சென்னை, செப். 2 –
முழுமையான பயிர்க்கடன் தள்ளுபடி என்ற வாக்குறுதியை நிறைவேற்றாத த.வெ.க. அரசைக் கண்டித்து சென்னையில் விவசாயிகள் காலவரையற்ற உண்ணாவிரதம் மற்றும் தொடர் காத்திருப்பு போராட்டத்தில் ஈடுபட்டுள்ளனர்.
ஆட்சிக்கு வந்தால் விவசாய கடன் முழுமையாக தள்ளுபடி செய்யப்படும் என தேர்தல் பிரச்சாரத்தின் போது விஜய் வாக்குறுதி அளித்திருந்தார். ஆனால் ஆட்சிக்கு வந்தபின், சொன்னபடி வாக்குறுதியை நிறைவேற்றாமல், மிக சொற்ப தொகையை மட்டுமே தள்ளுபடி செய்தார். இதற்கு விவசாயிகள் கடும் கண்டனம் தெரிவித்துள்ளனர்.
இந்நிலையில், முழுமையான பயிர்கடன் தள்ளுபடி என்ற வாக்குறுதியை நிறைவேற்றாத த.வெ.க. அரசைக் கண்டித்து சென்னையில் விவசாயிகள் காலவரையற்ற உண்ணாவிரதம் மற்றும் தொடர் காத்திருப்பு போராட்டத்தில் ஈடுபட்டுள்ளனர். 35 விவசாய சங்கங்கள் ஒருங்கிணைந்து இந்தப் போராட்டத்தை நடத்தி வருகின்றன.
எழும்பூர் ராஜரத்தினம் மைதானம் அருகில், விவசாயிகள் சங்க ஒருங்கிணைப்பு குழு தலைவர் நாராயணசாமி தலைமையில் போராட்டம் நடைபெற்று வருகிறது. இந்நிலையில், போராட்டத்திற்கு பந்தல் மற்றும் நாற்காலிகள் போட விவசாயிகளுக்கு காவல்துறை அனுமதி மறுத்ததால் பரபரப்பு ஏற்பட்டது. இதற்கு விவசாயிகள் கடும் கண்டனம் தெரிவித்தனர்.