சென்னை, ஆக.28–
நேபாளத்தில் ஏற்பட்டுள்ள பெரும் வெள்ளப்பெருக்கில் சிக்கியுள்ள
சுற்றுலாப் பயணிகளை மீட்டிட ஒன்றிய அரசு துரித நடவடிக்கை எடுத்திட வேண்டும் என நாடாளுமன்ற கழக குழுத் தலைவர் கனிமொழி கருணாநிதி எம்.பி. வலியுறுத்தியுள்ளார்.
இதுகுறித்து கனிமொழி கருணாநிதி எம்.பி. ட்விட்டர் பதிவில் கூறி
யிருப்பதாவது:–
நேபாளத்தில் ஏற்பட்டுள்ள கடும் வெள்ளப்பெருக்கு பெரும் சேதத்தை ஏற்படுத்தியுள்ளதோடு, தமிழ்நாட்டைச் சேர்ந்த 57 சுற்றுலாப் பயணிகள் உட்பட நூற்றுக்
கணக்கான இந்தியர்கள் காணாமல் போயுள்ளதாகத் தெரி
யவருவது மிகுந்த வேதனை
யளிக்கிறது.
காணாமல் போன சுற்றுலாப் பயணிகளின் பாதுகாப்பு மற்றும் நலனை உறுதி செய்யவும், அவர்களின் குடும்பத்தினருக்குத் தேவையான அனைத்து உதவிகளையும் வழங்கவும், நேபாள அதிகாரிகளுடன் ஒருங்கிணைந்து செயல்படத் தேவையான உடனடி நடவடிக்கைகளை மேற்கொள்ளுமாறு மாண்புமிகு வெளியுறவுத் துறை அமைச்சரை நான் வலியுறுத்துகிறேன்.
இவ்வாறு கனிமொழி கருணாநிதி எம்.பி. வலியுறுத்தியுள்ளார்.