புதுடெல்லி, ஆக. 29–
நேபாளத்தில் ஏற்பட்ட திடீர் வெள்ளத்திற்கு காரணமான பனிப்பாறை வெடிப்பை உறுதி செய்யும் செயற்கைக்கோள் படங்களை இஸ்ரோவெளியிட்டுள்ளது.
நேபாளத்தில் ஏற்பட்ட திடீர் வெள்ளத்திற்கு நிலநடுக்கம் தான் காரணம் என்று சந்தேகிக்கப்பட்டது. ஆனால், இமயமலையின் பனிப்பாறை உடைந்த அதிர்வுகள் தான் நிலநடுக்க அலைகளாக பதிவாகியிருந்ததாக பின்னர் தெரிவிக்கப்பட்டது. இந்நிலையில், நேபாளத்தில் நேற்று ஏற்பட்ட மிகக் கொடூரமான திடீர் வெள்ளத்திற்கு காரணமாக பனிப்பாறை சரிவு மற்றும் பனிப்பாறை உடைப்புகளை உறுதி செய்யும் செயற்கைக்கொள் படங்களை இஸ்ரோ வெளியிட்டுள்ளது. இது குறித்த இஸ்ரோவின் ஆய்வு முடிவுகளின்படி, நேபாள-திபெத் எல்லைப் பகுதியில் இருந்த ஒரு குறிப்பிட்ட பனிப்பாறையின் மூன்றில் இரண்டு பங்கு திடீரென தனியாகப் பிரிந்து சரிந்து விழுந்துள்ளது. இந்த பிரம்மாண்ட பனிப்பாறை சரிவு, டன் கணக்கிலான பனி மற்றும் பாறை இடிபாடுகளை பயங்கர வேகத்தில் மலையில் மேல் பகுதியில் இருந்து கீழ்நோக்கி தள்ளியது.
சரிந்து விழுந்த பனி மற்றும் இடிபாடுகள் அங்கிருந்த சிறிய ஆற்றை தற்காலிகமாகத் தடுத்து நிறுத்தி, ஒரு அணையைப் போல மாற்றியது. பனிப்பாறையின் அதிவேக உருக்கம் காரணமாக, அந்தத் தற்காலிக அணை உடைந்து, திடீரெனக் கட்டுக்கடங்காத வெள்ளப் பெருக்காகக் கீழ்நோக்கிப் பாய்ந்தது. இதனால் நேபாளத்தின் ரசுவா, ரசுவாகாதி, திமுரே ஆகிய பகுதிகள் மற்றும் ஆறுகள் கடுமையாகப் பாதிக்கப்பட்டு வீடுகள், பாலங்கள் வெள்ளத்தில் அடித்துச் செல்லப்பட்டதாகவும் இஸ்ரோ விளக்கம் அளித்துள்ளது. இந்த புகைப்படங்கள் ரிசோர்ஸ்சாட்-2ஏ மற்றும் லேண்ட்சாட்-9 ஆகிய செயற்கைக்கோள்கள் மூலம் எடுக்கப்பட்டதாகவும் இஸ்ரோ தெரிவித்துள்ளது.
தேனி மாவட்டம் ஆண்டிபட்டி நகர அவை தலைவர் சேட். பா. பரமேஸ்வரன் இல்ல விழாவில் முன்னாள் முதல்வர் ஓ.பன்னீர்செல்வம்
எம்.எல்.ஏ., வடக்கு மாவட்ட செயலாளர் தங்க தமிழ்ச்செல்வன் எம்பி., மாநில உயர்நிலை திட்டசெயல் குழு உறுப்பினர் எல்.மூக்கையா, தேர்தல் பணி குழு இணை செயலாளர் கம்பம் செல்வேந்திரன் ஆகியோர் மணமக்களை வாழ்த்தினர். இந்த நிகழ்ச்சியில் பெரியகுளம் ஒன்றிய செயலாளர் எல்.எம்.பாண்டி, தாமரைக்குளம் முன்னாள் பேரூராட்சி தலைவர் அன்பழகன், பழனி இளையராஜா, எல்.ஐ.சி. செல்வம் மற்றும் கழக மூத்த முன்னோடிகள் கலந்து கொண்டனர்.