சென்னை, ஆக.29–
சட்டப்பேரவையில் ஆயிரம் கோடி ரூபாய் செலவில் அயோத்தி தாச பண்டிதர் குடியிருப்புத் திட்டம் செயல்படுத்தியது திராவிட மாடல் அரசுதான் என்று சட்டப்பேரவை எதிர்க்கட்சித் தலைவர் உதயநிதி ஸ்டாலின் அவர்கள் பெருமிதத்துடன் குறிப்பிட்டார்.
இது குறித்து சட்டப் பேரவையில் எதிர்க்கட்சித் தலைவர் உதயநிதி ஸ்டாலின் அவர்கள் பேசியதாவது:–
பேரவைத் தலைவர் அவர்களே,
ஆதிதிராவிடர் மற்றும்பழங்குடியினர் மக்களுக்கு நீங்கள் என்னென்ன திட்டங்கள் கொண்டு வந்துள்ளீர்கள்என்பதை தனது அறிவிப்பில் அமைச்சர் சொன்னார். எங்கள் உறுப்பினர் பேசும்போது, எங்கள்ஆட்சியில் நாங்கள் என்னென்ன திட்டங்கள் கொண்டு வந்துள்ளோம், உங்களின் ஆட்சியில்சில திட்டங்களுக் குப் பெயரை மாற்றியுள்ளீர்கள். சில திட்டங்
களுக்கு நிதி ஒதுக்கவில்லை. அவற்றையெல்லாம் சரி செய்யுங்கள். ஆணவப் படுகொலை நடத்திருக்கிறது என்று புள்ளிவிவரங்களுடன் அவர் சொன்னார். இதற்கு அமைச்சர் அவர்கள் பதில் சொல்ல வேண்டும்.
அமைச்சர் இங்கு தேவையில்லாத பிரச்சனைகளை எழுப்பி, உங்கள் ஆட்சியில்
நீங்களேஇதைச் செய்யவில்லை. சி.ஐ.ஜெ.வில் இது குறைவாக உள்ளது.
இதையெல்லாம் நீங்கள் தவறாகச் செய்துவிட்டீர்கள் என்று பதில் சொல்லும்போது
தவறான பாதைக்கு இது சென்று கொண்டு இருக்கிறது.
நான் இந்த அவையில் பதியவைக்க
விரும்புவது, ஆயிரம் கோடி ரூபாய் செலவில் அயோத்திதாச பண்டிதர் குடியிருப்புத் திட்டம் கொண்டு வந்தது எங்களின் ஆட்சியில்தான், எங்கள் திராவிட மாடல் அரசுதான்.
ஆயிரம் கோடி ரூபாய் மதிப்பீட்டில் `தொல்குடித் திட்டம்’, `அப்பேத்கர் அயலக உயர்கல்வித் திட்டத்தின்’ மூலம் 36 லட்சம் ரூபாய் வரைக்கும் நிதியுதவி, மகளிரை நில உரிமையாளர் ஆக்கிட `நன்னிலம் திட்டம்’, சைதாபேட்டையில் 46 கோடி ரூபாய் மதிப்பீட்டில் `எம்.சி.ராஜா மாணவர் விடுதி’, `ஆதிதிராவிடர் மற்றும் பழங்குடியினர் ஆணையம்’, இப்படிப் பல்வேறு திட்டங்களைச் சொல்லிக்கொண்டே போகலாம். இந்தத் திட்டங்களைப் பலமுறை அமைச்சர் அவர்களே பாராட்டியுள்ளார்கள். இந்த அவையில் அதை அவர் பதிய வைத்துள்ளார்.
இவை எல்லாவற்றுக்கும் மேலாக, ஆதிதிராவிடர் மற்றும் பழங்குடியினர் மக்களுக்காக ஒதுக்கப்படுகின்ற நிதி உரிய முறையில் செலவிடப்படுவதை உறுதி செய்யும் விதமாக ஆதிதிராவிடர் மற்றும் பழங்குடியினர் மேம்பாட்டு செயல் சட்டம் 2024, அதை நிறைவேற்றம்செய்தது அப்போதைய எங்கள் முதலமைச்சர், எங்கள் திராவிட மாடல் அரசின் திட்டங்களை இங்கு பதிய வைக்க விரும்புகிறேன்.
இவ்வாறு எதிர்க்கட்சித் தலைவர்உதயநிதி ஸ்டாலின் அவர்கள் பேசினார்.