#Title

தி.மு.கழகத் தலைவர்களைப் பற்றி அவதூறு பரப்பியவர் மீது சி.பி.ஐ. விசாரணை! சென்னை உயர்நீதிமன்றத்தில் கழக சட்டத்துறை துணைச் செயலாளர் ஜி.சந்திரபோஸ் வழக்கு!

சென்னை,செப். 2 –

செயற்கை நுண்ணறிவுமூலம் உருவாக்கப்பட்ட புகைப்படங்கள்மற்றும் வீடியோக்களின் மூலமாகதிராவிட முன்னேற்றக் கழகம் மற்றும் கழகத் தலைவர்கள் மீது அருவருக்கத் தக்க வகையிலும், அவதூறாகவும் செய்திகளை வெளியிட்ட இணைய பக்கங்களுக்கு எதிராக தி.மு.க. சட்டத்துறை சார்பாக அதன் துணை செயலாளர் டாக்டர் ஜி.சந்திர போஸ் பல புகார்களை சென்னை மாநகர காவல் ஆணையரிடம் தந்த போதிலும் கூட வழக்குகள் பதியப்படவில்லை. முதல் கட்ட புலன் விசாரணையும் செய்யப்படவில்லை.

அதே சமயம் கழகத்தொண்டர்கள், இளைய தலைமுறையினர், திராவிட கருத்தியலாளர்கள், அரசுக்கு எதிராக பேசுவோர் ஆகியோர் மீது,பொருந்தும் சட்டங்களில்வழக்குப் பதிவு செய்து, உடனுக்குடன் கைது நடவடிக்கை களையும் காவல் துறை செய்து வருகிறது. சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களும், இந்த எதேச்சதிகாரப் போக்கில் கைது செய்யப்பட்டார்.

சமூக வலைதளங்களில்தி.மு.க. வையும் அதன் தலைவர்களையும் களங்கப்படுத்தும் வகையில் செயற்கை நுண்ணறிவு மூலம் உருவாக்கப்பட்ட புகைப்படங்கள் மற்றும் வீடியோக்களை வெவ்வேறு இணையப் பக்கங்களுக்கு எதிராகவும், அவற்றை பெரும் அளவில் பகிர காரணமாக இருந்த வாய்ஸ் ஆப் காமன்ஸ் மற்றும் ரூட் போன்ற நிறுவனங்களுக்கு எதிராகவும் பல்வேறு காவல் நிலையங்களில் அளிக்கப்பட்ட 19 புகார்களின் மீதுஎந்த ஒரு நடவடிக்கையும் எடுக்கவில்லை, வழக்கும் பதியவில்லைஎன்று தி.மு.க. சட்டத்துறை துணைச் செயலாளர் டாக்டர் ஜி.சந்திரபோஸ் மூலமாக சென்னை உயர்நீதிமன்றத்தில் வழக்கு தாக்கல் செய்யப்பட்டது.

அவர் தாக்கல் செய்த மனுவில் சமூக வலை தளங்களில் பதிவு செய்யப்பட்ட அவதூறு பதிவுகள் நீக்கப்படலாம் என்பதால் புகார்கள் மீது காவல்துறையினர் எந்த ஒரு நடவடிக்கையும் எடுக்காத நிலையில் பெரிய பாதிப்பு ஏற்படுத்தும் என்றும், இதுவே த.வெ.க.வினர் மீது எதிராக கருத்து தெரிவிப்பவர்கள் மீது உடனே நடவடிக்கை எடுத்து வழக்குப் பதிவு செய்யும் காவல்துறையினர் தி.மு.க. மீது அவதூறு தெரிவிப்பவர்கள் மீது எந்த ஒரு வழக்குப் பதிவு செய்யாததால் இந்த புகார்களை சி.பி.ஐ.க்கு அனுப்பி நியாயமான விசாரணை செய்து நடவடிக்கை மேற்கொள்ள வேண்டும்என்று கோரிக்கை வைத்துள்ளார்.

இந்த வழக்கு 28.08.2026 அன்று விசாரணைக்கு வந்தது. அப்போது மனுதாரர் தரப்பில் கழக சட்டத்துறை செயலாளர், மூத்த வழக்கறிஞர் என்.ஆர்.இளங்கோ ஆஜராகி வாதங்களை எடுத்து வைத்தார்.

இந்த வழக்கை விசாரித்த சென்னை உயர்நீதிமன்ற நீதிபதி லட்சுமி நாராயணன் இந்த மனுவிற்கு இரண்டு வாரங்களில் பதில் அளிக்க வேண்டும் என்று தமிழக டி.ஜி.பி. சென்னை மாநகர காவல் ஆணையர் உள்ளிட்ட காவல்துறையினருக்கும் “எக்ஸ்” மற்றும் “மெட்டா” நிறுவனங் களுக்கு நோட்டீஸ் உத்தரவிட்டு வழக்குகளின் விசாரணையைஇரண்டு வாரங்களுக்கு தள்ளி வைத்துள்ளார்.