#Title

சேலம் மாவட்டம் – ஆத்தூர் – நரசிங்கபுரம், பழனியாபுரி சாலையில் ரயில்வே சுரங்கபாதை அமைக்கும் இடத்தில் வழித்தடப் பிரச்சினை! தே.மலையரசன் எம்.பி. ஆய்வு செய்து உடனடி தீர்வு காணப்பட்டது !

சேலம், செப்.2-–

சேலம் மாவட்டம் ஆத்தூர் அடுத்த நரசிங்கபுரம்- பழனியாபுரி சாலையில் சர்க்கார் உடையாம்பட்டி பகுதியில் ரயில்வே சுரங்கப்பாதை அமைக்கும் பணிக் கடந்த ஒரு மாதமாக நடைபெற்று வருகிறது.

இப்பகுதியில் வசிக்கும் பொதுமக்கள் மற்றும் விவசாயிகள் சென்று வர தனிப்பாதை வசதி இல்லாததால், பணிக்கு எதிர்ப்பு தெரிவித்து பல்வேறு கட்ட போராட்டங்கள் நடத்தியும், மனுக்கள் மூலமும் அதிகாரிகளிடம் புகார் தெரிவித்து வந்தனர்.

இதையடுத்து, 20 நாட்களுக்கு முன்பு ஆத்தூர் வருவாய் கோட்டாட்சியர், தாசில்தார் உள்ளிட்ட அதிகாரிகள் சம்பவ இடத்தில் ஆய்வு செய்து, பொது மக்களின் கோரிக்கைகள் குறித்து உரிய நடவடிக்கை எடுக்கப்படும் என உறுதியளித்தனர். இந்நிலையில், கடந்த 30.8.2026 ஆம் அன்று கள்ளக்குறிச்சி நாடாளுமன்ற உறுப்பினர் தே.மலையரசன் ஆய்வு செய்தார்.

அப்போது பொதுமக்கள் கூறுகையில், இப்பகுதியில் சுமார் 200 குடும்பங்கள் பல ஆண்டுகளாக வசித்து வருகிறோம். சுரங்கப்பாதை அமைப்பதற்கு முன்பு ரயில்வே, வருவாய்த்துறை மற்றும் நெடுஞ்சாலைத்துறை அதிகாரிகள்இணைந்து ஆய்வு செய்து, பாலத்தின் இரு புறமும் தலா 15 அடி அகலத்தில் பாதை ஒதுக்கி, குடி யிருப்புகள் மற்றும் விவசாய நிலங்களுக்கு பாதிப்புஏற்படாத வகையில் பணிகள் மேற்கொள்ளப்படும் என உறுதியளித்தனர்.

மேலும், சாலை செல்லும் கிழக்கு-மேற்கு திசையி லேயே சுரங்கப்பாதை அமைக்கப்படும் என தெரிவிக்கப்பட்ட நிலையில், தற்போது தெற்கு– -வடக்கு திசையில் பணிகள்கள் நடைபெறுகிறது.

இருபுறமும் போதிய பாதை வசதி ஏற்படுத்தப்படவில்லை இதனால் குடியிருப்புகள் மற்றும் விவசாய நிலங்களுக்கு செல்ல முடியாத நிலை ஏற்படுவதுடன், விபத்து அபாயமும் உள்ளது. குடியிருப்புகள் மற்றும் விவசாய நிலங்களுக்கு செல்லவும், கார், லாரி, பஸ் உள்ளிட்ட வாகனங்கள் சென்று வரும் வகையில் உரிய சாலை மற்றும் மாற்றுப்பாதை வசதி ஏற்படுத்த வேண்டும் என்றனர்.

இதையடுத்து, சுரங்கப் பாதை பணிகள் நடைபெறும் இடத்தை தே. மலையரசன் எம்.பி., நேரில் ஆய்வு செய்து, இது குறித்து அதிகாரிகளிடம் பேசி உரிய நடவடிக்கை எடுக்கப்படும் என உறுதியளித்தார்.

இதனை தொடர்ந்து 31.08.2026அன்று ரயில்வே முதுநிலை கோட்ட பொறியாளர் பவன் சம்பவ இடத்திற்கு நேரில் வந்து ஆய்வு செய்து பொதுமக்கள் மற்றும் விவசாயிகளிடம் கோரிக்கைகளை கேட்டறிந்து போக்குவரத்து மற்றும் பொதுமக்களுக்கு எந்தவித இடையூறு இல்லமால் வழித் தடங்கள் அமைத்து தர உறுதியளித்தார். இதனால் அப்பகுதி மக்கள், பொதுமக்கள், விவசாயி கள் பெரும்மகிழ்ச்சி அடைந்தனர். இதனை தொடர்ந்து அப்பகுதி மக்கள் கள்ளக்குறிச்சி நாடாளுமன்ற உறுப்பினர் தே.மலையரசனுக்கு நன்றி தெரிவித்தனர். ஆய்வின் போது தே. மலையரசன் எம்.பி., ஆத்தூர் ஒன்றிய செயலாளர் டாக்டர் வே. செழியன், நரசிங்கபுரம் நகர செயலாளர் என். பி. வேல்முருகன், நகரமன்ற தலைவர் அலெக்சாண்டர் மற்றும் கழக நிர்வாகிகள் உடனிருந்தனர்.