சென்னை, செப். 2 –

‘‘சர்­வ­தேச தரத்­தில் விளை­யாட்டு வீரர்­களை உரு­வாக்க செம்­மஞ்­சே­ரி­யில் அமைக்­கப்­பட்ட ‘குளோ­பல் ஸ்போர்ட்ஸ் சிட்டி’ திட்­டத்தை ரத்து செய்­தது ஏன்?’’ என்று சட்­டப் பேர­வை­யில் கவன ஈர்ப்­புத் தீர்­மா­னம் கொண்டு வந்து பேசிய எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் கேள்வி எழுப்­பி­னார்.

சட்­டப் பேர­வை­யில், கவன ஈர்ப்­புத் தீர்­மா­னம் கொண்டு வந்து எதிர்க்­கட்­சித் தலை­வர் உத­ய­நிதி ஸ்டாலின் அவர்கள் ஆற்­றிய உரை வரு­மாறு:–

எங்­கள் தலை­வர் தலை­மை­யி­லான ஆட்­சி­யில், தமிழ்­நாட்­டில் இருந்து ஒலிம்­பிக் தரத்­தி­லான விளை­யாட்டு வீரர்­களை உரு­வாக்க, சென்­னை­யில் ஒரு இன்­டர்­நே­ஷ­னல் ஸ்டாண்­டர்டு விளை­யாட்­டுக் கட்­ட­மைப்பை உரு­வாக்க வேண்­டும் என்று, செம்­மஞ்­சே­ரி­யில் 128 ஏக்­க­ரில் 261 கோடி ரூபாய் மதிப்­பீட்­டில், ஒரு `குளோ­பல் ஸ்போர்ட்ஸ் சிட்டி’ அமைக்­கின்ற பணி­களை, நாங்­கள் தொடங்கி இருந்­தோம்.

இந்த அரசு, எப்­படி பரந்­தூர் விமான நிலை­யத்தை ரத்து செய்­ததோ, அதே­போல் இப்­போது `குளோ­பல் ஸ்போர்ட்ஸ் சிட்டி’ திட்­டத்­தை­யும் ரத்து செய்­தி­ருக்­கி­றது என்று செய்­தி­கள் வந்­தி­ருக்­கின்­றன. அர­சின் கவ­னத்­திற்கு ஈர்க்­கி­றேன். ஏன், இந்த திட்­டம் கைவி­டப்­பட்­டது என்று, இந்த அர­சைக் கேட்­கி­றேன்.

128 ஏக்­கர் நிலம் சென்­னைக்கு அரு­கில் கிடைப்­பது அரிது!

பேர­வைத் தலை­வர் அவர்­களே, எங்­க­ளின் தேர்­தல் அறிக்­கை­யில், இதைச் சொல்­லி­யி­ருந்­தோம். 128 ஏக்­கர் சென்­னைக்கு அரு­கில் கிடைப்­பது என்­பது சாதா­ரண விஷ­யம் கிடை­யாது. மூன்று இடங்­க­ளுக்கு சாத்­தி­யக்­கூறு இருந்­தது. நாங்­க­ளும் டி.பி.ஆர். ப்ராஜெக்ட் எல்­லாம் தயார்செய்­தி­ருந்­தோம். சி.எம்.டி.ஏ. சார்­பாக ஒரு தனி­யார் கன்­சல்­டன்ட் நிய­மிக்­கப்­பட்­டி­ருந்­தார்­கள். அந்த கன்­சல்­டன்ட் ஆய்­வின்­ப­டி­தான் செம்­மஞ்­சே­ரி­யில் `ஸ்போர்ட்ஸ் சிட்டி’ அமைக்­க­லாம் என்று அறிக்கை கொடுத்­தார்­கள். அதன் பிறகு தொடர்ந்து பல்­வேறு ஆலோ­ச­னைக் கூட்­டங்­களை நடத்­தி­யி­ருக்­கி­றோம்.

`ஸ்போர்ட்ஸ் அசோ­சி­யே­ஷன், ஸ்போர்ட்ஸ்­மேன்­க­ளு­டன் கலந்து ஆலோ­சனை செய்­தி­ருக்­கி­றோம். ஹை லெவெல் சைட் இன்ஸ்­பெக்­ச­னும் நடத்­தப்­பட்­டது. அந்த இன்ஸ்­பெக்­ச­னின் அடிப்­ப­டை­யில் பல்­வேறு பரிந்­து­ரை­ க­ளும் வழங்­கப்­பட்­டுள்­ளன.

எங்­க­ளின் தலை­வர்,

திட்­டத்­தைத் தொடங்கி வைத்­தார்!

`குளோ­பல் ஸ்போர்ட்ஸ் சிட்டி’ அமைக்­கின்ற பணியை பேஸ் மேன­ரில் மூன்று பேஸ்­க­ளாக நடத்­த­லாம் என்று முடிவு செய்­யப்­பட்டு, அது இறுதி செய்­யப்­பட்­டது. பேஸ் ஒன்­றுக்­கான வேலையை எங்­க­ளின் தலை­வர், அப்­போ­தைய முத­ல­மைச்­ச­ராக இருக்­கும்­போது, கடந்த பிப்­ர­வரி 18-ஆம் தேதி தொடங்கி வைத்­தார்­கள்.

இந்­தி­யா­வி­லேயே முதன்­மு­றை­யாக `பி.எம்.எக்ஸ் சைக்­கி­ளிங் டிராக்’, இந்­தி­யா­வி­லேயே மிகப்­பெ­ரிய `வாட்­டர் ஸ்போர்ட்ஸ் ஸ்பெசி­லிட்டி’ என்று 25 விளை­யாட்­டு­க­ளுக்­குத் தேவை­யான 30 க்கும் மேற்­பட்ட உட்­கட்­ட­மைப்­பு­கள் அங்கு வர இருந்­தன. முதற்­கட்­டப் பணி­களை 18 மாதங்­க­ளில் முடிக்க வேண்­டும் என்று அவர்­க­ளுக்கு இலக்கு கொடுக்­கப்­பட்­டது. இப்­போது நம் அமைச்­சர் அவர்­க­ளும் இந்­தத் திட்­டத்தை கைவி­ட­வில்லை, இதில் சில ஆல்ட்­ரே­ஷன் செய்­யப்­போ­கி­றோம் என்று சொல்­லி­யி­ருக்­கி­றார்­கள். எனவே, இதை தய­வு­செய்து சீக்­கி­ரம் செய்து முடித்­தால், விளை­யாட்டு வீரர்­­களுக்கு நிச்­ச­யம் பய­னுள்­ள­தாக இருக்­கும் என்­பதை அர­சின் கவ­னத்­துக்­குக் கொண்டு வரு­கி­றேன்.

அவை முன்­ன­வர்

செங்­கோட்­டை­ய­னி­டம் கேளுங்­கள்!

பேர­வைத் தலை­வர் அவர்­களே, அமைச்­சர் அவர்­கள் பல வரு­டங்­க­ளாக விளை­யாட்­டுத் துறைக்கு கட்­ட­மைப்­பு­கள் இல்லை என்று சொல்­கி­றார். பல வரு­டங்­க­ளாக விளை­யாட்­டுத் துறை அமைச்­ச­ராக இருந்­த­வர் நம் அவை முன்­ன­வர் அண்­ணன் செங்­கோட்­டை­யன் அவர்­கள்­தான். அவ­ரி­டத்­தில் அதை அவர் கேட்­டுப் பெற்­றுக் கொள்ள வேண்­டும்.

இவ்­வாறு சட்­டப் பேர­வை­யில், எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் உரை ஆற்­றி­னார்.