சேலம், செப். 1–
சேலம் அரசு மருத்துவமனையில் நோயாளிகளை பார்க்கச் செல்லும் உறவினர்களிடம் கட்டாயப்படுத்தி லஞ்சம் வாங்கப்படுவதாக பொதுமக்கள் குற்றம் சாட்டி உள்ளனர்.
சேலம் அரசு பொது மருத்துவமனையில் தினந்தோறும் ஆயிரக்கணக்கானவர்கள் புற நோயாளிகளாகவும் சுமார் 2 ஆயிரம் உள் நோயாளிகளாகவும் சிகிச்சை பெற்று வருகின்றனர். சேலம் மாவட்டத்தில் இருந்து மட்டுமல்லாமல் ஈரோடு, தர்மபுரி, கிருஷ்ணகிரி, கள்ளக்குறிச்சி, நாமக்கல் உள்ளிட்ட மாவட்டங்களில் இருந்தும் ஏராளமானவர்கள் சிகிச்சை பெற இம்மருத்துவமனைக்கு வருகின்றனர். இந்த அரசு மருத்துவமனையில் அனைத்து பிரிவுகளிலும்
லஞ்சம் தலைவிரித்து ஆடுவதாக பொதுமக்கள் குற்றம் சாட்டி உள்ளனர்.
இம்முறைகேடுகள் குறித்து மருத்துவமனை முதல்வரிடம் புகார் அளித்தும் எந்த நடவடிக்கையும் எடுக்கப்படுவதில்லை என்றும் பொதுமக்கள் தெரிவித்துள்ளனர். தூய ஆட்சி என்று பெருமை பீற்றிக் கொள்ளும் இந்த அரசில், ஏழை எளிய மற்றும் நடுத்தர மக்கள் சிகிச்சை பெறும் அரசு மருத்துவமனையில் லஞ்சம் தலை விரித்து ஆடுவது இந்த ஆட்சியின் அவல நிலைக்கு உதாரணம் என்றும் பொதுமக்கள் தெரிவித்துள்ளனர்.