சென்னை, செப். 2 –

சட்டப்பேரவை நிகழ்வுக்குப் பின் முன்னாள் அமைச்சர் பி.கே.சேகர்பாபு செய்தியாளர்களுக்கு அளித்த பேட்டி வருமாறு:–

மதுரை மீனாட்சி சுந்­த­ரே­சு­வ­ரர் திருக்­கோ­யில் குட­மு­ழுக்கு வரும் 17.09.2026 அன்று நடை­பெற உள்ள நிலை­யில், குட­மு­ழுக்­குக்­கான தேதியை நிர்­ண­யித்­தது திரா­விட மாடல் அரசு என்­பதை இந்த நேரத்­தில் பதிவு செய்ய விரும்­பு­கி­றேன்.

திருக்­கோ­யி­லில் 79 கல் தூண்­க­ளைக் கொண்ட வீர வசந்­த­ரா­யர் மண்­ட­பம் திறந்து வைக்­கப்­பட்டு, 8 ஆண்­டு­க­ளுக்­குப் பிறகு கிழக்கு கோபுர வாயி­லும் மக்­கள் பயன்­பாட்­டிற்­காக திறக்­கப்­பட்­டுள்­ளது. இந்­தப் பணி­க­ளுக்கு தற்­போ­தைய அரசு சொந்­தம் கொண்­டா­டு­கி­றது.

ஆனால், திரா­விட மாடல் ஆட்­சிக் காலத்­தில் வீர வசந்­த­ரா­யர் மண்­ட­பத்­தின் 79 கல் தூண்­க­ளை­யும் தேர்வு செய்­வ­தற்­காக, அமைச்­சர் என்ற முறை­யில் நாமக்­கல்­லுக்கு நான் சுமார் 10 முறை நேரில் பய­ணம் மேற்­கொண்­டேன்.

பழங்­கா­லத்­தில் அந்­தத் தூண்­கள் எவ்­வாறு வடி­வ­மைக்­கப்­பட்­டி­ருந்­த­னவோ, அதி­லி­ருந்துசிறி­தும் மாற்­ற­மின்றி, பழைய பொலி­வு­டன் மண்­ட­பத்தை மீட்­டெ­டுக்க வேண்­டும் என்ற அன்­றைய முத­ல­மைச்­சர் மு.க.ஸ்டாலின் அவர்­க­ளின் அறி­வு­றுத்­த­லின்­படி பணி­கள் மேற்­கொள்­ளப்­பட்­டன. அவ்­வாறு பார்த்­துப் பார்த்­துச் செதுக்­கப்­பட்ட வீர வசந்­த­ரா­யர் மண்­ட­பம் இன்று மக்­கள் பயன்­பாட்­டிற்கு வந்­தி­ருப்­பது பெரு­ம­கிழ்ச்சி அளிக்­கி­றது.

குட­மு­ழுக்கு அழைப்­பி­த­ழில்

10 பிழை­கள்

வரும் 17.09.2026 அன்று நடை­பெ­ற­வுள்ள குட­ மு­ழுக்கு விழா­விற்­காக முத­லில் வெளி­யி­டப்­பட்ட அழைப்­பி­த­ழில், இறந்­த­வ­ரின் பெயர் இடம்­பெற்­றது உள்­ளிட்ட 10 பிழை­கள் இருப்­பதை நாங்­கள் சுட்­டிக்­காட்­டிய பிற­கு­தான் அந்த அழைப்­பி­தழ் திருத்­தப்­பட்டு புதி­தாக வெளி ­யி­டப்­பட்­டுள்­ளது.

இதற்­கி­டையே பத்­தி­ரி­கை­யா­ளர்­க­ளைச் சந்­தித்த அமைச்­சர் நிர்­மல் குமார், “வரு­வோர் போவோர் பெயர்­க­ளை­யெல்­லாம் அழைப்­பி­த­ழில் இடம்­பெ­றச் செய்ய முடி­யாது; அறங்­கா­வ­லர்­க­ளின் பெயர்­க­ளை­யும் இடம்­பெ­றச் செய்ய மாட்­டோம்” என்ற பொரு­ளில் கருத்து தெரி­வித்­துள்­ளார்.

இது வர­லாற்றை அறி­யா­மல் தெரி­விக்­கப்­ப­டும் கருத்­தா­கும்.

