சென்னை, ஆக. 30–

நேபா­ளம் மற்­றும் திபெத்­தின் எல்லை பகு­தி­யில் கடந்த 26ம் தேதி ஏற்­பட்ட நிலச்­ச­ரிவு மற்­றும் பனிப்­பா­றை­க­ளின் சரி­வி­னால் திரி­சூலி, போதே­கோஷி ஆறு­க­ளில் கடும் வெள்­ளப்­பெ­ருக்கு ஏற்­பட்­டது. இதில் தமி­ழ­கத்­தைச் சேர்ந்­த­வர்­க­ளும் காட்­டாறு வெள்­ளத்­தில் சிக்கி மாய­மா­கி­னர். அவர்­களை மீட்க ஒன்­றிய மற்­றும் தமி­ழக அரசு தீவிர நட­வ­டிக்கை மேற்­கொண்­டது.

இந்­நி­லை­யில், தமிழ்­நாட்­டின் பல்­வேறு மாவட்­டங்­க­ளில் இருந்து கயி­லாய மலைக்கு ஆன்­மிக யாத்­திரை சென்ற பலர், காட்­டாறு வெள்­ளத்­தில் சிக்கி, நேபாள நாட்­டின் பல்­வேறு இடங்­க­ளில் தஞ்­ச­ம­டைந்­த­னர். அவர்­க­ளில் முதல்­கட்­ட­மாக சென்­னையை சேர்ந்த 3 பெண்­கள் உள்­பட 5 பேர், கட­லூரை சேர்ந்த 5 பெண்­கள் உள்­பட 9 பேர், மயி­லா­டு­து­றையை சேர்ந்த 2 பெண்­கள் உள்­பட 3 பேர், திருச்­சியை சேர்ந்த 3 பெண்­கள், கிருஷ்­ண­கி­ரியை சேர்ந்த ஒரு­வர் என மொத்­தம் 21 பேர் மீட்­கப்­பட்­ட­னர். அனை­வ­ரும் காத்­மாண்டு நக­ரி­லி­ருந்து விமா­னம் மூல­மாக நேற்று டெல்­லிக்கு அழைத்து வரப்­பட்­ட­னர். பின்­னர், அங்­கி­ருந்து விமா­னம் மூல­மாக சென்­னைக்கு வந்­த­னர். அரசு அதி­கா­ரி­கள் வர­வேற்­ற­னர்.

பின்­னர் அவ­ர­வர்­க­ளின் சொந்த ஊர்­க­ளுக்கு பத்­தி­ர­மாக அனுப்பி வைக்­கப்­பட்­ட­னர்.

3 மணி நேர போராட்­டம்!

முன்­ன­தாக, மீட்­கப்­ பட்ட காஞ்­சி­பு­ரத்தை சேர்ந்த ஆசி­ரி­யர் சத்யா சென்னை விமா­ன­ நி­லை­யத்­தில் கூறு­கை­யில், ‘நாங்­கள் நேபாள நாட்டு பேருந்­தில் சென்­ற­போது, திடீ­ரென மண் புழுதி கிளம்­பி­யது. பின்­னர் சுனாமி அலை போல் சுமார் 70 முதல் 80 அடி உய­ரத்­துக்கு மண்­ணும் கல்­லும் கலந்த பெரு­வெள்­ளம் சுழன்று வந்­தது. என்ன செய்­வ­தென்று தெரி­யா­மல் தவித்­தோம். எங்­களை டிரை­வ­ரும் காவல்­து­றை­யி­ன­ரும் எச்­ச­ரித்து, பேருந்­தில் இருந்து இறங்கி ஓடு­மாறு தெரி­வித்­த­னர். எனி­னும், பாதை எது­வும் தெரி­ய­வில்லை. செங்­குத்­தான மலை­யில் செடி, கொடி­களை பிடித்து மேலேறி உயிர் தப்­பி­னோம். இதில் ஓய்­வு­பெற்ற ஆசி­ரியை ஒரு­வர், மலை­யில் இருந்து அவ­ரது புட­வையை கயிறு போல் கீழே தொங்க விட்­டார். அதை பிடித்து மேலே ஏறி உயிர் தப்­பி­னோம். பின்­னர் முட்­பு­தர்­க­ளுக்கு இடையே சுமார் 3 மணி நேரம் சிர­மப்­பட்டு பாது­காப்­பான முகாமை சென்­ற­டைந்­தோம். இது­பற்றி எங்­கள் குடும்­பத்­தி­ன­ருக்கு தெரி­வித்­தோம். உரிய நட­வ­டிக்கை எடுக்­கப்­பட்­டது. ஒன்­றிய அதி­கா­ரி­க­ளின் ஒத்­து­ழைப்­பில், நாங்­கள் ஹெலி­காப்­டர் மூலம் மீட்டு வரப்­பட்­டோம். இதற்­காக அனை­வ­ருக்­கும் நன்றி தெரி­வித்து கொள்­கி­றோம்’ என்­றார்.

இதே­போல் மீட்­கப்­ பட்ட திருச்­சியை சேர்ந்த சிவ­ரஞ்­சனி உள்­பட பல­ரும் கண்­ணீர் மல்க தங்­க­ளின் அனு­ப­வங்­களை பகிர்ந்து, மத்­திய அரசு அதி­கா­ரி­க­ளுக்கு நன்றி தெரி­வித்­த­னர்.