த
மிழ்நாடு அரசியல் களத்தில் திடீர் அறிவாளிகள் முளைத்திருக்கிறார்கள். இப்போது அவர்களுக்கு பனையூர் மரத்தடியில் ஞானம் பிறந்திருக்கிறது. அதனால் தி.மு.க. நோக்கி திடீர் குபீர் எனப் பாய்
கிறார்கள். தி.மு.க.வின் தலைமை அலுவலகமான அண்ணா அறிவால யத்தில் பெரியார் சிலை ஏன் இல்லை? அம்பேத்கர் சிலை ஏன் இல்லை? என்பது அவர்களின் திடீர் ஞானோதயத்தில் எழுகின்ற கேள்வி.
அண்ணா அறிவாலயம் என்பதுதி.மு.க.வின் தலைமை நிலைய அலுவலகம்.தி.மு.க நிறுவனரான பேரறிஞர்
அண்ணாவின் சிலையை அதன் முகப்பில் நிறுவினார் முத்தமிழறிஞர் கலைஞர். கழகத் தொண்டர்கள் கொடுத்த பணத்
திலும், கழக நிர்வாகிகள் மாவட்டம் தோறும் திரட்டிய நன்கொடையாலும் அமைக்கப் பட்டதுதான் அண்ணா அறிவாலயம்.
கலைஞர் பார்த்துப் பார்த்து கட்டமைத்த கழகக் கோட்டை அது. அதனால், முத்தமிழறிஞர் கலைஞர் மறைந்தபிறகு அவருக்கு அங்கே சிலை அமைத்தார்
எங்கள் கழகத் தலைவர். அறிவாலயத்தில் தந்தை பெரியார் சிலை இருக்கிறதா?
அண்ணல் அம்பேத்கர் சிலை இருக்
கிறதா? என்று வீம்புக்குக்கேட்கிறவர் களின் கவனத்திற்கு…
அண்ணா திராவிட முன்னேற்றக்
கழகத்தின் தலைமை அலுவலக வாசலில் அண்ணா சிலை கிடையாது. பெயரில் இருக்கின்ற அண்ணா ஏன் சிலையாக இல்லை என்று எவரும் கேட்பதில்லை.கேட்பதும் பொருத்தமில்லை. அ.தி.மு.க.வைநிறுவிய எம்.ஜி.ஆருக்கும், அவருக்குப் பின் அந்தக் கட்சிக்குத் தலைமையேற்று வழிநடத்திய ஜெயலலிதாவுக்கும்தான் சிலை அமைக்கப்பட்டிருக்கும்.
திராவிட முன்னேற்றக் கழகத்தை பொறுத்தவரை இந்த மண்ணின் வளர்ச்சிக்காக, மானுட மேன்மைக்காக பாடுபட்ட தலைவர்களுக்கு கட்சி பாகுபாடின்றி, சிலைகளையும் மணி மண்டபங்களையும் அமைப்பது வழக்கம்.
பேரறிஞர் அண்ணா காலத்திலேயே சென்னை மாநகராட்சியை தி.மு.க. கைப்பற்றிய போது, ஜிம்கானா கிளப் அருகே பெருந்தலைவர் காமராஜருக்கு சிலை அமைக்க தீர்மானம் நிறைவேற்றி,
மாநகராட்சி சார்பில் அமைக்கப்பட்ட
அந்தச் சிலையை இந்தியாவின் முதல்
பிரதமர் நேரு திறந்து வைத்தார். சென்னை அண்ணா சாலையில் சிம்சன் அருகே தந்தை பெரியாருக்கு சிலை அமைத்தது கலைஞர் தலைமையிலான திராவிட
முன்னேற்றக் கழகம்.
