சென்னை, ஆக. 30–
எங்கள் தலைவர் அவர்களுக்கும், அண்ணன் தொல். திருமா வளவன் அவர்களுக்கும் இடையே இருப்பது தேர்தல் கூட்டணி மட்டும் இல்லை, அது ஒரு கொள்கைக் கூட்டணி என்று சட்டப் பேரவையில் எதிர்க்கட்சித் தலைவர் உதயநிதி ஸ்டாலின் அவர்கள் குறிப்பிட்டார்.
சட்டப் பேரவையில் சமூக நலத் துறை மானியம் மீதான பதிலுரையில், அமைச்சர் வன்னியரசு நன்றி தெரிவித்து பேசும்போது, சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள், குறுக்கிக்கிட்டு பேசியதாவது:–
மாண்புமிகு பேரவைத் தலைவர் அவர்களே, மாண்புமிகு அமைச்சர் அவர்கள் எல்லோருக்கும் நன்றிசொன்னார்கள். எனக்கும் நன்றி சொன்னார்கள். குறிப் பிட்டு நான் பேசியதையெல்லாம் பேசினார்கள்.
“என்னுடைய வெற்றியை விடதிரு.வன்னியரசு அவர்களின் வெற்றி எனக்கு மிக முக்கியம்” என்று நான் பேசியதைக் குறிப்பிட்டு எனக்கு நன்றி சொன்னார்கள். அதற்கு எனது நன்றியைத் தெரிவித்துக் கொள்கிறேன்.
மேலும் அவர் சொல்லியிருக்கிறார். அண்ணன் தொல்.திருமா வளவன் அவர்களுக்கு நாங்கள் நன்றி சொல்லவில்லை என்று.
ஆனால் அவரிடத்தில் நான் சொல்லிக் கொள்வது, எங்களுடைய தலைவர் அவர்களுக்கும்,எழுச்சித் தமிழர் அண்ணன் தொல்.திருமாவளவன் அவர்களுக்கும் இருவர்களுக்குமிடையே இருப்பது தேர்தல் கூட்டணி கிடையாது, தேர்தலுக்கு முன்பு ஒரு கூட்டணியாகவும் தேர்தல்முடிவுகள் வந்ததற்குப் பின்பு ஒரு கூட்டணியாகவும் மாறுகின்ற கூட்டணி கிடையாது. அது ஒரு கொள்கைக் கூட்டணி.
மேலும் நான் பலமுறை பெருமையாகச் சொல்லி இருக்கின்றேன். என்னுடைய அரசியல் ஆசான்என்றால் அது அண்ணன் தொல். திருமாவளவன் அவர்களை ஏற்றுக் கொள்கின்றேன் என்று பலமுறை சொல்லியிருக்கின்றேன்.
எனவே அண்ணன் தொல்.
திருமாவளவன் அவர்களுக்கு என்றைக்குமே எங்களின் நன்றியைத் தெரிவித்துக் கொள்கிறேன்.
இவ்வாறு எதிர்க்கட்சித் தலைவர் உதயநிதி ஸ்டாலின் அவர்கள் குறிப்பிட்டார்.