1974-ஆம் ஆண்­டி­லேயே மதுரை மீனாட்சி அம்­மன் திருக்­கோ­யில் குட­மு­ழுக்கை முன்­னின்று நடத்­திய பாரம்­ப­ரி­யம் பி.டி.ஆர். பழ­னி­வேல் ராஜன் குடும்­பத்­திற்கு உண்டு. தற்­போது அந்­தத் திருக்­கோ­யி­லின் அறங்­கா­வ­லர் குழுத் தலை­வ­ராக ருக்­மணி பழ­னி­வேல் ராஜன் உள்­ளார்.

அறங்­கா­வ­லர் குழு­வில் ருக்­மணி பழ­னி­வேல் ராஜன், சுப்­பு­லட்­சுமி, மீனா ஆகிய மூன்று பெண்­கள் உள்­ளிட்ட ஐந்து பேர் நிய­மிக்­கப்­பட்­ட­னர். இவர்­க­ளு­டன் பல்­வேறு திருக்­கோ­யில் திருப்­ப­ணி­க­ளுக்கு பெரும் உப­யங்­க­ளைச் செய்த பி.கே.என். செல்­லையா மற்­றும் மருத்­து­வர் சீனி­வா­சன் ஆகி­யோ­ரும் இடம்­பெற்­றுள்­ள­னர்.

பி.கே.என். செல்­லையா, அழ­கர்­கோ­யி­லில் வாயிற்­க­த­வுக்கு சுமார் ரூ.1 கோடி மதிப்­பில் வெள்­ளித் தகடு அமைத்­துக் கொடுத்­த­து­டன், மீனாட்சி அம்­மன் திருக்­கோ­யில் வீர வசந்­த­ ரா­யர் மண்­ட­பத் திருப்­­பணிக்­கும் தாரா­ள­மாக உத­வி­ய­வர்.

கைம்­பெண்­களை அறங்­கா­வ­லர்­க­ளாக நிய­மித்­ததே சமூ­க­நீ­திக்­குச் சான்று

இந்த அறங்­கா­வ­லர் குழு­வில் இடம்­பெற்­ற­வர்­க­ளில் இரு­வர் கைம்­பெண்­கள். கைம்­பெண்­களை எவ்­வாறு திருக்­கோ­யில் அறங்­கா­வ­லர்­க­ளாக நிய­மிக்­க­லாம் என்று அப்­போது நீதி­மன்­றத்­திற்­குச் சென்­ற­போது, நீதி­மன்­றமே அதற்கு உரிய பதிலை அளித்­தது.

“அவர்­க­ளும் மனி­தர்­கள்­தான்” என்ற சமூ­க­நீ­திக் கோட்­பாட்­டின் அடிப்­ப­டை­யில், கைம்­பெண்ணை திருக்­கோ­யில் அறங்­கா­வ­ல­ராக மட்­டு­மின்றி அறங்­கா­வ­லர் குழுத் தலை­வ­ரா­க­வும் நிய­மித்த பெருமை அன்­றைய திரா­விட மாடல் அர­சை­யும் முத­ல­மைச்­சர் மு.க.ஸ்டாலின் அவர்­க­ளை­யும் சாரும்.

“சட்­டத்­தின் ஆட்­சி­யாக

இருக்க வேண்­டும்”

ஒரு அரசு என்­பது சட்­டத்­தின் ஆட்­சி­யாக இருக்க வேண்­டுமே தவிர, சட்­டத்தை மீறிச் செயல்­ப­டும் ஆட்­சி­யாக இருக்­கக் கூடாது.

இந்த விவ­கா­ரத்தை ஏதோ ஒரு தனி­ந­ப­ரின் பெயரை அழைப்­பி­த­ழில் சேர்க்க வேண்­டுமா, வேண்­டாமா என்ற பிரச்­சி­னை­யாக அமைச்­சர் திசை­தி­ருப்ப முயல்­கி­றார்.

1959-ஆம் ஆண்டு தமிழ்­நாடு இந்து சமய மற்­றும் அற­நி­லை­யங்­கள் சட்­டத்­தின் பிரிவு 6(22)-ன்படி, ஒரு சமய நிறு­வ­னத்­தின் நிர்­வா­கம் எந்த நப­ரி­டமோ அல்­லது எந்த அமைப்­பி­டமோ ஒப்­ப­டைக்­கப்­பட்­டி­ருக்­கி­றதோ, அந்த நபர் அல்­லது அமைப்­பு­தான் “அறங்­கா­வ­லர்” என சட்­டம் வரை­ய­றுக்­கி­றது.