மூதறிஞர் ராஜாஜி பெருந்தலைவர் காமராஜர் ஆகியோருக்கு நினைவிடம் அமைத்ததும் கலைஞர் தலைமையிலான தி.மு.க. ஆட்சி தான். எம்.ஜி.ஆர். நினை விடத்தையும் கூட முதன் முதலில் குடை வடிவில் அமைத்துத் தந்தவரும் கலைஞர் தான். அம்பேத்கர் மணிமண்டபத்தை
உருவாக்கியவர்கலைஞரே!
திராவிட நாயகர்கழகத் தலைவர் அவர்களின் சிறப்பான ஆட்சியில் சமூக நீதிகாவலர் வி.பி.சிங், குடியரசு முன்னாள் தலைவர் அப்துல் கலாம், பொதுவுடமை இயக்கத் தலைவர் காரல் மார்க்ஸ்
ஆகியோருக்கு சென்னையில் சிலைகள் அமைக்கப்பட்டன.
எனினும், அண்ணா அறிவாலயத்தில் அவர் சிலை ஏன் இல்லை, இவர் சிலை ஏன் இல்லை என்று வீம்பான கேள்விகளைக் கேட்கும் வம்படி வாயர்கள் எதிர்காலத்தில் வருவார்கள் என்பதைஉணர்ந்துதான், 2003ஆம் ஆண்டிலேயே முத்த மிழறிஞர் கலைஞர் அவர்கள் அண்ணா அறிவாலயத்தில் இந்தியாவின் முதல் தலித் குடியரசுத் தலைவர் என்ற பெருமைக் குரிய திரு. கே.ஆர்.நாராயணன் அவர்களைக் கொண்டு திராவிட இயக்க
வரலாற்றை விளக்கும் கலைஞர்
கருவூலத்தைத் திறந்து வைக்கச் செய்தார்.
முத்தமிழறிஞர் கலைஞர் அவர்களின் கட்டளைக்கேற்ப, கழக மாநாடுகளில் அமைக்கப்படும் கண்காட்சியை நிரந்தரமாக்கும் வகையில், முரசொலி மாறன் அவர்கள் முன்னெடுப்பில்,
இன்றைய கழகத் தலைவர் அன்றைய இளைஞரணி செயலாளர் அவர்களின் மேற்பார்வையில், தஞ்சை ரத்தினகிரி, பொள்ளாச்சி உமாபதி, அன்பகம் கலைஉள்ளிட்ட பலரும் அரும்பாடு பட்டு வரலாற்றுப் படங்களையும் குறிப்புகளையும் சேகரித்து உருவாக்கப்பட்டுள்ள கருவூலம் அது.
ஒரு நூற்றாண்டு கால திராவிட இயக்க வரலாற்றில் பெரியாருக்கும் அம்பேத்கருக்கும் இருந்த உறவு, அயோத்திதாச
பண்டிதர், தாத்தா இரட்டைமலை
சீனிவாசன், மேயர் சிவராஜ், திரு. எம்.சி.ராஜா ஆகியோரின் பங்களிப்பு உள்ளிட்ட அனைத்தும் கருவூலத்தில் படங்களுடன் காட்சிப்படுத்தப்பட்டிருக்கிறது. கட்சி
எல்லைக்கு அப்பாற்பட்டு யார் வேண்டுமானாலும் கலைஞர் கருவூலத்திற்கு வந்து திராவிட இயக்க வரலாற்றைத் தெரிந்து கொள்ளலாம். குறும்படங்களும் திரையிடப்படும்.
சிலை இருக்கா என்று கேட்கின்ற மூளை வீங்கிகள்கூட அண்ணா அறிவாலயத்தில் உள்ள கலைஞர் கருவூலத்திற்கு வரலாம். வேறு எந்தக் கட்சியின் தலைமை அலுவலகத்திலாவது, போற்றுதலுக்குரிய தலைவர்கள் பற்றிய இப்படிப்பட்ட முழுமையான
வரலாற்றுப் பதிவு இருக்கிறதா என்பது குறித்து நேர்மையுடன் பேசலாம்.
அவர்களிடம் அந்த நேர்மை
இருக்கிறதா என்பது தான் கேள்வி.