சென்னை, ஆக. 30–
தலித்துகளுக்கு எதிரான வன்முறைகளை கட்டுப்படுத்துவதில் மற்ற மாநிலங்களை விட திமுக ஆட்சி சிறப்பாக செயல்பட்டது என்று ஆதாரத்துடன் சுட்டிக்காட்டி சட்டப்பேரவையில் கழக கொறடா எ.வ.வேலு பேசினார்.
சட்டமன்ற கூட்டத் தொடரில், நேற்று தி.மு.க. கொறடா எ.வ.வேலு பேசியதாவது:
இந்த சட்டமன்றத்தில் நேற்று பேசிய பொதுப்பணித் துறை அமைச்சர் அவர்கள், ஒரு தவறான கருத்தை இங்கே பதிவு செய்துள்ளார், அதாவது தலித்துகளுக்கு எதிரான கொடுமைகள் நடந்த மாநிலத்தில் தமிழ்நாடு தான் முதலிடம் என்று குறிப்பிட்
டுள்ளார், அவர் சொல்வது முற்றிலும் தவறானது,
அதனை இங்கு ஆதாரத்துடன் நான் சுட்டிக் காட்ட விரும்புகிறேன், மத்திய உள்துறை அமைச்சகத்தின் கீழ் செயல்படும் தேசிய குற்ற ஆவண காப்பகம் இந்தியாவிலேயே எந்தெந்த மாநிலங்களில் எவ்வளவு குற்றங்கள் நடைபெறுகிறது என்று ஆய்வு செய்து அறிக்கை வெளியிடும்,அந்த ஆய்வறிக்கையின்படி உண்மையான தரவு என்னவென்றால், தலித்துகளுக்கு எதிரான அதிக குற்றங்கள் நடைபெற்ற முதல் மாநிலமாக உத்திரபிரதேசமும், இரண்டாவதுமாநிலமாக ராஜஸ்தானும் , மூன்றாவது மத்திய பிரதேசமும் நான்காவதாக பீகாரும் ஐந்தாவதாக மகாராஷ்டிரமும் , இடம்பெற்றுள்ளன, இதில் தமிழ்நாடு பத்தாவது இடத்தை தான் பிடித்துள்ளது,
அதாவது 71 ஆயிரம் வழக்குகள் பதிவு செய்யப்பட்டு உத்தரபிரதேசம் முதலிடத்திலும், 8,110 வழக்குகள் பதிவு செய்யப்பட்டுதமிழ்நாடு 10வது இடத்தில் இருக்கிறது,
அதிலும் குறிப்பாக சொல்ல வேண்டும் என்றால் பழங்குடி இன மக்களுக்கு எதிரான குற்ற வழக்குகளில் தமிழ்நாடு 15-வது இடத்தில் தான் இருக்கிறது என்பது தேசிய குற்ற ஆவண காப்பகத்தின் தரவுகளாகும்.
ஆகவே தி.மு.க. ஆட்சியில் தலித்துகளுக்கு எதிரான குற்றங்களை கட்டுப்படுத்தி, சட்டம்ஒழுங்கை நிலைநாட்டி யுள்ளோம் என்பதை ஆதாரத்துடன்இந்தஅவையில் பதிவு செய்கிறேன், ஆனால் பொதுப்பணித்துறைஅமைச்சர் இந்த அவையில் வாய் புளித்ததோ, மாங்காய் புளித்ததோ என்ற கிராமத்து பழமொழி போல் தனதுவாய்க்கு வந்தபடி தவறான தகவலை அவைக்கு தருவது சரியல்ல.
இவ்வாறு அவர் பேசினார்.