சென்னை, ஆக. 29–
The New Indian Exயpress நாளிதழ் வெளியிட்ட தவறான செய்தியைக் சுட்டிக்காட்டி கழக சட்டத்துறை இணைச்செயலாள ரும், முன்னாள் சட்டமன்ற உறுப்பினருமான வழக்கறிஞர் இ. பரந்தாமன் அவர்களது அறிக்கை வருமாறு:
நேற்று முன்தினம் (27.08.2026) The New Indian Express நாளிதழில் ஒன்றிய அரசு நிறைவேற்றியுள்ள சுரங்கங்கள் மற்றும் கனிமங்கள் (மேம்பாடு மற்றும் ஒழுங்கு முறை) திருத்தச் சட்டம்–2026 தொடர் பாக, முதல்வர் விஜய் ஒன்றிய அரசிற்கு எதிர்ப்பு தெரிவித்து கடிதம் எழுதியுள்ளதாக கிடைத்த ‘தகவல்’ அடிப்படையில் ஒரு செய்தியை வெளியிட்டுள்ளனர். அரசின் அதிகாரப் பூர்வக் கடிதம் இதுவரை வெளியாகாத நிலையில் ‘Source’ கள் சொன்ன தகவலை வைத்து செய்தி வெளியிட்டுள்ளனர். ஆனால் அதில் கூடுதலாக இந்த சட்ட திருத்தத்தை தி.மு.க. எதிர்க்க வில்லை என்ற பொய்யான ஒரு தகவல் பதிவு செய்யப்பட்டுள்ளது.
ஆனால் தி.மு.க. சார்பில் 12/08/2026 அன்று மேனாள் அமைச்சர் தங்கம் தென்னரசு ஒன்றிய பாஜக அரசின் இந்த சட்ட திருத்தம் ‘நிதிக் கூட்டாட்சியின் மீதான நேரடி தாக்குதல்’ இது என்று கண்டித்தார். 13/08/2026 அன்று தி.மு.க. நாடாளுமன்றக் குழுத் தலைவர் கனிமொழி கருணாநிதி அவர்கள் ‘இது மாநில உரிமைகள் மீதான நேரடித் தாக்குதல் & மாநிலங்களின் நிதி சுயாட்சியை பறிக்கும் மசோதா’ என்று வெளிப்படையாக கண்டித்தார். மாநிலங்களவை தி.மு.க. குழுத் தலைவர் திருச்சி சிவா அவர்களும் , மாநிலங்களவை உறுப்பினர் எஸ். ஆர். சிவலிங்கம் அவர்களும் இந்த மசோதாவை எதிர்த்து நாடாளுமன்றத்தில் பேசியுள்ளனர்.
14/08/2026 அன்று தி.மு.க. நாடாளுமன்றக் குழுத் தலைவர் கனிமொழி கருணாநிதி அவர்கள் ‘இந்த சட்டம் தொடர்பாக முதலமைச்சர் விஜய் ஏன் எதுவும் பேசாமல் அமைதி காக்கிறார்’ என்று கேள்வி எழுப்பிய பிறகு தான் தவெக சார்பில் முதல்வர் விஜய் ஒரு கடிதம் எழுதி உள்ளார் என தகவல் சொல்லப்பட்டது. அப்போதும் அதுபற்றிய அரசு கடிதத்தை வெளியிடவில்லை. தி.மு.க. கேள்வி எழுப்பும் வரை சுரங்கங்கள் மற்றும் கனிமங்கள் (மேம்பாடு மற்றும் ஒழுங்குமுறை) திருத்தச் சட்டம், 2026 பற்றி வாய்திறக்க கூட திராணியற்று இருந்தது தவெக அரசு.
உண்மைகள் இவ்வாறாக இருக்க வெறும் தகவல் அடிப்படையில் முதல்வர் விஜய் எதிர்த்ததாக ஒரு செய்தியை வெளியிடுவதில் அக்கறை காட்டி இருக்கும்The New Indian Expressபத்திரிகை, நாடாளுமன்றத்திலும் சரி, ஊடகம், பத்திரிகைகளின் வாயிலாகவும் சரி வெளிப்படையாக ஒன்றிய அரசின் இந்த சட்டத்தை தி.மு.க. எதிர்த்த போதும், எதிர்க்கவில்லை என்ற வகையில் தவறான செய்திவெளிட வேண்டிய தேவைஎன்ன.? அழுத்தம் என்ன.?
இந்த செய்தியானது The New Indian Express நாளிதழ் மீதான நம்பிக்கையை மக்கள் மத்தியில் கேள்விக்குறியாக்குகிறது. ஆகவே சுரங்கங்கள் மற்றும் கனிமங்கள் (மேம்பாடு மற்றும் ஒழுங்குமுறை) திருத்தச் சட்டம், 2026 சார்ந்து தற்போது வெளியிடப்பட்டுள்ள இந்த தவறான செய்திக்கு மறுப்பு தெரிவிப்பதோடு, தி.மு.க. வின் உண்மையான நிலைப் பாட்டை பதிவு செய்வது தான் ஊடக அறமாக இருக்கும்.
இவ்வாறு இ.பரந்தாமன்தனது அறிக்கையில் கண்டனம் தெரிவித்துள்ளார்.