மதுரை,ஆக.31–

சது­ரங்­க­வேட்டை திரைப்­பட பாணி­யில் மதுரை, திண்­டுக்­கல், சிவ­கங்கை உள்­ளிட்ட தென் மாவட்ட மக்­களை குறி­வைத்து மிகப்­பெ­ரிய அள­வில் மோசடி அரங்­கே­றி­யுள்­ளது. FQL ஆன்­லைன் செயலி மூலம் பல்­லா­யி­ரம் கோடி ரூபாய் முறை­கேடு நடந்­தி­ருப்­ப­தாக அதிர்ச்­சித் தக­வல் வெளி­யா­கி­யுள்­ளது.

FQL Trading Wallet என்ற ஆன்­லைன் செயலி மூலம் கிரிப்டோ கரன்சி வர்த்­த­கத்­தில் முத­லீடு செய்­தால் 45 நாட்­க­ளில் பணம் இரட்­டிப்­பா­கும், தின­சரி அதிக லாபம் கிடைக்­கும் என ஆசை வார்த்தை கூறி பொது­மக்­க­ளி­டம் கோடிக்­க­ணக்­கில் நிதி மோசடி செய்­யப்­பட்­டுள்­ளது. நிதி மோச­டி­யில் பாதிக்­கப்­பட்­ட­வர்­க­ளி­டம் இருந்து புகார் பெறு­வ­தற்­காக, மதுரை மேலூர் பகு­தி­யில் 3 இடங்­க­ளில் காவல்­துறை சார்­பாக சிறப்பு முகாம் அமைக்­கப்­பட்­டுள்­ளது. மதுரை மாவட்­டத்­தில் மட்­டும் இது­வரை 7 ஆயி­ரத்­துக்­கும் மேற்­பட்ட புகார் மனுக்­கள் பெறப்­பட்­டுள்­ளன.

இத­னி­டையே, கட்­டை­யம்­பட்டி கிரா­மத்­தில் FQL-ன் முக்­கிய ஏஜெண்­டாக செயல்­பட்ட ரஞ்­சித் என்­ப­வ­ரின் வீட்டை பாதிக்­கப்­பட்ட மக்­கள் சூறை­யா­டி­னர்.