திருவண்ணாமலை,
செப். 1–
திருவண்ணாமலை மலைஅடிவாரப் பகுதியில் 1535 வீடுகள் அகற்றும் நடவடிக்கைக்கு நீதிமன்றம் மூலம் தடையாணை பெற முயற்சிகள் எடுத்து வருகிறோம் என்று அண்ணாமலையார் மலைஅடிவார குடியிருப்போர் நலச் சங்க ஆலோசனைக் கூட்டத்தில் கலந்து கொண்டு உரையாற்றும்போது, முன்னாள் அமைச்சர் எ.வ.வேலு அவர்கள் குறிப்பிட்டார்.
29.8.2026 – சனிக்கிழமைமாலை திருவண்ணா மலை பெரியத் தெருவில், அண்ணாமலையார் மலைஅடிவார குடியிருப்போர் நலச் சங்க ஆலோசனைக் கூட்டம் நடைபெற்றது.
ஆலோசனைக் கூட்டத்திற்கு குடியிருப் போர் நலச் சங்க சட்ட ஆலோசகர் வழக்கறிஞர்அ.அருள்குமரன் தலைமைவகித்தார்.
குடியிருப்போர் நலச் சங்க நிர்வாகிகள் மெட்ராஸ் கே.சுப்பிரமணி, க. பிரகாஷ், எஸ்.கே.டி.வீரா, கி.சரவண
குமார், முருகன், அருள் ஆகியோர் முன்னிலை வகித்தனர்.
குடியிருப்போர் நலச் சங்கத் தலைவர் அ.திவாகர் அனைவரையும் வரவேற்றுப் பேசினார்.
ஆலோசனைக் கூட்டத்தில் கலந்து கொண்டு, முன்னாள் அமைச்சரும், சட்டமன்றக் கொறடாவுமான எ.வ.வேலு அவர்கள் கலந்து கொண்டு, ஆலோசனைகள் வழங்கி உரையாற்றினார். அவர் உரையாற்றியபோது...
திருவண்ணாமலை புகழ்மிக்க ஆன்மீக நகரம், ஆனால், இந்த நகருக்கு 25 ஆண்டுகளுக்கு முன்பு ஆபத்து வந்தது. மத்தியில் பாஜக ஆட்சியில் இருந்த காலத்தில் அண்ணாமலையார் கோவிலை தொல்லியல் துறை கையகப்படுத்த முயற்சித்தது. அதை தடுத்து நிறுத்த வேண்டும் என மக்கள் கோரிக்கை வைத்தனர். வியாபாரிகள் போராட்டம் நடத்தினர். தேர்தல் பிரச்சாரத்திற்கு இங்கு வந்த கலைஞரிடம் நேரில் முறையிட்டனர். தொடர்ந்து, மத்தியில் ஆட்சியில் மாற்றம் ஏற்பட்டது. உடனே, எங்களை டெல்லிக்கு அனுப்பிய கலைஞர், தொல்லியல் துறை அண்ணாமலையார் கோவிலை கையகப்படுத்தும் நடவடிக்கையை திரும்ப பெற வைத்தார்.
ஆனால், திருவண்ணா மலை கோவிலில் இன்றைக்கு ஆன்மீகபெருமக்கள் அதிகளவில் வரும் நிலை உருவாகியிருக்கிறது. பக்தர்கள் வருகையால், மாநகரின் வியாபாரம் பெருகியிருக்கி றது. பொருளாதாரம் வளர்ந்திருக்கிறது.
திருக்கோவில் இங்கு இருப்பதால்தான், ஆன்மீக கடனை செலுத்துவதற்காக இங்கு வருகின்றனர். அதனால், ஓட்டல் தங்கும் விடுதிகள், ஆட்டோக்கள் என பல்வேறு தரப்பினருக்கும் பொருளாதார பயன் கிடைக்கும் நிலை ஏற்பட்டிருகிறது.