அதே­போல் சட்­டப்­பி­ரிவு28-ன்படி, ஒவ்­வொரு சமய நிறு­வ­னத்­தின் அறங்­கா­வ­ல­ரும் அறக்­கட்­ட­ளை­யின் விதி­மு­றை­கள் மற்­றும் அந்­தத் திருக்­கோ­யி­லின் வழக்­காற்­றைப் பின்­பற்றி அதன் விவ­கா­ரங்­களை நிர்­வ­கிக்க வேண்­டும்.

இந்த விவ­கா­ரம் தொடர்­பாக மதுரை கிளை­யில் Item No.50-ஆக வழக்­கும் விசா­ர­ணைக்கு வர­வுள்­ளது.

அறங்­கா­வ­லர் குழு

பெய­ர­ள­வி­லான அமைப்பு அல்ல

அறங்­கா­வ­லர் குழு என்­பது பெய­ர­ள­வி­லான அமைப்பு அல்ல. சட்­டம் மற்­றும் விதி­க­ளின்­படி அதற்­குத் தெளி­வான அதி­கா­ரங்­க­ளும் பொறுப்­பு­க­ளும் உள்­ளன.

அறங்­கா­வ­லர் குழுக் கூட்­டம் நடை­பெ­று­வ­தற்­குக்­கூட உரிய quorum அவ­சி­யம். மூன்று பேர் கொண்ட குழு­வாக இருந்­தால் குறைந்­த­பட்­சம் இரண்டு பேரும், ஐந்து பேர் கொண்ட குழு­வாக இருந்­தால் குறைந்­த­பட்­சம் மூன்று பேரும் இருக்க வேண்­டும். கூட்­டத்­திற்­கான அஜெண்­டா­வும் விதி­க­ளின்­படி முன்­கூட்­டி யே அறங்­கா­வ­லர்­க­ளுக்கு அனுப்­பப்­பட வேண்­டும்.

இவ்­வாறு திருக்­கோ­யில் நிர்­வா­கத்­தில் சட்­டப்­பூர்­வ­மான அதி­கா­ர­மும் பொறுப்­பும் கொண்ட அறங்­கா­வ­லர்­களை, “வரு­வோர் போவோர் பெயர்­க­ளை­யெல்­லாம் அழைப்­பி­த­ழில் போட முடி­யாது” என்ற தொனி­யில் அமைச்­சர் குறிப்­பி­டு­வது ஆண­வத்­தின் உச்­ச­மா­கும்.

“ராணு­வத்­தால் அழிந்­த­வர்­க­ளை­விட, ஆண­வத்­தால் அழிந்­த­வர்­கள்­தான் அதி­கம்” என்­பதை சம்­பந்­தப்­பட்ட அமைச்­சர் நினை­வில் கொள்ள வேண்­டும்.

வளர்ச்­சித் திட்­டங்­களை ரத்து செய்­வதே இந்த ஆட்­சி­யின் வழக்­கமா?

சென்­னைப் பெரு­ந­கர் வளர்ச்­சிக் குழு­மத்­தின் கீழ் திரா­விட மாடல் ஆட்­சி­யில் வரை­ய­றுக்­கப்­பட்ட காஞ்­சி­பு­ரம் புது­ந­கர் வளர்ச்­சித் திட்­டம் மற்­றும் பாரம்­ப­ரிய வளர்ச்­சித் திட்­டம் ரத்து செய்­யப்­பட்­டி­ருப்­பது குறித்­தும் பத்­தி­ரி­கை­யா­ளர்­கள் கேள்வி எழுப்­பி­னர்.

வளர்ச்­சிப் பணி­களை முடக்­கு­வ­தும், ஏற்­க­னவே திட்­ட­மி­டப்­பட்ட மக்­கள் நலத் திட்­டங்­களை ரத்து செய்­வ­தும் தற்­போ­தைய ஆட்­சி­யின் வழக்­க­மா­கி­ விட்­டது.

இந்­தத் திட்­டங்­களை ஏன் ரத்து செய்­தீர்­கள் என்று கேள்வி எழுப்­பி­ய­போது, “அந்­தத் துறை­யின் அமைச்­சர் இப்­ப­டித்­தான் வரு­வார்; அவ­ரி­டமே போய் கேளுங்­கள்” .

இவ்வாறு அவர் பேட்டியளித்தார்.