சென்னை, செப்.2–
சென்னை கொளத்தூர் சட்டமன்றத் தொகுதிக்குட்பட்ட பூம்புகார் நகரில் கட்டப்பட்டுள்ள கபாலீஸ்வரர் கலை மற்றும் அறிவியல் கல்லூரியில் மாணவர்களுக்காக ஏற்படுத்தப்பட்டுள்ள அடிப்படை வசதிகள் எப்போது செயல்பாட்டுக்கு கொண்டுவரப்படும் என்று சட்டப்பேரவையில் நேற்று முன்னாள் அமைச்சரும், துறைமுகம் சட்டமன்ற உறுப்பினருமான பி.கே. சேகர்பாபு கேள்வி எழுப்பினார்.
சட்டப்பேரவையில் அவர் பேசியதாவது:
“கடலால் கொள்ளையடிக்கப்பட்ட காவிரிப்பூம்பட்டினத்தில் ‘பூம்புகார்’ என்ற நகரை நிர்மா ணித்தவர் முத்தமிழறி ஞர் கலைஞர் அவர்கள். அப்படிப்பட்ட வரலாற்றுச் சிறப்பு மிக்க பெயரைக் கொண்ட கொளத்தூர் பூம்புகார் நகரில் ஒரு கல்லூரியை உருவாக்கியவர் திராவிட மாடல் பேரரசர் முத்துவேல் கருணாநிதி ஸ்டாலின் அவர்கள்.
அந்தக் கல்லூரி வெறும் 14 மாதங்களில் கட்டி முடிக்கப்பட்டது. தொடர்ந்து, கல்லூரியின் பின்புறம் உள்ள காலி இடத்தில் மாணவர்களின் எதிர்காலத் தேவைகளைக் கருத்தில் கொண்டு கூடுதல் கட்டடம் கட்டவும் முடிவு செய்யப்பட்டது.
கபாலீஸ்வரர் கலை மற்றும் அறிவியல் கல்லூரியின் திறப்பு விழாவின் போது, ரூ.26 கோடி மதிப்பீட்டில் கூடுதல் கட்டடம், மாணவர்களுக்கான தங்குமிட வசதி உள்ளிட்ட வசதிகளை ஏற்படுத்துவதற்கான அரசாணையை பிறப்பித்து, அதற்கான பணிகளைமுன்னெடுத்த வர் அன்றைய முதல மைச்சர் மு.க.ஸ்டாலின் அவர்கள்.
அதுமட்டுமின்றி, அக்கல்லூரி வளாகத்தில் மேலைநாடுகளுடன் போட்டிபோடும் அளவிற்கு நவீன வசதிகளுடன் ‘முதல்வர் படைப்பகம்’, நூலகம் உள்ளிட்ட வசதிகளும் உருவாக்கப்பட்டுள்ளன. சமூக நல்லிணக்க நிதியின் மூலம் உருவாக்கப் பட்ட இந்த வசதிகள் அனைத்தும் தற்போது முழுமையாக செயல்பாட்டுக்கு வராமல் உள்ளன.
எனவே, மாணவர்களின் கல்வி நலனைக் கருத்தில் கொண்டு, ஏற்கெனவே உருவாக்கப்பட் டுள்ள இந்த வசதிகள் அனைத்தையும் உடனடியாக மாணவர்களின் பயன்பாட்டுக்குக் கொண்டுவர வேண்டும் என்பதை மாண்புமிகு பேரவைத் தலைவர் அவர்கள் வாயிலாக அரசின் கவனத்திற்குக் கொண்டு வருகிறேன்.”
இவ்வாறு முன்னாள் அமைச்சர் பி.கே. சேகர்பாபு சட்டப்பேரவையில் வலியுறுத்தினார்.