடிச்­சானோ, மல்­லி­கைப்­பூச் செண்­டாலே என்­பது போல மென்­மை­யான மறுப்பை தரு­கின்­ற­னர்.

ஒரு பக்­கம் மாணிக்­கம் தாகூர். “த.வெ.க.வினர் இன்­னும் ரசி­கர்­கள் மன­நி­லை­யி­லேயே உள்­ள­னர்” என்­றும், “இந்­தியா கூட்­ட­ணி­யில் எம்.பி. இல்­லாத த.வெ.க.வை சேர்த்­திட அனு­ம­திக்க முடி­யாது” என்­கி­றார்.

இந்­தியா கூட்­ட­ணி­யில் 23 கட்­சி­கள் உள்­ளன. இதில் எம்.பி.கள் இல்­லாத கட்­சி­களே இல்­லையா? ஏன் த.வெ.க. சேர­வில்லை.

கப­டக்­கா­ரி­யின் முத்­தத்­திற்கு ஆசைப்­பட்டு, கட்­டிக்­காத்த தாயின் அன்பை இழந்த காளை­யின் நிலை­யில் காங்­கி­ரஸ் தவிக்­கி­றது.

கட்சி மாறும் அ.தி.மு.க. எண்­ணிக்கை மாற மாற காங்­கி­ரசு மாப்­பிள்­ளைக் கணக்கா திண்­ணை­யில் இரு­மிக் கொண்­டி­ருக்க வேண்­டி­ய­து­தான்.

இரண்டு அமைச்­சர் என்­கிற லட்­சங்­களை பெரி­ய­தாக நினைத்து. “ராகுல் பிர­த­மர்” என்­கிற லட்­சி­யக் கன­வு­களை கோட்டை விட்­ட­னர் தமி­ழக காங்­கி­ர­சி­னர்.

காங்­கி­ரஸை ஓரங்­கட்­டத்­தான், செங்­கோட்­டை­யன் 10 அ.தி.மு.க. எம்.எல்.ஏ.க்கள் த.வெ.க.விற்கு வரத் தயா­ராக இருக்­கி­றார்­கள் என்­கி­றார்.

47ல் 6 நபர்­கள் வில­கி­னா­லும் இன்று இருக்­கும் ஏறத்­தாழ 41 பேரில் 3–ல் 2 பங்கு இருந்­தால்­தான் கட்­சி­மா­று­தல் செல்­லும். ஆனால் 10 பேர் வரு­கி­றார்­கள் என செங்­கோட்­டை­யன் கூறு­வது சட்­டத்­தினை ஜன­நா­ய­கத்­தினை காலில் போட்டு மிதிப்­ப­தற்­குச் சமம். இதற்­கா­கவே செங்­கோட்­டை­ய­னி­டம் இருக்­கும் அமைச்­சர் பொறுப்­பைப் பறிக்க வேண்­டும்.

இருக்க இடம் இல்லை, படுக்­கப் பாய்­கேட்ட கதை­யாய்ச் சட்­ட­மன்­றத்தை ஒழுங்­காக நடத்­தத் தெரி­ய­வில்லை. ஒரு அமைச்­சர்­கூட இலாகா பற்றி பேசு­வது இல்லை. இந்த லட்­ச­ணத்­தில் பிர­த­மர் பதவி மீது ஆசை­யாம்.

40 எம்.பி.க்களை வெற்றி பெற வைத்த தள­பதி மு.க. ஸ்டாலின்­தான். முதன் முத­லில் “பார­தப் பிர­த­மர் வேட்­பா­ளர்” என “ராகுலை” அறி­வித்­தார். இந்­தியா கூட்­ட­ணியை உரு­வாக்­கி­னார். இந்­தியா கூட்­ட­ணி­யில் பெரும்­ப­குதி கட்­சி­யி­னரை சமா­தா­னம் செய்து “ராகுல் பிர­த­மர்” என முழக்­க­மிட்­டார் தள­பதி ஸ்டாலின். தள­ப­தியை ஒரு­போ­தும் பிர­த­மர் என தி.மு.க.வினர் சொல்­லிக் கொண்­டதே இல்லை.

