சென்னை, ஆக.28–
பல்வேறு இடங்களில் ஆய்வு செய்த பிறகுதான் இடம் தேர்வு செய்யப்பட்டது. பரந்தூர் விமான நிலைய திட்டத்தில் எந்த உள்நோக்கமும் கிடையாது என்று சட்டப்பேரவையில் முன்னாள் அமைச்சர் தங்கம் தென்னரசு பேசுகையில் குறிப்பிட்டார்.
பேரவையில் தங்கம் தென்னரசு குறிப்பிட்ட தாவது–
புதியவிமான நிலையம் அமைக்க வேண்டும் என்று முடிவு செய்த போது உடனடியாக பரந்தூரில் நாங்கள் அமைக்க முடிவு செய்யவில்லை, அதை உங்களு டன் இருக்கும் அதிகாரிகளை கேளுங்கள் அவர்களே சொல்லுவார்கள்,
சோளிங்கநல்லூர், படாளம், பன்னூர் பரந்தூர் ஆகிய இடங்களில் அதிகாரிகளுடன் சென்று ஆய்வு செய்தோம், அப்பொழுது படாளம் பன்னூர் சோழிங்கநல்லூர் ஆகிய இடங்களை ஏர்போர்ட் அத்தாரிட்டி குழுவினர் ஏற்றுக் கொள்ளவில்லை, சென்னையின் கிழக்குப் பகுதியில் கடல் உள்ளது அங்கு அமைக்க முடியாது சென்னையின் வடக்கு பக்கம் மணலி எண்ணூர் டப்பகுதிகளில் தொழிற்சாலைகள் நிறைய உள்ளது அதனால் அங்கும் அமைக்க முடியாது, தெற்கு பகுதியில் உள்ள சோழிங்கநல்லூரில் பழைய விமான நிலையம் அருகிலேயே உள்ளதால் அங்கும் அமைக்க முடியாத நிலை ஏற்பட்டது, மேலும் அனு மின் நிலையம் உள்ள கல்பாக்கம் , பறவைகள் சரணாலயம் உள்ள வேடந்தாங்கல் ஆகிய இடங்களிலும் அமைக்க முடியாத சூழ்நிலை, அதனால் தான் பரந்தூர் தேர்ந்தெடுக்கப்பட்டது, குறைந்த அளவு பாதிக்கப்படும் மக்கள் உள்ளபகுதிகளை பார்த்து தான் இடம் தேர்வு செய்யப்பட்டது, மற்றபடி பொதுப்பணித்துறை அமைச்சர் சொல்வதைப்போல வேற எந்த உள்நோக்கமும் கிடையாது,
இறுதியாக தேர்வு செய்யப்பட்ட பரந்தூருக்கு ஒன்றிய அரசு இறுதியாக ஒப்புதல் கொடுத்தது, நீங்கள் தற்போது பரனூரை விட்டு வேறு இடம் பார்க்க சொல்கிறீர்கள், அங்கேயும் இது போன்ற பிரச்சனைகள் வரத்தான் செய்யும்,
இத்தனை வருடங்களுக்குப் பிறகு இத்திட்டத்தை இறுதி கட்டத்திற்கு கொண்டு வந்த பிறகு இத்திட்டத்தை நீங்கள் கை விட்டீர்கள் என்றால் இனி எப்போது இதை நிறைவேற்ற முடியும். 2,500 பேர் பட்டா வைத்து இருந்தவர்களுக்கு உரிய இழப்பீடு வழங்கி நிலத்தை கையகப்படுத்தி எல்லா வேலைகளும் முடிந்து விட்ட பிறகு இத்திட்டத்தை கைவிடுவது என்பது தமிழ்நாட்டின் ஒட்டுமொத்த பொருளாதார வளர்ச்சியை நிச்சயம் பாதிக்கும்.
இவ்வாறு தங்கம் தென்னரசு பேசினார்.