சென்னை, ஆக.30
குறிப்பேடு – கொண்டையாங்குப்பம் கிராமம் இரண்டையும் பிரித்து வருவாய் கிராமமாக உருவாக்க வேண்டும் என்று பேரவையில் வந்தவாசி எஸ்.அம்பேத்குமார் வலியுறுத்தினார்.
இது குறித்து பேரவையில் எஸ்.அம்பேத்குமார் பேசியதாவது:
வந்தவாசி வட்டத்திற்குட்பட்ட நல்லூர் கிராமம் என்பது மிகப்பெரிய வருவாய் கிராமம். அதையொட்டியுள்ள கொண்டையாங்குப்பம் கிராமம் என்பது தனி பஞ்சாயத்து.
நல்லூர் கிராமம் தனி பஞ்சாயத்து. கொண்டையாங்குப்பம் கிராமம் தனி பஞ்சாயத்து. ஆனால், வருவாய் கிராமம் என்று பார்த்தால், கொண்டையாங்குப்பம், நல்லூர் வருவாய் கிராமத்திற்குட்பட்டது. தனி வருவாய் கிராமமாக மாற்றித்தர வேண்டும் என்பது அந்த மக்களின் நீண்டநாள் கோரிக்கை.
அதேபோல, வெளியம்பாக்கம் என்பதும் மிகப்பெரிய கிராமம். அதையொட்டியுள்ள குறிப்பேடு கிராமம் தனி பஞ்சாயத்து. அதுவும் வெளியம்பாக்கம் வருவாய் கிராமத்திற்குட் பட்டுள்ளது. அரசு நிகழ்ச்சி களில் கலந்து கொள்வதற்கும், அரசு திட்டங்களைப் பெறுவதற்கும் மக்கள் நெடுதூரம் சென்று பெற வேண்டியுள்ளதால் மிகவும் சிரமப்படுகிறார்கள். ஆகவே, இந்த குறிப்பேடு கிராமத்தையும், கொண்டையாங்குப்பம் கிராமத்தையும் இரண்டாகப் பிரித்து வருவாய் கிராமமாக உருவாக்க அரசு முன்வருமா என்பதைத் தங்கள் வாயிலாக அறிய விரும்புகிறேன்.
இவ்வாறு விவாதம் நடைபெற்றது.