கோவை, செப்.1–
ரேக்ளா பந்தயம் என்பது வெறும் விளையாட்டு மட்டுமல்ல - அது நமது கொங்கு மண்ணின் அடையாளம், கொங்கு மண்டலத்தைச் சேர்ந்த ரேக்ளா பிரியர்கள், நாட்டு மாடு காப்பாளர்கள், விவசாயி கள் மற்றும் இளைஞர்கள் அனைவருக்கும் கழக சுற்றுச்சூழல் அணி செயலாளர், சேனாபதி காங்கயம் கால்நடை ஆராய்ச்சி மையம் (SKCRF) நிர்வாக அறங்காவலர் கார்த்திகேய சிவசேனாபதி ஓர் அவசர வேண்டுகோள் விடுத்
துள்ளார்.
அவரது வேண்டுகோள் வருமாறு:–
சமீபகாலமாக நம்மிடையே ஏற்பட்டுள்ள சில கருத்து வேறுபாடுகள் மற்றும் மனக்கசப்புகளின் காரணமாக, காவல் நிலையங்களில் புகார் அளிப்பதும், தனிப்பட்ட முறையில் நீதிமன்றத்தை அணுகி அனுமதி கோருவதும் போன்ற விரும்பத்தகாத சம்பவங்கள் நடைபெற்று வருகின்றன. நாமே தொடர்ந்து காவல் நிலையங்களையும் நீதிமன்றங்களையும் நாடும் சூழ்நிலை உருவானால், அது நாளடைவில் மிகப்பெரிய சட்டப் பிரச்சினையாக மாறி, இறுதியில் ரேக்ளா பந்தயங்களுக்கே பாதிப்பை ஏற்படுத்தும் அபாயம் உள்ளது.
பாரம்பரிய விளையாட்டு!
முன்னதாக ஜல்லிக்கட்டு தொடர்பான நிகழ்வுகளில் என்ன நடந்தது என்பதை நாம் அனைவரும் சற்று சிந்தித்துப் பார்க்க வேண்டும். நம்மிடையே ஏற்பட்ட கருத்து வேறுபாடுகளின் காரணமாக ஒருவர் மீது ஒருவர் நீதிமன்றத்தை நாடிய சூழ்நிலையைப் பயன்படுத்தி, நமது பாரம்பரியத்தை சீர்குலைக்க நினைத்த அந்நிய சக்திகள் ஜல்லிக்கட்டுக்கே தடை ஏற்படுத்திய சம்பவத்தை நாம் மறந்துவிடக் கூடாது. அதே தவறை மீண்டும் செய்து, நமது பாரம்பரிய விளை யாட்டான ரேக்ளா பந்தயத்திற்கு நாமே பாதிப்பை ஏற்படுத்திவிட்டோம் என்ற நிலை வரலாற்றில் பதிவாகாமல் பார்த்துக்கொள்வது நமது பொறுப்பு.
பாரம்பரியத்தின் அடையாளம்
நாட்டு மாடுகள்!
ரேக்ளா பந்தயம் என்பது வெறும் விளையாட்டு மட்டுமல்ல. அது நமது கொங்கு மண்ணின் அடையாளம். காங்கேயம் காளை இனத்தைப் பாதுகாப்பதற்கும், அதன் வளர்ச்சியை உறுதி செய்வதற்கும் முக்கியமான ஒரு தளமாக அது விளங்குகிறது. லட்சக்கணக்கான இளைஞர்களுக்கு உத்வேகத்தையும், ஆயிரக்கணக்கான விவசாயக் குடும்பங்களுக்கு வாழ்வாதார ஆதரவையும் வழங்கும் பாரம்பரியத்துடன் இது இணைந்துள்ளது.
சிந்துவெளி நாகரிகம் முதல் சமீபத்திய கீழடி அகழாய்வுகள் வரையிலான வரலாற்றுச் சான்றுகளில், தமிழர் வாழ்வியலிலும் பண்பாட்டிலும் காளைகளுக்கு இருந்த முக்கியத் துவம் வெளிப்படுகிறது. குறிப்பாக, திமில் கொண்ட நாட்டு மாடுகள் நமது பாரம்பரியத்தின் முக்கிய அடையாளங்களில் ஒன்றாக விளங்குகின்றன. காலநிலை மாற்றம் மற்றும் சுற்றுச்சூழல் சவால்கள் அதிக ரித்து வரும் இக்காலகட்டத்தில், நாட்டு மாடு இனங்களைப் பாதுகாப்பதும், அவற்றின் மரபணு வளத்தைப் பாதுகாப்பதும் மிகவும் அவசியமானதாகும்.
உலகம் முழுவதும் வாழும் தமிழர்களின் ஒருங்கிணைந்த முயற்சி யால் பாதுகாக்கப்பட்டு வரும் நமது நாட்டு மாடுகள், மெல்ல மெல்ல வளர்ச்சி பெறத் தொடங்கியுள்ளன. இந்தச் சூழ்நிலையில், நமது ஒற்றுமை மிகவும் அவசியம். எனவே, அனைத்து ரேக்ளா அமைப்புகளின் நிர்வாகிகள், பெரியவர்கள், விவசாயிகள், நாட்டு மாடு வளர்ப்போர் மற்றும் இளைஞர்கள் அனைவரும் காவல் நிலையம் மற்றும் நீதி மன்றங்களை நாடும் நடவடிக்கைகளைத் தவிர்த்து, முதலில் தங்களுக்குள் அமர்ந்து பேசி, கருத்து வேறுபாடுகளை சுமூகமான முறையில் தீர்த்துக்கொள்ள வேண்டும் என அன்புடன் கேட்டுக்கொள்கிறேன்.
காளைகளைப் பாதுகாப்பது
நமது கூட்டுப் பொறுப்பு!
சேனாபதி காங்கயம் கால்நடை ஆராய்ச்சி மையம் (SKCRF) கொங்கு மண்டலத்தின் பாரம்பரிய காங்கேயம் நாட்டு மாடு இனங்களையும், அவற்றின் முக்கிய மேய்ச்சல் நிலங்களான கொரங்காடுகளையும் பாதுகாத்தல், மேம்படுத்துதல் ஆகிய பணிகளில் செயல்பட்டு வரும் ஒரு தொண்டு நிறுவனமாகும். நாட்டு மாடு வளர்ப்பு, பாரம்பரிய விவசாய முறைகள் மற்றும் நமது பண்பாட்டு பாரம்பரியத்தைப் பாதுகாப்பது தொடர்பாக தொடர்ந்து விழிப்புணர்வு ஏற்படுத்தி வரும் SKCRF, காங்கேயம் காளை இனத்தின் பாதுகாப்பு மற்றும் வளர்ச்சிக்காக பல்வேறு முயற்சிகளை மேற்கொண்டு வருகிறது.
நமது பாரம்பரியத்தையும், காங்கேயம் காளைகளையும், ரேக்ளா பந்தயத்தையும் பாதுகாப்பது நம் அனைவரின் கூட்டுப் பொறுப்பு. கருத்து வேறுபாடுகளைத் தாண்டி, ஒற்றுமையுடன் செயல்பட்டு நமது பாரம்பரியத்தை அடுத்த தலைமுறைக்கும் கொண்டு செல்ல வேண்டு என்று கழக சுற்றுச்சூழல் அணி செயலாளர், சேனாபதிகாங்கயம் கால்நடை ஆராய்ச்சி மையம் (SKCRF) நிர்வாகஅறங்காவலர் கார்த்திகேய சிவசேனாபதி ஓர் அவசர வேண்டுகோள் விடுத்துள்ளார்.