சென்னை, ஆக. 31–

வட­கி­ழக்­குப் பரு­வ­மழை தொடங்க உள்ள நிலை­யில், சென்­னை­யில் மழை­நீர் வடி­கால் மற்­றும் வெள்­ளத் தடுப்­புப் பணி­க­ளின் தற்­போ­தைய நிலை குறித்து முன்­னாள் அமைச்­சர் பி.கே.சேகர்­பாபு சட்­டப்­பே­ர­வை­யில் கவன ஈர்ப்­புத் தீர்­மா­னம் கொண்டு வந்து பேசி­னார்.

அப்­போது அவர் பேசி­ய­தா­வது:

சென்­னை­யில் 3,014 கிலோ மீட்­டர் அள­விற்கு மழை­நீர் வடி­கால்­கள் கட்­டப்­பட்­டுள்­ளன. இந்தமழை­நீர் வடி­கால்­கள் பரு­வ­ம­ழைக்கு முன்­பாக மாந­க­ராட்­சி­யால் முழு­மை­யா­கத் தூர்­வா­ரப்­ப­டு­வது வழக்­கம். பரு­வ­மழை தொடங்­கிய பின்­னர் டிசம்­பர் மாதத்­தில் மீண்­டும் தூர்­வா­ரும் பணி­கள் மேற்­கொள்­ளப்­ப­டும்.

சேத­ம­டைந்த சாலை­களை செப்­ப­னி­டுக!

குறிப்­பாக, சமூக ஆர்­வ­லர்­கள் மற்­றும் தனி­யார் வானிலை ஆராய்ச்­சி­யா­ளர்­கள், மாறி­வ­ரும் எல் நினோ சூழல் கார­ண­மாக 1997 மற்­றும் 2015ஆம் ஆண்­டு­க­ளை­விட சென்­னை­யில் அதிக மழைப்­பொ­ழிவு ஏற்­ப­டக்­கூ­டும் என்று எச்­ச­ரித்­துள்­ள­னர்.

எனவே, சென்­னை­யில் உள்ள கால்­வாய்­கள் மற்­றும் முகத்­து­வா­ரங்­களை முழு­மை­யா­கத் தூர்­வா­ரு­வ­து­ டன், சேத­ம­டைந்த சாலை­க­ளை­யும் செப்­ப­னிட்டு பாது­காக்க வேண்­டும். இந்­தப் பணி­கள் அனைத்­தும் பரு­வ­ம­ழைக்கு முன்­பாக போர்க்­கால அடிப்­ப­டை­யில் மேற்­கொள்­ளப்­பட வேண்­டும்.

மேலும், இப்­ப­ணி­களை மேற்­கொள்­ளும் ஒப்­பந்­த­தா­ரர்­க­ளுக்கு சுமார் ரூ.2,000 கோடி அள­விற்கு இன்­னும் தொகை நிலு­வை­யில் இருப்­ப­தாக அறி­கி­றேன்.

வார்டு மேம்­பாட்டு நிதி வழங்­கு­வீர்!

அதே­போன்று, மாந­க­ராட்­சி­யில் மாமன்ற உறுப்­பி­னர்­க­ளுக்­கான வார்டு மேம்­பாட்டு நிதி­யும் இன்­னும் விடு­விக்­கப்­ப­ட­ வில்லை. இத­னைக் கண்­டித்து மாமன்ற உறுப்­பி­னர்­கள் கருப்பு உடை அணிந்து மாந­க­ராட்சி கூட்­டத்­தில் பங்­கேற்­றுள்­ள­னர்.

எனவே, அரசு உட­ன­டி­யாக போதிய நிதியை வழங்கி, நிலு­வை­யில் உள்ள மழை­நீர் வடி­கால் தூர்­வா­ரும் பணி­கள், கால்­வாய் தூர்­வா­ரும் பணி­கள் மற்­றும் சாலை சீர­மைப்­புப் பணி­கள் அனைத்­தை­யும் வட­ கி­ழக்­குப் பரு­வ­ம­ழைக்கு முன்­பாக போர்க்­கால அடிப்­ப­டை­யில் முடிக்க வேண்­டும் என்று பேர­வைத் தலை­வர் வாயி­லாக அரசை வலி­யு­றுத்­திக் கேட்­டுக்­கொள்­கி­றேன்.

இவ்­வாறு முன்­னாள் அமைச்­சர் பி.கே.சேகர்­பாபு பேசி­னார்.