சென்னை, ஆக. 30–
சட்டப்பேரவையில் எதிர்க்கட்சித் துணைத் தலைவர் கே.என்.நேரு பேசியதாவது:–
புதுக்கோட்டை மாவட்டம் -வேங்கைவயல் விவகாரத் தைப் பொறுத்தவரைக்கும் அப்படிப்பட்ட நிகழ்வு எங்குமே நடக்கக் கூடாது. இதில் யாருக்கும் மாற்றுக்கருத்து இல்லை.
2022 டிசம்பர் 24-ஆம் தேதி வேங்கைவயல் சம்பவம் நடந்தது. அந்தச் சம்பவம் நடந்த இரண்டு நாட்கள் கழித்து, டிசம்பர் 26-ஆம் தேதி புகார் தரப்பட்டது.
புகார் அளிக்கப்பட்ட அன்றைக்கே இந்த விஷயம் தொடர்பாக வெள்ளானூர் காவல் நிலையத்தில் வழக்கு பதிவு செய்யப்பட்டது. 2023-ஆம் ஆண்டு ஜனவரி மாதம் 14-ஆம் தேதி இந்த வழக்கு சி.பி.சி.ஐ.டி-க்கு மாற்றப்பட்டது.
இந்த வழக்கை சிபிஐ விசாரிக்க வேண்டும் என்று ஒரு சிலர் வழக்கு போட்டார்கள். அதை விசாரித்த சென்னை உயர் நீதிமன்றம், 29-.3.-2023 அன்றைக்கு ஓய்வுபெற்ற நீதியரசர் சத்தியநாராயணன் தலைமையில் ஒரு நபர் கமிஷன் அமைத்தார்கள்.
இந்த வழக்கிலே அன்றைக்கு சிபிசிஐடி நூற்றுக்கும் மேற்பட்ட சாட்சிகளிடம் விசாரணை நடத்தினார்கள். பல பேருடைய அலைபேசி எண்கள், தொலைத்தொடர்பு தகவல்கள் ஆய்வு செய்தார்கள். சிலரிடம் உயிரியல் மாதிரி எடுத்து, டிஎன்ஏபகுப்பாய்வு செய்யப்பட் டது.
அதன் அடிப்படையில், மூன்று பேர் குற்றவாளிகள் என்று உறுதி செய்யப்பட்டு, ஜனவரி 2025 -இல் நீதிமன்றத்திலே குற்றப்பத்தி ரிகை தாக்கல் செய்யப்பட்டுவிட்டது.
மிகவும் உணர்வுபூர்வமானஇந்த வழக்கை, எங்கள் தலைவர் தலைமையிலான அரசு மிகவும் கவனமாககையாண்டார்கள்.
ஆனால்சட்டத்துறை அமைச்சரான நம்முடைய சி.டி. நிர்மல்குமார் அவர்கள், அன்றைக்குஇந்த மாதிரிசம்பவம் நடக்கக் கூடாது என்றுதான்பதிவு போட்டார்.பிறகு, அந்த பதிவையே நீக்கி
விட்டார். அவ்வாறுபதிவை நீக்கினாலும், நல்ல வேளை அதனுடையது இருக்கிறது.
இன்றைக்கு சட்டத்துறை அமைச்சராக இருக்கின்ற சி.டி. நிர்மல்குமார், அன்றைக்கு என்ன செய்தார் தெரியுமா? இந்தச் சம்பவத்திலே கலவரத்தை ஏற்படுத்த வேண்டும் என்று, பாதிக்கப்பட்ட, ஒடுக்கப்பட்ட மக்கள் அனைவரையுமே குற்ற வாளிகள் என்று சொல்லி, சமூக வலைதளத்திலே பதிவு போட்டார். அதன் பிறகு, பல காரணத்தால், அவர் போட்ட பழைய பதிவையெல்லாம் தேடித் தேடி நீக்கிவிட்டார். ஆனாலும் அவர் போட்ட ட்வீட்டுக்கான ஆதாரங்கள் ஸ்கிரீன் ஷாட்-ஆகஇருக்கிறது.
(குறுக்கீடு)
அவர் போட்ட ட்வீட்டுக் கான ஆதாரங்கள் ஸ்கிரீன் ஷாட்-ஆகஇருக்கிறது.சரி, நாங்கள்தான் அங்கெல்லாம் போகவில்லை, வர வில்லை என்று சொல்கிறீர்கள்.
நான் மீண்டும் குற்றம் சொன்னதாக நீங்கள் நினைக்கக் கூடாது. சரி, இப்போது வேங்கைவயலுக்கு எங்கள் தலைவர் போகவில்லை என்று சொல்கிறீர்களே... நாங்கள்உறுதியாகச் செயல்பட்டு குற்றவாளிகளைக் கண்டுபிடித்தோம். குற்றவாளிகள் முரளிராஜா, சுதர்சன், முத்துக் கிருஷ்ணன் ஆகியோருக்குத் தண்டனை கொடுக்கப்பட்டிருக்கிறது.
முதலமைச்சர் போகவில்லை என்றுநீங்கள சொல்கிறீர்களே... இன்றைக்கு திண்டுக்கல் மாவட்டத்தில் வடமதுரை அடுத்த தங்கம்மாபட்டியில், அரசு உயர்நிலைப் பள்ளி குடிநீர் தொட்டியில் ஆகஸ்ட் 2-ஆம் தேதி மனிதக் கழிவு கலந்திருக்கிறார்கள்.
அதற்கு இந்த முதலமைச்சர் போனாரா? முதலில் அப்படி ஒரு சம்பவம் நடந்ததுஎன்று அவருக்குத் தெரியுமா? இந்த சம்பவத்திலே யார் மேலாவது நடவடிக்கை எடுத்திருக்கிறீர்களா? தமிழ்நாட்டில் இன்றைக்கு எத்த னையோ குற்றச் சம்பவங்கள் நடக்கிறதே, அதில் ஏதாவது ஒன்றிற்காவது முதலமைச்சர் போனாரா? அதற்கு ஏதாவது விளக்கம் சொல்வார்களா என்று கேட்கின்றேன்.
இவ்வாறு கே.என். நேரு பேசினார்.