திருப்பூர், ஆக. 29–
திருப்பூர் மாவட்டம், உடுமலைப்பேட்டை அருகே பிஏபி பாசன கால்வாயில் தண்ணீர் வரும் பாதை முழுவதும் சேதம் அடைந்துள்ளது, சேதத்தை தடுக்க குழாய் பாசனமே தீர்வு என அமைச்சர் அருண்ராஜ் தெரிவித்தார். இதற்கு வாய்ப்பில்லை என அமைச்சர் செங்கோட்டையன் தெரிவித்ததால் விவசாயிகள் குழப்பத்தில் உள்ளனர்.
கோவை, திருப்பூர் மாவட்ட விவசாயத்தின் பாசன ஆதாரமான, பிஏபி பிரதான கால்வாய் பராமரிப்பு குறித்து பல மாதங்களாக வலியுறுத்தியும், அரசு எவ்வித நடவடிக் கையும் எடுக்காதது விவசாயி களிடையே அதிருப்தியை ஏற்படுத்தியுள்ளது. இரண்டாம் மண்டல பாசன காலம் துவங்கும் முன், அடிப்படை பராமரிப்பு பணிகளை மட்டுமாவது பொதுப்பணித்துறையினர் மேற்கொள்ள வேண்டும்.
திருப்பூர் மாவட்டம், உடுமலைப்பேட்டை அருகே உள்ள திருமூர்த்தி அணையிலிருந்து பிஏபி நான்கு மண்டல பாசனத்துக்கும், பிரதான கால்வாயில் தண்ணீர் திறக்கப்படுகிறது. நான்கு மண்டலத்திலும், கோவை, திருப்பூர் மாவட்டத்துக்குட்பட்ட, 3.77 லட்சம் ஏக்கர் நிலங்களுக்கு பாசன நீர் பிரித்து வழங்கப்படுகிறது. அணையிலிருந்து துவங்கி, வெள்ளகோவில் வரை (124 கி.மீ) பிரதான கால்வாய் அமைந்துள்ளது. இந்த கால்வாயில் இருந்து கிளை, பகிர்மான கால்வாய்களுக்கு தண்ணீர் திறக்கப்படுகிறது.
முக்கியத்துவம் வாய்ந்த இந்த கால்வாய் பல இடங்களில் படுமோசமான நிலையில் உள்ளது. தீபாலபட்டி உள்ளிட்ட இடங்களில் கரை முழுவதுமாக சரிந்து எந்த நேரத்திலும் கால்வாய் உடையும் அபாயம் காணப்படுகிறது. ஒவ்வொரு மண்டல பாசனத்தின் போதும், பிரதான கால்வாய் ஏதாவது ஒரு இடத்தில் உடைந்து
பாசனம் பாதிக்கப்படுவது தொடர்கதையாக உள்ளது. எனவே, இந்த கால்வாயை முழுமையாக புதுப்பித்து பிஏபி திட்டத்தில் கடைமடைக்கும் தண்ணீர் கொண்டு செல்ல என்னாளும் எங்கள் முதலமைச்சர், கழகத் தலைவர் முத்துவேல் கருணாநிதி ஸ்டாலின் அவர்களின் தலைமையிலான கடந்த திராவிட மாடல் ஆட்சி காலத்தில் கருத்துரு தயாரிக்கப்பட்டது. இதன்படி, பிரதான கால்வாயை முழுமையாக சீரமைத்து நான்கு மண்டல பாசனத்திலும் சீரான தண்ணீர் கிடைப்பதற்கான திட்ட வடிவமைப்பு உருவாக்கப்பட்டது.
இந்நிலையில் தமிழகத்தில் ஆட்சி மாற்றம் ஏற்பட்டது, புதிய அரசு பதவியேற்றதும், பிஏபி பாசன திட்டத்தில் குழாய் வழி பாசனம் செயல்படுத்தப்படும் என மாவட்ட பொறுப்பு அமைச்சர் அருண்ராஜ் தெரிவித்தார். பின்னர். இத்திட்டத்தை செயல்படுத்த வாய்ப்பில்லை என வருவாய்த் துறை அமைச்சர் செங்கோட்டையன் தரப்பில் தெரிவிக்கப்பட்டது. இவ்வாறு, மாறி, மாறி அமைச்சர்கள் தரப்பில் அறிக்கை மட்டுமே வழங்கப்படுகிறது. ஆனால், விரைவில் துவங்க உள்ள இரண்டாம் மண்டல பாசனத்துக்கு பிரதான, கிளை, பகிர்மான கால்வாய்களை புதுப்பிக்க அரசு எவ்வித நடவடிக்கையும் எடுக்கபடாமல் உள்ளது. இந்தாண்டு மழை பெய்யாததால் உடுமலைப்பேட்டை, மடத்துக்குளம், தாராபுரம் பாசன பகுதிகளில் வறட்சி நிலவுகிறது. எனவே. திருமூர்த்தி அணையிலிருந்து திறக்கப்படும் தண்ணீரே பாசன ஆதாரமாக உள்ளது. அதற்கான கால்வாய்களில் அடிப்படை பராமரிப்பு பணிகள் கூட மேற்கொள்ளப்படாமல் உள்ளது விவசாயி களிடையே வேதனையை ஏற்படுத்தியுள்ளது.
விரைவில் பாசன காலம் துவங்க உள்ள நிலையில் அவல நிலையிலுள்ள கால்வாய்களில்அடிப்படை பராமரிப்பு பணிகளை மட்டுமாவது மேற்கொள்ள வேண்டும். இல்லாவிட்டால் கோவை, திருப்பூர் மாவட்டங்களில் பல லட்சம் ஏக்கர் நிலங்கள் பாசன நீரின்றி தரிசாகும் நிலை ஏற்படும் என விவசாயிகள் கண்ணீர் மல்க தெரிவித்தனர்.