திருவண்ணாமலைக்கு சம்மந்தப்படாத யானை இராஜேந்திரன் எனும் வழக்கறிஞர், திருவண்ணா மலை ஆன்மீகமான மலையில் குடி யிருப்பதை எதிர்த்து சென்னை, உயர்நீதிமன்றத்தில் வழக்கு தொடர்ந்தார். அதனால், ஓய்வுபெற்ற நீதிபதி தலை மையில் குழு அமைக்கப்பட்டது.
இது தொடர்பாக என்னுடைய கவனத்திற்கு அப்போதைய மாவட்ட ஆட்சியர் கொண்டுவந்தார். எனவே நீதிமன்றத்தில் வழக்கு நிலுவையில் இருப்பதால், அதனை நீதி மன்றத்தின் மூலம்தான் தீர்வு காண வேண்டும் என இந்த அமைப்பை உருவாக்கி, வழக்கை நடத்தினோம்.
இது நம்முடைய ஊரின் பிரச்சினை.இதில் அரசியல் கூடாது. நாம் அனைவரும் ஒன்றுகூடி தீர்வு காண வேண்டும். வீடுகளை அகற்று வதற்காக 1,535 குடும்ப ங்களுக்கு தற்போது நோட்டிஸ் வழங்கப்பட்டுள்ளது. எனவே, தனித்தனியாக வழக்கு நடத்துவதுதான் சரியாக இருக்கும் என வழக்கறிஞர்கள் தெரிவித்துள்ளனர்.
அதனடிப்படையில், இதுவரை சம்மந்தப்பட்ட இடத்தில் குடி யிருப்பதற்கான அரசு அளித்துள்ள ஆவணங்களை திரட்டி தயார் செய்யும் பணிகளை விரைவு படுத்தி இருக்கிறேன். இந்த வழக்கு மீண்டும் வரும் புதன்கிழமை விசாரணைக்கு வருகிறது. இந்த வழக்கில் சட்ட நுணுக்கங்கள் தெரிந்த வழக்கறிஞர்களை வைத்து வாதாட திட்டமிட்டிருக்கி றோம். நீதிமன்ற உத்தரவின் மூலம் விடுகள் இடிக்கும் நடவடிக்கை தடுத்து நிறுத்த முயற்சிகள் எடுத்து வருகிறோம்.
திருவண்ணாமலையில் 10ஆயிரத்திற்கும் மேற்பட்டோருக்கு பட்டா வாங்கி கொடுத்திருகிறேன். தற்போது, சட்டப்பூர்வமாக இந்த வீடுகள் இடிக்கப்படுவதை தடுத்து நிறுத்து வதற்கான நடவடிக்கையில் ஈடுபட்டுள்ளோம்.
இவ்வாறு அவர் பேசினார்.
ஆலோசனைக்கூட்டத்தில்நாடாளுமன்ற உறுப்பினர் சி.என்.அண்ணாதுரை, மாநகர மேயர் நிர்மலா வேல்மாறன், மாவட்ட பொருளாளர் எஸ்.பன்னீர்செல்வம், மாநகர செயலாளர் ப.கார்த்தி வேல்மாறன், மாவட்ட துணைச் செயலாளர் பிரியா விஜயரங்கன், மாநகர துணை மேயர் சு.ராஜாங்கம், மாநில தொ.மு.ச., செயலாளர் க.சௌந்தரராசன், மாவட்ட வழக்கறிஞர் அணி அமைப்பாளர் இரா.கார்த்திகேயன், அமைப்புசாரா தொ.மு.ச., ஏ.ஏ.ஆறு முகம் உட்பட ஆயிரக்கணக்கானோர் கலந்து கொண்டனர்.
நிறைவாக குடியிருப் போர் நலச் சங்க செயலா ளரும், மாமன்ற உறுப்பினருமான ம.செந்தில் நன்றி கூறினார்.