சென்னை, ஆக.29–
திராவிட முன்னேற்றக் கழகத் தலைவர், என்னாலும் எங்கள் முதலமைச்சர் முத்துவேல் கருணாநிதி ஸ்டாலின் அவர்களின் தலைமையிலான கடந்த கால திராவிட மாடல் அரசால் புலம் பெயர் தொழிலாளர்களின் குழந்தை களுக்காகத் தொடங்கப்பட்ட தமிழ் மொழி கற்போம் திட்டம் தற்போது செயல்பாட்டில் உள்ளதா? திருப்பூரில் உள்ள புலம் பெயர் தொழிலாளர்களின் குழந்தைகளுக்கு அடிப்படைக் கல்வி கிடைப்ப தற்கான திட்டத்தை அரசு சாத்தியப்படுத்துமா? என்ற எதிர்பார்ப்பு நிலவுகிறது. அவர்கள் கல்வி கற்க வசதியாக ஸ்மார்ட் வகுப்பறைகள் மற்றும் ஆன்லைன் வசதி ஏற்பாடு செய்ய கோரிக்கை எழுந்துள்ளது.
தொழில் நகரமான திருப்பூரின் பொருளாதாரம், உள்நாட்டு தொழிலாளர்கள் மட்டுமல்லாது லட்சக்கணக்கான புலம் பெயர் தொழிலாளர்களின் உழைப்பிலேயே இயங்குகிறது. வட மாநிலங்களிலிருந்தும், தமிழகத்தின் பிற மாவட்டங்களிலிருந்தும் வாழ்வாதாரம் தேடி வரும் தொழிலாளர்களின் எண்ணிக்கை நாளுக்கு நாள் அதிகரித்து வருகிறது. ஆனால் இவர்களது குழந்தைளுக்கான அடிப்படைக் கல்வி என்பது முழுமையாக கிடைக்கப்பெறாத நிலை நீடிக்கிறது. பல்வேறு மாநிலங்களைச் சேர்ந்த ஏராளமான தொழிலாளர்களின் குழந்தைகள் இங்குள்ள அரசுப் பள்ளிகளில் இணைந்து கல்வி கற்றுத்தான் வருகிறார்கள். இருப்பினும், அந்த எண்ணிக்கை முழுமையான தாக இல்லை. திருப்பூரில் உள்ள புலம்பெயர் தொழிலாளர்கள் மற்றும் அவர்களின் குழந்தைகள் குறித்த முழுமையான தரவுகள் மாவட்ட நிர்வாகத்
திடமோ, தொழிலாளர் நலத்துறையிடமோ இல்லை என்ற குற்றச்சாட்டும் எழுகிறது. எனவே, துறை சார்ந்த அதிகாரிகளை ஒருங்கிணைத்து மாவட்ட முழுவதும் ஆய்வு மேற்கொண்டு, பள்ளி செல்லா குழந்தை களைக் கண்டறிந்து அவர்களை அருகில் உள்ள அரசுப் பள்ளிகளில் சேர்ப்பதற்கான நடவடிக்கைகளை அரசு போர்க்கால அடிப்படையில் துரிதப்படுத்த வேண்டும். புலம்பெயர் தொழிலாளர்கள் அதிகம் வசிக்கக்கூடிய பகுதிகளில், குழந்தைகள் பள்ளிக்குச் செல்வதன் நோக்கம் மற்றும் கல்வி கற்பதன் அவசியம் குறித்து அவர்களிடம் தொடர் விழிப்புணர்வை ஏற்படுத்த வேண்டியது அவசியமாகும்.
மாவட்ட மற்றும் அரசு நிர்வாகத்தின் இத்தகைய முயற்சிகளுக்குத் திருப்பூரின் தொழில்துறையினரும், தொழிற்சங்கத்தினரும் முழு ஒத்துழைப்பு அளிக்க முன்வர வேண்டும் என கல்வியாளர்கள் வலியுறுத்துகின்றனர். பெற்றோர்களிடையே பணி நிலையற்ற தன்மை காரணமாக அவர்கள் அடிக்கடி இடம் மாறுவதும் தொடர் கல்விக்குப் பெரும் சவாலாக அமைகிறது. இதனால் பல குழந்தைகள் பள்ளிக்குச் செல்லாமல் வீடுகளிலேயே முடங்கும் நிலை ஏற்படுகிறது. இதற்குத் தீர்வாக, கடந்த 2023ம் ஆண்டு திராவிட முன்னேற்றக் கழகத் தலைவர், என்னாலும் எங்கள் முதலமைச்சர் முத்துவேல் கருணாநிதி ஸ்டாலின் அவர்களின் தலைமையில் நடைபெற்ற திராவிட மாடல் அரசால் புலம் பெயர் தொழிலாளர்களின் குழந்தைகளுக்காகத் தொடங்கப்பட்ட “தமிழ் மொழி கற்போம் திட்டம்” தற்போது செயல்பாட்டில் உள்ளதா? என்ற சந்தேகமும் ஏற்படுகிறது.
