சேலம், செப். 1 –

சேலம் அரி­சி­பா­ளை­யம் பகு­தி­யில், பெண் ஒரு­வர் கொடூ­ர­மாக கொலை செய்­யப்­பட்டு, உடலை துண்டு துண்­டாக வெட்டி, தண்­ணீர் தொட்­டி­யில் வீசப்­பட்ட சம்­ப­வம் பெரும் அதிர்ச்­சியை ஏற்­ப­டுத்­தி­யுள்­ளது.

சேலம் அரி­சி­பா­ளை­யம் பகு­தி­யைச் சேர்ந்த ரமேஷ், குடும்­பத்­து ­டன் வெளி­யூர் சென்­று­விட்டு வீடு திரும்­பியநிலை­யில், அவ­ரது வீட்டு குழா­யில், துர்­நாற்­றத்­து ­டன் தண்­ணீர் வந்­துள்­ளது. சந்­தே­க­ம­டைந்த ரமேஷ், மொட்டை மாடி­யில் உள்ள 2 தண்­ணீர் தொட்­டி­களை திறந்து பார்த்­துள்­ளார். அப்­போது, இரண்டு சாக்­குப் பை மூட்­டை­கள் கிடந்­துள்­ளன. அதிர்ச்­சி­ய­டைந்த ரமேஷ், காவல்­து­றை­யி­ன­ருக்கு தக­வல் அளித்­துள்­ளார்.

சம்­பவ இடத்­திற்கு வந்து போலீ­சார் தண்­ணீர் தொட்­டி­யில் கிடந்த சாக்­குப் பையை எடுத்து ஆய்வு செய்­த­போது, அதில், மனித உடல் பாகங்­கள் துண்டு துண்­டாக வெட்­டப்­பட்டு, மூட்­டை­யாக கட்டி, இரண்டு தண்­ணீர் தொட்­டி­க­ளி­லும் போடப்­பட்­டி­ருந்­தது தெரி­ய­வந்­தது.

மேலும், அது பெண்­ணின் உடல் பாகங்­கள் என்­ப­தும், கொடூ­ர­மாக அந்த பெண் கொலை செய்­யப்­பட்டு, உடலை துண்டு துண்­டாக வெட்டி வீசி­ய­தும் தெரி­ய­வந்­தது.

மேலும், உட­லின் சில பகு­தி­கள் இல்­லா­த­தால், போலீ­சார் அப்­ப­கு­தி­யில் தேடு­த­லில் ஈடு­பட்­ட­னர்.

அப்­போது, மற்­றொரு வீட்­டின் மொட்டை மாடி­யில் தண்­ணீர் தொட்­டிக்கு கீழே மற்­றொரு மூட்டை கண்­ட­றி­யப்­பட்­டது. அதில், பெண்­ணின் எஞ்­சிய உடல் பாகங்­கள் இருந்­துள்­ளன. போலீ­சார் அதனை கைப்­பற்றி ஆய்வு மேற்­கொண்­டுள்­ள­னர்.