சென்னை, செப்.2–

மகாத்மா காந்­தி­ய­டி­க­ளின் 157–வது பிறந்த நாளான அக்­டோ­பர் 2–ஆம் தேதி காந்தி ஜெயந்­தியை முன்­னிட்டு, ஆண்­டு­தோ­றும் குற­ள­கத்­தில் நடை­பெற்று வந்த கதர், கைத்­தறி மற்­றும் கைவி­னைப் பொருட்­கள் கண்­காட்­சியை இந்த ஆண்டு மாற்று இடத்­தில் நடத்த அரசு நட­வ­டிக்கை எடுக்க வேண்­டும் என்று சட்­டப்­பே­ர­வை­யில் முன்­னாள் அமைச்­சர் பி.கே. சேகர்­பாபு வலி­யு­றுத்­தி­னார்.

சட்­டப்­பே­ர­வை­யில் பி.கே.சேகர்­பாபு பேசி­ய­தாவது:

வரு­கின்ற அக்­டோ­பர் 2–ஆம் தேதி தேசத் தந்தை மகாத்மா காந்­தி­ய­டி­க­ளின் 157–வது பிறந்த நாள் காந்தி ஜெயந்­தி­யாக நாடு முழு­வ­தும் கொண்­டா­டப்­பட உள்­ளது.

காந்தி ஜெயந்­தியை முன்­னிட்டு ஆண்­டு­தோ­றும் சென்னை குற­ள­கத்­தில் கதர், கைத்­தறி, கிரா­மத் தொழில் மற்­றும் கைவி­னைப் பொருட்­க­ளின் சிறப்­புக் கண்­காட்சி மற்­றும் விற்­பனை நடை­பெ­று­வது வழக்­கம். தொடர்ந்து பத்து நாட்­கள் நடை­பெ­றும் இந்­தக் கண்­காட்­சி­யில் பல்­லா­யி­ரக்­க­ணக்­கான பொது­மக்­கள் பங்­கேற்று, நெச­வா­ளர் கள் மற்­றும் கைவி­னைக் கலை­ஞர்­க­ளின் பொருட்­களை வாங்கி ஆத­ரவு அளித்து வந்­துள்­ள­னர்.

தற்­போது பெருந்­திட்­டப் பணி­க­ளுக்­காக குற­ள­கக் கட்­டி­டம் இடிக்­கப்­பட்டு, அந்த இடத்­தில் பல அடுக்கு வாகன நிறுத்­தம் மற்­றும் அலு­வ­ல­கங்­கள் கட்­டும் பணி­கள் மேற்­கொள்­ளப்­பட்டு வரு­கின்­றன.

இதன் கார­ண­மாக ஆண்­டு­தோ­றும் நடை­பெற்று வந்த காந்தி ஜெயந்தி சிறப்­புக் கண்­காட்சி இந்த ஆண்டு தடை­பட்­டு­வி­டக் கூடாது.

எனவே, சென்­னை­யில் பொது­மக்­கள் எளி­தில் வந்து செல்­லக்­கூ­டிய பொருத்­த­மான மாற்று இடத்தை அரசு தேர்வு செய்து, அங்கு பத்து நாட்­கள் தொடர்ந்து காந்தி ஜெயந்தி சிறப்பு கதர், கைத்­தறி, கிரா­மத் தொழில் மற்­றும் கைவி­னைப் பொருட்­கள் கண்­காட்சி மற்­றும் விற்­ப­னையை நடத்த வேண்­டும் என்று வலி­யு­றுத்­தி­னார்.