அந்தந்த மாநில மொழி ஆசிரியர்களைக் கொண்டு தமிழைக் கற்றுத்தரும் வகையில் கொண்டுவரப்பட்ட இத்திட்டத்தின் செயல் பாடுகளை அரசு மீண்டும் தீவிரப்படுத்த வேண்டும். தற்போதுள்ள தகவல் தொழில்நுட்ப வளர்ச்சியில், மொழி சார்ந்த ஆசிரியர்கள் நேரடியாக இல்லாவிட்டாலும் கூட ஏஐ (செயற்கை நுண்ணறிவு) தொழில்நுட்பம் மூலமாகப் பள்ளிகளில் உள்ள ஸ்மார்ட் கிளாஸ் வகுப்பறைகளைப் பயன்படுத்த முடியும்.
ஆரம்ப கட்டத்தில் புலம்பெயர் மாணவர்களின் தாய்மொழியிலேயே பாடங்களை ஏஐ மூலம் கற்பித்து, அவர்களின் பள்ளி வருகையை உறுதி செய்யலாம். அதன்பிறகு தமிழ் உள்ளிட்ட மொழிகளைக் கற்றுத் தருவதற்கான நடவடிக்கைகளை மேற்கொள்ள முடியும். இது அவர்களின் கல்வி அறிவை மேம்படுத்துவது மட்டுமன்றி, நல் பழக்க வழக்கங்களையும், பண்பாட்டையும் அவர்களிடம் கொண்டு சேர்க்க வசதியாக இருக்கும்.
இது குறித்து திருப்பூர் ஏற்றுமதியாளர்கள் சங்க இணைச் செயலாளர் குமார் துரைசாமி கூறு கையில், “கல்வி என்பது ஒவ்வொரு குழந்தையின் அடிப்படைஉரிமை. அதை உறுதி செய்ய வேண்டியது சமூகத்தின் கடமை. இன்று புலம்பெயர் தொழிலாளர்கள் இல்லாமல் தொழில்கள் இயங்க முடியாது என்ற நிலை உருவாகியுள்ளது. ஆனால், இங்கு குடும்பமாக வசித்து வரும் தொழிலாளர்களின் பிள்ளைகள், பெற்றோர் வேலைக்குச் சென்றுவிடும் நிலையில் பள்ளிக்குச் செல்லாமல் வீடுகளிலேயே முடங்குவது கவலையளிக்கிறது. இது இந்த குழந்தை களின் எதிர்காலத்தைப் பாதிப்பதோடு, பல்வேறு சமூக சிக்கல்களுக்கும் வழிவகுக்கும். மொழித்தடை, முகவரி சான்றிதழ் இல்லாமை ஆகியவை பள்ளிச் சேர்க்கைக்கு முக்கியத் தடைகளாக உள்ளன. அரசும், நிறுவனங்களும் இணைந்து ஸ்மார்ட் வகுப்பறைகள் மற்றும் ஆன்லைன் வசதிகள் மூலம் அவர்களின் தாய்மொழியிலும், தமிழக பாடத்திட்டத்திலும் கல்வி கற்க ஏற்பாடு செய்ய வேண்டும்.
புலம்பெயர் தொழிலாளர்களின் குழந்தைகளுக்குக் கல்வி வசதியை உறுதி செய்யக்கோரி ஏற்றுமதியாளர்கள் சங்கம் சார்பிலும் ஒன்றிய, மாநில அரசுகளுக்குக்கோரிக்கைகள் முன்வைக்கப்பட்டுள்ளன. 19க்கும் மேற்பட்ட மாநிலங்களை சேர்ந்த தொழிலாளர்கள் பணிபுரிகின்ற திருப்பூர், கோவை மாவட்டங்களில் அவர்களின் குழந்தைகளுக்
கான கல்வியை உறுதி செய்ய அரசு, மாவட்ட நிர்வாகம் முன்வர வேண்டும். அதற்கு தொழில்துறையினர் முழு ஒத்துழைப்பு வழங்க தயாராக உள்ளோம்” என தெரிவித்தார்.