சென்னை, ிஆக. 29 –
சட்டமன்றத்தில் பகுஜன் சமாஜ் கட்சி தமிழ்நாடு தலைவர் ஆம்ஸ்ட்ராங் படுகொலை செய்யப் பட்டது தொடர்பாக பொதுப்பணித் துறை அமைச்சர் ஆதவ் அர்ஜுனா கூறிய கருத்துக்கு எதிர்ப்பு தெரிவித்து திமுக சட்டமன்ற உறுப்பினர் பி.கே. சேகர்பாபு அவர்கள் பேசியதாவது:
பகுஜன் சமாஜ் கட்சியின் தலைவர் ஆம்ஸ்ட்ராங் அவர்கள் கடந்த 2024 ஆம் ஆண்டு ஜூலை மாதம் ஆறாம் தேதி இரவு படுகொலை செய்யப்பட்டார், இதையடுத்து அப்போதைய காவல்துறை விரைந்து செயல்பட்டு கொலையில் சம்பந்தப்பட்டவர்களை இரவோடு இரவாக கைது செய்யப்பட்டனர்,
அதன் பிறகு அப்போதைய முதல்வர் மு.க. ஸ்டாலின் அவர்கள் ஆம்ஸ்ட்ராங் அவர்களின் வீட்டிற்கு நேரடியாக சென்று அவரது மனைவிக்கு ஆறுதல் கூறி இந்த குற்றத்திற்கு தவறுக்கு யார் காரணமாக இருந்தாலும் உரிய நடவடிக்கை எடுப்பேன் என்று உறுதி அளித்தார், இந்த நிகழ்வின்போது நானும் உடன் இருந்தேன்,
அதுமட்டுமல்ல ஆம்ஸ்ட்ராங் அவர்களுடைய பிரேதம் வைப்பதற்காக பள்ளி மைதானத்தை கேட்டார்கள் வழங்கினோம், மேலும் 16ஆம் நாள் காரியத்திற்கு பள்ளி மைதானத்தை கேட்டார்கள் அதையும் வழங்கினோம், அவர் பிரேதத்தை அடக்கம் செய்து மணிமண்டபம் கட்டுவதற்கு அவரது சொந்த இடம் உள்ள மாதவரம் பகுதியில் அனுமதி கேட்டார்கள், அந்த அனுமதியும் வழங்கியது தான் அப்பொழுது இருந்த திமுக அரசு, இதையெல்லாம் ஏன் இங்கே சொல்கிறேன் என்றால் ஒரு கட்சியினுடைய தலைவரின் படுகொலையை ஒருகுற்ற உணர்வோடு திசை திருப்பக் கூடாது, அந்த வழக்கு தற்பொழுது சிபிஐ வசம் உள்ளது , சிபிஐ என்ன சொன்னாலும் ஒத்துழைக்கத் தயாராக உள்ளோம், இவ்வழக்கில் சிபிஐயோடு என்றைக்கும் நாங்கள் நிச்சயம்நிற்போம்.
எங்களைப் பொறுத்தவரைஅரசியல் மாறுபாடுகள் என்பது கருத்துக்களோடு தான் மோது வோமே தவிர வன்முறைக்கு செல்லும் இயக்கம் நாங்கள் அல்ல என்பதை மாண்புமிகு பேரவை தலைவர் வாயிலாக பொதுப்பணித் துறை அமைச்சருக்கு தெரிவித்துக் கொள்கிறேன்.
பொதுப்பணித்துறை அமைச்சர் பொறுப்புள்ளவர், இப்படி வழக்கு ஒன்றோடு அரசியலை சம்பந்தப்படுத்தி பேசுவது அவருக்கு நாகரிகமாக இருக்காது என்பதைஅன்போடு தெரிவித்துக் கொள்கிறேன்.