சென்னை, ஆக.29–

ஆதி­தி­ரா­விடர் பழங்­குடி இன மக்­க­ளுக்கு தி.மு.க. ஆட்சி காலத்­தில் தான் பல்­வேறு சலு­கை­கள் வழங்­கப்­பட்­டது என்று– பேர­வை­யில் சமூக நீதித்­துறை மானிய கோரிக்கை விவா­தத்­தில் எதிர்க்­கட்சி துணைத் தலை­வர் கே.என்.நேரு குறிப்­பிட்­டார்.

சட்­ட­மன்­றத்­தில் நேற்று சமூக நீதித்­துறை மானிய கோரிக்கை மீது விவா­தம் நடை­பெற்­றது , இதில் சார்­பில் கே.என்.நேரு அவர்­கள் பங்­கேற்று பேசி­ய­தா­வது:–

இங்கு பேசிய அமைச்­சர் நீண்ட நெடிய சொற்­பொ­ழி­வு­வை­யாற்றி அமர்ந்­துள்­ளார் .

சமூக நீதித்­து­றை­யில் ஒரு குறிப்­பிட்ட பணம் செலவு செய்ய வில்லை என்று சிஏஜி அறிக்­கையை குறிப்­பிட்டு காட்­டு­கி­றார், எந்த ஒரு அர­சாக இருந்­தா­லும் , எந்த ஒரு துறை­யாக இருந்­தா­லும், ஒரு குறிப்­பிட்ட அளவு நிதி ஒதுக்­கும்­போது, அதற்கு நிர்­வாக ரீதி­யாக சில சங்­க ­டங்­கள் இருக்­கும், ஒரு சில நேரங்­க­ளில் நீதி­மன்­றத்­தில் தடை­யாணை பெறு­வார்­கள், அது­போன்ற நேரங்­க­ளில் அந்­தத் துறைக்கு ஒதுக்­கப்­பட்ட நிதி செலவு செய்­யா­மல் நின்று விடும், அடுத்த ஆண்டு அது தொட­ரும், இது நடை­முறை,

எனவே சிஏஜி அறிக்­கையை ஒரு எச்­ச­ரிக்­கை­யாக எடுத்­துக் கொள்­ள­லாமே தவிர, பணி­களை கைவிட்டு விட்­டோம் என்று அர்த்­தம் கிடை­யாது, ஆதி­தி­ரா­விட மக்­க­ளுக்கு செய்­யக்­கூ­டிய பணி­களை செய்­யா­மல் விட்டு விட்­டோம் என்று அர்த்­தம் அல்ல, ,

எங்­க­ளுக்­கெல்­லாம் ஒரு பெருமை என்­ன­வென்­றால் முன்­னாள் முத­ல­மைச்­சர் டாக்­டர் கலை­ஞர் அவர்­கள் காலந்­தொட்டு கடந்த திரா­விட மாடல் ஆட்­சி­யின் இறுதி வரை பிற்­ப­டுத்­தப்­பட்­டோர் மிக­வும் பிற்­ப­டுத்­தப்­பட்­டோர் ஆதி­தி­ரா­வி­டர் மற்­றும் பழங்­கு­டி­யி­னர் மக்­க­ளின் முன்­னேற்­றத்­திற்கு எண்­ணற்ற நன்­மை­களை செய்­துள்­ளோம், குறிப்­பாக சொல்ல வேண்­டு­மென்­றால், ஆதி­தி­ரா­வி­டர் மற்­றும் பிற்­பட்­டோர் நலத்­து­றையை உரு­வாக்­கி­யதே திமுக தான், அது­மட்­டு­மல்ல கடந்த ஆட்சி காலத்­தில் ஆதி­தி­ரா­வி­டர் மற்­றும் பழங்­குடி இனத்­தைச் சேர்ந்த ஐந்து நபர்­களை அமைச்­சர்­க­க­ளாக நிய­மிக்­கப்­பட்­டார்­கள், குறிப்­பாக உயர் கல்­வித் துறைக்கு ஆதி­தி­ரா­வி­டர் ஒரு­வரை அமைச்­ச­ராக நிய­மித்­தது திமுக தான்.

நீங்­கள் ஆட்­சிக்கு வந்து மூன்று மாதங்­கள் தான் ஆகி­றது, இந்த ஆட்சி ஓராண்டு நீடித்­தால் ( ஒரே கூச்­சல் குழப்­பம்) , அதா­வது ஒவ்­வொரு ஆண்டு இறு­தி­யி ­லும் ஒன்­றிய அர­சாங்­கம் சிஏஜி அறிக்கை சமர்ப்­பிப்­பார்­கள், அப்­பொ­ழுது தெரி­யும் எவ்­வ­ளவு நிதி ஒதுக்­கப்­பட்­டது, எவ்­வ­ளவு செலவு எவ்­வ­ளவு செலவு செய்­ய­வில்லை என்று தெளி­வாக தெரிந்து விடும்.

இந்த அவை­யில் ஆரோக்­கி­ய­மான விவா­தத்தை விட்டு விட்டு, உங்­கள் ஆட்­சி­யில் இது செய்­ய­வில்லை, சிஏ­ஜி–­யில் குறை உள்­ளது என்று திசை திருப்­பு­கி­றீர்­கள், இது தவ­றான பாதைக்கு வழி வகுக்­கி­றது என்­பதை இந்த அவை­யில் பதிவு செய்ய விரும்­பு­ கி­றேன்.

இவ்­வாறு அவர் பேசி­னார்.