மதுரை, ஆக. 31 –
உலகப் புகழ்பெற்ற அலங்கநல்லூர் ஜல்லிக்கட்டு சட்டப் போராட்டம் கண்டு மீட்டெடுத்து கொடுத்தவர் தலைவர் கலைஞர் த.வெ.க. சோழவந்தான் தொகுதி எம்எல்ஏ எம்.வி. கருப்பையாவின் சட்டமன்ற பேச்சுக்கு மதுரை மாவட்ட மாடுபிடி வீரர்கள் மாடுகள் வளர்ப்போர் என பலரும் கடும் எதிர்ப்பு மதுரை மாவட்டம் அலங்காநல்லூர், அவனியாபுரம், பாலமேடு போன்ற ஊர்களில் வருடந்தோறும் உலகப்புகழ் பெற்ற தமிழர்களின் பாரம்பரிய வீரத்தை எடுத்துரைக்கும் ஜல்லிக்கட்டு போட்டிகள் வெகு சிறப்பாக நடைபெறும்.
அதனை பல்லாயிரம் பேர் ஆர்வத்துடன் எதிர்பார்த்து தமிழ்நாடு மற்றும் பல மாநிலங்கள், பல வெளிநாடுகளில் இருந்து ஆவலுடன் கண்டுகளித்து மகிழ்வதும், மாடுபிடி வீரர்களும் மாடு வளர்ப்போரும் பெருமையுடன் பங்கேற்பதும் வழக்கம் திருவிழா கோலம் காணும் இந்த உலகப்புகழ்பெற்ற பெற்ற தமிழர்களின் வீர விளையாட்டை கொச்சைப்படுத்தும் வகையிலும் இளைஞர்களின் வீரச்செயலை அவமானப்படுத்தும் வகையிலும் சோழவந்தான் சட்டமன்ற உறுப்பினர் எம்.வி.கருப்பையா சட்டசபையில் கூறியிருப்பது மதுரை மாவட்ட மக்களை கோபப்படுத்தி உள்ளது, இந்த பேச்சுக்கு தவெக முதல்வர் கண்டனம் தெரிவிக்காத நிலையில் மாவட்ட மக்களை மேலும் கோபத்தின் உச்சத்திற்கு கொண்டு சென்றுள்ளது, அதன் விவரம்
தமிழ்நாடு சட்டமன்ற கூட்டத்தொடரில் பேசிய சோழவந்தான் தொகுதி தவெக சட்டமன்ற உறுப்பினர் எம்.வி.கருப்பையா தமிழர்களின் பாரம்பரியமிக்க வீர விளையாட்டான ஜல்லிக்கட்டு போட்டியால் இளைஞர் சமுதாயம் சீரழிகிறது என்று கூறினார்
இதை அவை குறிப்பி
லிருந்து நீக்க நடவடிக்கை எடுக்காமல் வேடிக்கை பார்த்து அமர்ந்திருந்த
த.வெ.க.வினரும், முதல்வரும் எதுவும் சொல்லவில்லை.
ஜல்லிக்கட்டு போட்டி பல்லாயிரம் ஆண்டுகளுக்கு முன்பே தமிழர்களின் வீரத்தையும் கலாச்சாரத்தையும் உலகிற்கு எடுத்துக்காட்டும் அற்புதமான விளையாடாக திகழ்ந்து வந்துள்ளது
ஜல்லிக்கட்டு விளையாட்டு போட்டிக்கு சோதனை வந்த காலத்தில் முதல் குரல் கொடுத்தவர் அன்றைய முதல்வர் டாக்டர் கலைஞர் அவர்கள், மாபெரும் சட்ட போராட்டம் காண மாவட்ட செயலாளர் பி.மூர்த்தியை அழைத்து அவருடன் சட்ட நிபுணர்களை டெல்லிக்கு அனுப்பி சட்டப் போராட்டம் காண செய்து வெற்றியும் கண்டவர் தலைவர் கலைஞர் அவர்கள், அதைத் தொடர்ந்து அதிமுக ஆட்சியில் மீண்டும் ஜல்லிக்கட்டுக்கு தடை விதிக்கப்பட்டு சோதனை வந்தபோது தமிழ்நாடு முழுவதும் பெரும் போராட்டங்கள் வெடித்தது, அப்போது அலங்காநல்லூரில் போராட்டக் களத்தில் இறங்கியவர் தலைவர் மு.க.ஸ்டாலின் அவர்கள் மதுரை மாவட்டத்தில் முதலில் துவங்கிய ஜல்லிக்கட்டுக்கு ஆதரவான போராட்டம் தமிழ்நாடு முழுவதும் கடல் தாண்டி உலகம் முழுவதும் நடக்க தொடங்கியது.
