வேலூர் வடக்கு மாவட்டப் பொறுப்பாளரும், நாடாளுமன்ற உறுப்பினருமான கதிர் ஆனந்த், வேளாண் மற்றும் காலநிலை மண்டலத்தை அடிப்படையாக கொண்டு தமிழ்நாட்டில் விளையும் முக்கிய மசாலாப் பயிர்களான மஞ்சள், மிளகு, மிளகாய், கிராம்பு, மல்லி, ஏலக்காய், இஞ்சி, பூண்டு ஆகியவற்றின் பொருளாதார நிலை குறித்து சென்னை பல்கலைக்கழகத்தில் ஆய்வு மேற்கொண்டு முனைவர் பட்டம் பெற்றுள்ளார். இதனையடுத்து, சென்னை அண்ணா அறிவாலயத்தில், கழகத் தலைவர் மு.க.ஸ்டாலின் அவர்களைச் சந்தித்து ஆய்வறிக்கையைக் காண்பித்து வாழ்த்துப் பெற்றார். அதுபோது, கழகப் பொதுச் செயலாளர் துரைமுருகன், பொருளாளர் டி.ஆர்.பாலு, முதன்மைச் செயலாளர் கே.என்.நேரு, அமைப்புச் செயலாளர் ஆர்.எஸ்.பாரதி உள்ளிட்டோர் உடன் இருந்தனர்.