#Title CMDA நிதி­யில் கழக அரசு மேற்­கொண்ட திட்­டங்­கள் அனைத்தும் மக்­க­ளுக்­குப் பயன்­ப­டும் திட்­டங்­களே! வீட்­டு­வ­ச­தித் துறை மானி­யக் கோரிக்­கை­யில் – முன்­னாள் அமைச்­சர் பி.கே.சேகர்­பாபு பேச்சு!

சென்னை, ஆக.30–

வீட்­டு­வ­ச­தித் துறை மானி­யக் கோரிக்கை மீதான விவா­தத்­தில் முன்­னாள் அமைச்­சர் பி.கே.சேகர்­பாபு பேசி­ய­தா­வது:

திட்ட அனு­ம­திக்­குத் தேவை­யான 17 துறை­களை ஒருங்­கி­ணைத்து, 2022ஆம் ஆண்டு ஒற்­றைச் சாளர முறை கணி­னி­ம­ய­மாக்­கப்­பட்டு, அன்­றி­லி­ருந்து மனுக்­கள் பெறப்­பட்டு வரு­கின்­றன.

துறை­யில் இருந்த ரூ.2,000 கோடிக்கு மேலான வைப்பு நிதி­யி­லி­ருந்து செலவு செய்­யப்­பட்­ட­தாக கூறப்­பட்­டது. மக்­க­ளி­ட­மி­ருந்து FSI, கூடு­தல் FSI போன்ற கட்­ட­ணங்­கள் மூலம் வசூ­லிக்­கப்­ப­டும் பணம் மீண்­டும் மக்­க­ளுக்­கான திட்­டங்­க­ளா­கச் சென்­ற­டைய வேண்­டும் என்ற நோக்­கில்­தான் 135 பணி­களை எடுத்­தோம்.

பூங்­காக்­கள், விளை­யாட்­டுத் திடல்­கள், மருத்­து­வ­ம­னை­கள், படிப்­ப­கங்­கள் போன்ற மக்­க­ளின் அத்­தி­யா­வ­சி­யத் தேவை­க­ளுக்­கான திட்­டங்­கள் இதில் அடங்­கும். எம்.எஸ்.சுவா­மி­நா­தன் பெய­ரில் வர­லாற்­றுச் சிறப்­பு­மிக்க போரூ­ரில் அமைக்­கப்­பட்­டுள்ள ஈர­நி­லைப் பூங்கா, கடந்த ஆட்­சி­யில் மேற்­கொள்­ளப்­பட்ட திட்­டங்­க­ளுக்கு ஓர் எடுத்­துக்­காட்­டா­கும்.

இந்த 135 திட்­டங்­க­ளு க்­கும் சேர்த்து சென்னை பெரு­ந­கர் வளர்ச்­சிக் குழு­மம் எடுத்­துக்­கொண்ட தொகை ரூ.1,228 கோடி. அதில் கிட்­டத்­தட்ட ரூ.900 கோடி அள­வி­லான 35 பணி­கள் நிறை­வேற்­றப்­பட்டு மக்­கள் பயன்­பாட்­டிற்கு ஒப்­ப­டைக்­கப்­பட்­டுள்­ளன. மேலும், பிற துறை­களை ஒருங்­கி­ணைத்து ரூ.1,200 கோடிக்கு அர­சி­ட­மி­ருந்து அர­சாணை பெறப்­பட்­டுள்­ளது.

வட­சென்னை வளர்ச்­சித் திட்­டம் என்ற பெய­ரில் ரூ.7,000 கோடி ஒதுக்­கீடு செய்­யப்­பட்­டது. அந்­தத் தொகை முழு­வ­தும் சென்னை பெரு­ந­கர் வளர்ச்­சிக் குழு­மத்­தின் பணம் அல்ல; அரசு சார்ந்த பல்­வேறு துறை­க­ளின் பண­மும் அதில் அடங்­கி­யுள்­ளது என்­பதை அமைச்­ச­ரின் கவ­னத்­திற்­குக் கொண்டு வரு­கி­றேன். மேலும், சென்னை பெரு­ந­கர் வளர்ச்­சிக் குழு­மம் சார்­பில் பெறப்­ப­டும் FSI பணத்­தி­லி­ருந்து 2024–25ஆம் ஆண்­டில் ரூ.500 கோடி அர­சுக்கு வழங்­கி­யுள்­ளோம். இந்த வகை­யில் 2027–28வரை கணக்­கிட்­டால் ரூ.1,800 கோடி அர­சுக்­குச் சென்­ற­டை­கி­றது.

அவ்­வாறு வழங்­கப்­ப­டும் பணத்­தைத் திரும்­பப் பெறு­வ­தற்­கும் அர­சி­டம் ஒப்­பு­தல் பெற்­றுள்­ளோம். கடை­சி­யாக பிப்­ர­வரி மாதத்­தில்­கூட ரூ.250 கோடி திரும்­பப் பெற்­றி­ருக்­கி­றோம்.

“தொலை­நோக்­குப் பார்­வை­யு­டன்­தான் இந்­தத் திட்­டங்­களை எடுத்­தோம். இவை அனைத்­தும் மக்­க­ளுக்­குப் பயன்­ப­டு­கின்ற திட்­டங்­கள். வீணா­கக் கட­லில் கரைக்­கப்­ப­டு­கின்ற திட்­டங்­கள் அல்ல” என்­பதைபேர­வைத் தலை­வர் வாயி­லாக அமைச்­சர் அவர்­க­ளுக்­குத் தெரி­வித்­துக் கொள்­கி­றேன்.

இவ்­வாறு முன்­னாள் அமைச்­சர் பி.கே.சேகர்­பாபு பேசி­னார்.