எங்கே விஜ­யினை, “அடுத்த பிர­த­மர் வேட்­பா­ளர் ராகுல்” என அறி­விக்­கச் சொல்­லுங்­கள் பார்க்­க­லாம்.

அத்­தைக்கு கூட மீசை முளைக்­கும். விஜ­யி­டம் இருந்து ராகுல் பிர­த­மர் என்­கிற வார்த்தை வராது.

அமைச்­சர் நிர்­மல்­கு­மார், லோக்­சபா தேர்­தல் முடிந்து த.வெ.க.விற்கு எம்.பி.க்கள் கிடைத்­த­பின் இந்­தியா கூட்­ட­ணி­யில் செயல்­ப­டு­வது குறித்து முடி­வெ­டுக்க முடி­யும் என்­கி­றார்.

அப்­படி என்­றால் வரும் 2029 தேர்­த­லில் இந்­தியா கூட்­டணி இல்லை. தனித்­துத் தான் நிற்­போம். வென்­ற­தற்­குப் பிறகு யோசிக்­க­லாம் என்­கி­றாரா அமைச்­சர் நிர்­மல்­கு­மார். அப்­படி என்­றால் தமி­ழ­கத்­தில் காங்­கி­ரஸ் கூட்­ட­ணிக்கு 39 சீட்டு என்­ப­தற்­குப் பதில் ஜீரோ­தான் என்­கிற மாதி­ரி­தான் என்­கி­றார். எதிர்த்­துப் பேச வேண்­டிய காங்­கி­ர­சார் மௌன கீதம் பாடு­கின்­ற­னர்.

நிர்­மல் குமார் சொல்­கி­றார். தி.மு.க.வினர் அறி­வா­ல­யத்தை வாட­கைக்கு விட­ணு­மாம். அறி­வா­ல­யத்­தின் செங்­கற்­க­ளைக் கூட வாட­கைக்கு வாங்­கு­வ­தற்கு எவ­ருக்­கும் சக்தி இல்லை. வாட­கைக்கு விடு­வ­தற்­கும். விற்­ப­தற்­கும் தி.மு.க.வில் நூற்­றுக் கணக்­கான அறி­வா­ல­யங்­க­ளும், அடிப்­படை அர­சி­யல் கூட்­ட­மும் இருக்­கின்­றன. உங்­கள் பாட்­ட­னால்­கூட அதைச் சாதிக்க முடி­யாது.

ஆனால் த.வெ.க.விற்கு விற்­ப­தற்கு என என்ன உள்­ளது? சென்­னை­யில் தலை­மைக் கட்­டி­டம் இருக்­கி­றதா? தி.மு.க.விற்கு முர­சொலி இருக்­கி­றது. த.வெ.க.விற்கு தின­சரி இதழ் இருக்­கி­றதா?

தி.மு.க.விற்கு கலை­ஞர் டி.வி. இருக்­கி­றது. த.வெ.க.வுக்கு என்ன இருக்­கி­றது?

எதிர்த்த வீட்­டுக்­கா­ர­ருக்கு எட்­டுப் புள்ள இருக்­கி­றது என மலடி மல்­லாந்து படுத்­து­கிட்டு கத்­தி­னா­ளாம், அது­போல உள்­ளது அமைச்­சர் நிர்­மல்­கு­மா­ரின் பேச்சு.

எதிர்க்­கட்­சிக்­கா­ரர்­க­ளும் பெரு­மைப்­ப­டும் அள­வுக்கு அர­சி­யல் செய்­யா­மல், மூன்­றாம் தர பேச்­சா­ளர்­கள் போல் அச்­சில் ஏற்­றிட தகுதி இல்­லாத வார்த்­தை­க­ளைத் த.வெ.க.வினர் பேச வேண்­டாம்.

வீழ்­வது அவர்­க­ளது வெற்­றிக்­க­ழ­கம்­தான்!

இனி எழு­வ­தும் வெல்­வ­தும் தி.மு.கழ­கம்­தான்!!