குறிப்பாக வரலாற்றில் முத்திரை பதிக்கக்கூடிய வகையில் நடந்த மெரினா போராட்டம் எல்லோரது கவனத்தையும் ஈர்த்தத.இந்த போராட்டத்தின் வாயிலாக மீண்டும் தமிழர்களின் வீர விளையாட் டான ஜல்லிக்கட்டு போட்டி அலங்காநல்லூர், அவனியாபுரம், பாலமேடு உள்ளிட்ட தமிழ்நாடு முழுவதும் துவக்கப்பட்டு எல்லோரும் மகிழ்ச்சி கொண்டார்கள்
கலைஞர் அவர்கள் தமிழர்கள் வீர விளையாட்டு என ஜல்லிக்கட்டு போட்டியில் மிக்க ஆர்வம் கொண்டதை போல் கழகத் தலைவர் மு.க.ஸ்டாலின் அவர்களும் ஆர்வம் கொண்டார் என்பதை நிரூபிக்கும் வகையில் தமிழ்நாட்டில் முதல்முறையாக அலங்காநல்லூர் அருகே கீழக்கரை கிராமத்தில் சுமார் 66 கோடி ரூபாய் மதிப்பீட்டில் அனைத்து வசதிகளுடன் சர்வதேச தரத்தில் கலைஞர் நூற்றாண்டு ஏறு தழுவுதல் அரங்கத்தை அமைத்து அங்கு ஜல்லிக்கட்டு போட்டிகளை துவக்கி வைத்து மகிழ்ச்சி கொண்டார்
அதேபோல் கழக இளைஞரணி செயலாளர், எதிர்கட்சி தலைவர் உதயநிதி ஸ்டாலின் அவர்களும் கலைஞர் நூற்றாண்டு ஏறுதழுவுதல் அரங்கில் நடைபெற்ற ஜல்லிக்கட்டு விழாக்களில் பங்கேற்று பல லட்சங்கள் மதிப்படையை பரிசுகளை வழங்கி மாடுபிடி வீரர்களையும், மாடு வளர்ப்பவர்களையும் கவுரவித்தார்
அதை தொடர்ந்து மாவட்ட செயலாளர் முன்னாள் அமைச்சர் பி.மூர்த்தி தொடர்ச்சியாக ஜல்லிக்கட்டு போட்டிகளை நடத்தி காளைகளுக்கும், காளையர்களுக்கும் பல பரிசுகளை வழங்கினார். மேலும் பல்வேறு அமைப்பினரும் கலைஞர் நூற்றாண்டு ஏறுதழுவுதல் அரங்கில் பிரத்யோக ஜல்லிக்கட்டு போட்டிகளை பாதுகாப்புடன் நடத்தினர்
இதனை பல்லாயிரக்கணக்கான பொதுமக்கள் பாதுகாப்புடன் அமர்ந்து பார்த்து மகிழ்ந்தார்கள்
பல்வேறு மாவட்டங்களில் இருந்தும் மாடுபிடி வீரர்கள் காளைகள் பங்கேற்றன, பல மாவட்டங்களில் இருந்து உற்சாகத்துடன் இளைஞர்களும் பொதுமக்களும்,
கலைஞரின் நூற்றாண்டு ஏறுதழுவுதல் அரங்கில் நடைபெற்ற ஜல்லிக்கட்டு விழாக்களை பார்த்து மகிழ்ந்தார்கள்.
மதுரை உள்ளிட்ட தென் மாவட்டத்தில் ஜல்லிக்கட்டு போட்டிக்கு முக்கியத்துவம் கொடுக்கும் வகையில் அதிக அளவில் பெண்களும் ஜல்லிக்கட்டு காளைகளை வளர்த்து அவர்களே ஜல்லிக்கட்டு கலத்திற்கு கொண்டு வந்து போட்டியில் பங்கேற்று பரிசுகளை பரிசு பெற்ற வீர மங்கைகளும் உண்டு .
இப்படி ஜல்லிக்கட்டை போற்றி புகழ்ந்து உயிரிலும் மேலாக வளர்த்து ஜல்லிக்கட்டு போட்டியில் பங்கேற்கும் இளைஞர்களை இழிவுபடுத்தும் வகையில் சட்டசபையில் சோழவந்தான் சட்டமன்ற உறுப்பினர் கருப்பையா பேசியதற்கு அவரது போக்கிக்கு கண்டனம் தெரிவிக்காமல் முதல்வர் மற்றும் அமைச்சர்கள் கைகட்டி வாய் பொத்தி இருந்ததற்கு மதுரை மாவட்ட மக்கள் மட்டும் இன்றி தென் மாவட்ட மக்கள் கடும் கண்டனம் தெரிவித்துள்ளார்கள்
இதே போல் மாடுபிடி வீரர்கள், மாடு வளர்ப்போர், சமூக ஆர்வலர்கள், பொதுமக்கள் குறிப்பாக இளைஞர்கள் பெண்கள் பல்வேறு கட்சியினர் கழகத்தினர் என பெரும்பாலானோர் தொடர்ந்து கண்டனம் தெரிவித்து வரு கின்றனர்.
இரா.மனோகரன் செய்தியாளர், மதுரை மாவட்ட முரசொலி.