பொள்ளாச்சி, செப். 2 –
கிணத்துக்கடவு - பொள்ளாச்சி பகுதியை பாலக்காடு ரயில்வே கோட்டத்திலிருந்து பிரித்து மதுரை ரயில்வே கோட்டத்துடன் இணைக்க வேண்டும் என பொள்ளாச்சி நாடாளுமன்ற உறுப்பினர், திருப்பூர் தெற்கு மாவட்டக் கழகப் பொறுப்பாளர் கே.ஈஸ்வர சாமி கோரிக்கை விடுத் துள்ளார்.
இதுகுறித்து அவர், ஒன்றிய ரயில்வே அமைச்சர் அஸ்வினி வைஷ்ணவ்வுக்கு அனுப்பியுள்ள மனுவில் கூறியிருப்பதாவது :-–
கிணத்துக்கடவு - பொள்ளாச்சி மற்றும் சுற்றுவட்டாரபகுதிகளை பாலக்காடுரயில்வே கோட்டத்திலிருந்துபிரித்து மீண்டும் மதுரை ரயில்வே கோட்டத்துடன் இணைக்க வேண்டும் என்று இந்த பகுதி மக்கள் நீண்ட காலமாக வலியுறுத்தி வருகின்றனர். இந்த கோரிக்கை புவியியல் அமைப்பு,நிர்வாக வசதி மற்றும் பயணிகளின் போக்குவரத்து ஆகியவற்றை அடிப்படையாக கொண்டதாகும்.
இந்த கோரிக்கையை ரயில்வே நிர்வாகத்திடம் பலமுறை முன்வைத்த போது, ரயில்வே கோட்டங்களை உருவாக்குதல், மறுசீரமைத்தல் அல்லது அதன் நிர்வாக எல்லைகளை மாற்றுதல் என்பது கொள்கை சார்ந்த முடிவு. இது குறித்த இறுதி முடிவை
ரயில்வே வாரியமும் ஒன்றிய அரசும் எடுக்க வேண்டும் என்றும் கூறி வந்தனர். இந்நிலையில், மங்களூரு பகுதியை பாலக்காடு ரயில்வே கோட்டத்தி லிருந்து பிரித்து மைசூர் ரயில்வே கோட்டத்துடன் இணைக்க ரயில்வே வாரியம் முடிவு செய்துள்ளதாகசமீபத்தில் தெரிவித்துள்ளது.
இதன் மூலம் நிர்வாக அடிப்படையில் ஏற்கனவே உள்ள ரயில்வே கோட்டங்களின் நிர்வாக எல்லைகளைமறுபரிசீலனை செய்து மாற்றிய மைக்க முடியும் என்பதை தெளிவாக எடுத்துக்காட்டுகிறது.
எனவே, மங்களூரு பகுதியை பாலக்காடு கோட்டத்திலிருந்து பிரித்து வேறுஒரு ரயில்வே கோட்டத்து டன் இணைக்க முடியும் என்ற நிலையில், அதே அடிப்படையில் நீண்டகாலமாக நிலுவையில் உள்ளகிணத்துக்கடவு, பொள்ளாச்சி பகுதியின் கோரிக்கையையும் பரிசீலித்து முடிவெடுக்க வேண்டும்.
மேலும், பொள்ளாச்சி பகுதி தமிழ்நாட்டின்தெற்கு மற்றும் மேற்கு பகுதிகளுடன் நெருக்கமான புவியியல் மற்றும் பயணி கள் போக்குவரத்து தொடர்புகளை கொண் டுள்ளது.
இப்பகுதியை மதுரை ரயில்வே கோட்டத்துடன்இணைப்பதன் மூலம் நிர்வாகவசதி மேம்படுவதுடன்,பயணிகள் சேவைகள், ரயில்வே உள்கட்டமைப்பு மற்றும் வளர்ச்சி பணிகளை மேலும் சிறப்பாக ஒருங்கிணைக்க முடியும்.
மேலும், தமிழ்நாட்டின் தெற்கு மற்றும் மேற்கு பகுதிகளுக்கிடையிலான பொதுமக்களின் பயணத் தேவைகளை யும் கருத்தில் கொள்ளும் போது, புவியியல் ரீதியாகவும், நிர்வாக ரீதியாகவும் கிணத்துக்கடவு, பொள்ளாச்சி பகுதியை மதுரை ரயில்வே கோட்டத்துடன் இணைப்பது மிகவும் பொருத் தமானதாக இருக்கும். எனவே, கிணத்துக்கடவு,பொள்ளாச்சி பகுதியை பாலக்காடு ரயில்வே கோட்டத்திலிருந்து பிரித்து மதுரை ரயில்வே கோட்டத்துடன் இணைக்க ரயில்வே அமைச்சரும், ரயில்வே வாரியமும் உரிய நடவடிக்கை எடுக்குமாறு கேட்டுக்கொள்கிறேன் என்று அவர் கூறி உள்ளார்.